عدالة الرب

البارت الرابع

سيف( من بدت السنة صح ضجت من رهف بس كلت لازم احجي وياها بس اشو هاي حيل رافعة خشمها عليه وماترد عليه ضجت منها بالزايد فد يوم شفت رؤى كاعدة رحت سلمت عليها هي من النوع فقيرة مو ام لسان مو مثل هديل وجنان
☺-- هلو رؤى شلونج
👱-- هلو سيف الحمدالله انت شلونك
☺-- اكولج رايد منج طلب
👱- كول تدلل
☺--- ماريد جنان وهديل يعرفون اريدج تروحين على رهف ودكوليلها اذا سيف خطبج تقبلين اني مااتحمل اروح وتفشلني
@رؤى@ اتفاجأت من سيف طلب مني هذا الطلب اني من اول مرة شفته حبيته بس جنت اخاف احجي لان كلثوم تموت عليه وجنان وهديل سوو المستحيل حتى يحب كلثوم ارتبكت وكلت احسن شي اخربها من يمي لو يروح ل كلثوم احسن بس لايروح لرهف لان جنت اغار منها لان اعرف سيف يموت عليها
👱-- اوكي ماشي تدلل انتظر مني جواب ورا ساعة انتظرني بلكافتريا
☺--- ماشي شكرا خيتو الوردة 😍😍😍😍
@رؤى@ بس كال خيتو اتخبلت كتله اني اعلمك طبعا وره المحاضرة رحت للكافتريا وشفته كاعد ينتظرني ومرتبك حيل واني خوش لكيتله سالفة وطبعا ولا رحت يم رهف ولاحجيت قابل اني ثولة
-- هلو سيوفي شونك
☺--- بشرررريني شكالت
👱--- يمعود د طلبي عصير بالاول هسه احجيلك
☺-- احجي بعدين نشرب ماعندي صبر شكالت
👱---  مممم شكولك والله ماعرف ...... ممم شوف بصراحة اتفاجأت طلعت رهف مخطوبة بالعطلة وعاقدة بلمحكمة هم حتى شوفتني الصور مال الحفلة وتموت على خطيبها بس مليون مرة حلفتلي ماكول لاحد عفية حباب لا دكول لاحد عيب حلفتني من تخلص السنة راح تتزوج وكالت اني ما يوم انعجبت ب سيف اعتبرته اخ من البداية اسفة سيوفي خيبت امالك
@سيف@ من كامت تحجي رؤى اتخبللللت عقلي طار حسيت كلبي انكسر كلت ليش هيج ماحست بيه رهف واني هلكد احبها ليش ماقدرت حبي ابد ااتعصبت وصرت احمر وكفت على حيلي ودفرت الكرسي وطلعت سريع شفت هديل وجماعتها سلمو بس ماجاوبت عفتهم ومتعصب
هديل-- يمه اسم الله ولج رؤى شبيه سيف
رؤى-- كعدو حتى افهمكم
حجت رؤى كلشي لصديقاتها اتخبلو
جنان -- ولج رؤى عود انتي الفقيرة هههعههه طلعتي داهية
هديل --- عفية بتربيتي هههههعه
كلثوم --- بنات ماعرف شون اشكركم ماعرفت هلكد اتحبوني شكراااا حبيباتي ولكم خلصنا من رهف نهااااائي هلا هلا هلا هلا
((( طبعا هذا مو حب بيناتهن كل وحدة بس الله يعلم شكو براسها وتفكيرها الوسخ اكيد مو حبا ب كلثوم سوو هلكد مصايب ))
@رهف@ مرت ايام واني عادي من اشوف سيف ابقه اكرهه وجانت تلعب نفسي منه من اتخيله ويه كلثوم يحجون غزليات وحبجيات بس هو هم كام حتى مايباوع عليه وصدك شفته كثرت كعداته ويه كلثوم وشلتها واني هم شلته من راسي نهائي واجو هواية بهالفترة شباب صارحوني وخطبوني بس اني كنت ارفض كلت بعد وكت فد يوم دخلنا عالمحاضرة
شفنا عاللوحة مكتوب كلثوم  ➕ سيف ⏪ زواج قريب وكله قلوب وهالسوالف
حيل انقهرت وضجت طلعت من المحاضرة كعدت جوا الشجرة مالتي وشوية بجيت بعدين كلت ليش ابجي هو انسان فاشل ليش ااهتم )
@سيف@ من يوم الي عرفت رهف مخطوبة شلتها من راسي وحاولت انساها وهلكد ما لحت هديل عليه صدك بديت احجي ويه كلثوم تلفوناات وبالجامعة دائما سوا صارت بينه علاقة حب صح اني ماجنت احبها بس جنت احاول انسى بيها رهف وهي جانت حيل تحبني بس كمت الاحظ شغلات غريبة انو هديل حجيها ويايه صار يختلف وتلفوناتها كله بنص الليل وفد يوم طلبت مني اشوفها وحدنا وره الكافتريا رحت شفتها مرتبة روحها حيل كالت
- سيف تعال اريد اححي وياك
-- كولي هدولة بس لا عندج مشكلة ويه ابو لبنى (زوج هديل)
--اي والله سيوفي ابو لبنى اموتني دائما مشغول بالشغل وصاير بارد ويايه حيل
سيف اتفاجات من كلامها - ليش شكو
-- سيوفي مايهتم بيه واني البسله الوان اشكال ملابس نوم بس هو بارد شسويله اني مو حلوة برأيك  شوف اذا تريد اشوفك صوري بلبيت شون اطلع
@سيف@ انصدمت من كلام هديل حيل ماعرفت شتصرف وانوب تشوفني صورها شبه عارية اتخبلت ردت اكوم جان تلزم ايدي وكبل بدت تبوس بيه بشغف حاولت امنعها بس اصرت جان كبل ادفعها لعبت نفسي منها شفت رؤى واكفة ومصدومة تباوع علينا من شافتني ركضت
صيحت على هديل وكتلها - ولج اشبيج اتخبلتي هاي ليش هيجي سويتي انتي مرة متزوجة شنو هالخيانة لا وانوب اني حبيب صديقتج الي ذبحتيني بيها شنو هالقرف ماريد اشوف وجهج مرة ثانية وطلعت متعصب كبل طلعت من الجامعة بس موبايلي بس يرن كلثوم موتتني اكيد رؤى كايلتلها اخر شي ضربته بالكاع وكسرته وعزلت نفسي يومين بغرفتي ماداومت )
@ رهف@ جنت كاعدة بلحديقة وكدامي جنان وكلثوم ومجموعة شباب اشو اجت رؤى تركض و وجها اصفر وتصيح ويه صديقاتها اني حسيت بفضول اشوية اتقربت منهم بس ياريت ماتقربت لان سمعت رؤى دكول شايفة سيف وهديل يتباوسون ومتحاضنين وبمكان عزلة انصدمت حيل كلت معقولة سيف يطلع بهالقذارة جان كلثوم تتخبل وتصيح ولمت العالم عليها وتسب ب سيف وهديل وجان تجي هديل وماكو غير صارت عركة كلها غلط وفشار ومكافش عبالك ولا طالبات جامعة...😠😠😠😠