عدالة الرب

البارت الثاني

رهف( حيل كرهت البنات حسيت ماارتاحيتلهم  بس هم الله يسلمهم لزكة يومية جايات ويحجون وياية وعرفت انو هديل متزوجة وعدها بنات اثنين وجنان متزوجة وعدها ولد وبنت وروئ وكلثوم مامتزوجات بنات وهديل وجنان متزوجات من كانو صغار وعن طريق العلاقة وازواجهم ماعدهم شهادة ويمكن متندمات لان متزوجات بس كل مايجون اني حيل اضوج واتهرب منهم وفد يوم واني كاعدة بلمحاضرة صار عندي حساسية واختنكت بحيث اريد يطلع صوت ماكو متت صرت حمرا وعيوني حمر ودموع تنزل سمعت سيف يكول استاذ بلا زحمة هاي رهف اختنكت خلي تطلع بره اتفاجأت بس كلت ميخالف بس حتى اطلع سمحلي الاستاذ طلعت بس من الدموع ماشوف الاستاذ ورايه كايل لسيف روح اخذلها مي فه طلع وراية
سيف( كنت كاعد بلمحاضرة وكالعادة صافن برهف وبهدوءها ماشفت غير البنت اختنكت وبدت تنزل دموعها وتحاول تحجي ويه الاستاذ بس ماتكدر كبل وكفت على حيلي وطلبت من الاستاذ نطلع طلعت وراها وركضت جبتلها مي بس ميت خوف عليها 
☺--- رهف رهف هاج مي اشربي
رهف ( اخذت المي من ايده سريع وشربت وبعدين عفته ودخلت للحمامات غسلت وجهي شوية ارتاحيت بقيت فد عشر دقايق وبعدين طلعت شفته واكف وخايف بس شافني اجه ركض
☺-- ها رهف شون صرتي طمنيني شبيج
😇--- الحمدالله احسن شكرا الك ليش مارجعت للمحاضرة
☺--- لا يمعودة يامحاضرة اهم شي انتي صرتي احسن تعالي نطلع بره اتنفسي شوية
رهف( ترددت اطلع بعدين اصريت انو يرجع للمحاضرة واني شوية ارتاح وارجع ادخل للمحاضرة فه خطية قبل  ودخل للمحاضرة ومن طلعنا نهاية الدوام جاي اتمشه حتى اروح لان السايق اجه وراية شفت سيف يصيحلي
☺ -- رهف رهف رهف
😇--- بلي سيف تفضل 
☺--- المحاضرة الي فاتتج ماتريديها
😇--- اكيد اريدها كلت باجر اخذهم من البنات
☺ --- وليش باجر اني خطي حلو اخذيهم واستنسخي عليهم هسه
😇--- اي والله شكرا بس من وين استنسخ
☺-- باستغراب من الكافتريا هناك اكو استنساخ
😇--- اوكي بس ممكن ادليني عليها
☺--- بتعجب شديد على بختج لا دكولين مارايحة للكافتريا ليهسه السنة راح تخلص شجنتي تاكلين تشربين ههههه
رهف بقيت ساكتة ماحجيت شي وهو واكف كبالي ومتعجب
☺--- اكول اني راح استنسخهم الج وباجر اجيبها الج روحي لاتتاخرين على السايق
😇--- بابتسامة شكرا مع السلامة
سيف( خررررب ولك ابتسمتلي ولك عمي سيف هاي مو بشر هاي ملاك ونازل عاالارض خلص سيوفي شد حيلك وخلي تصير من نصيبك
هديل--؛ ها سيوفي شعندك صافن خيرك
سيف-- ها لا لا ماكو شي هدولة
👩--- يله الشلة كلها تنتظرك بلكافتريا خلي نروح
☺--- يله امشي
رهف( صار بينه حجي اني وسيف لو عالدروس لو محاضرات يومية من يجي لازم يصبح  عليه ويشوف شون قارية لان كان عدنا امتحانات عملي المهم صارت نوع من الصداقة بينه و اني اعرف هو يحبني بس اني بعدني مصرة على موقفي ماريد احب المهم صارت  امتحانات النظري وبدينه نمتحن )
(سيف... بديت ااتعلق مو طبيعي ب رهف بس شسوي ماتقبل تطول وكفتها ويايه ماعرفت شون ااخليها تحبني فد يوم كنتت كاعد ويه الشلة مالتي
سيف--- اكول هدولة يمعودة اشوو ماتساعدين اخوج
هديل--- خير شكو كول امر
سيف---  ولكم روحو كعدو ويه رهف وامدحو بيه كدامها بلكي شوية تحس
سيف( شو البنات وحدة صفنت بالثانية ووجهن انكلب وشفت كلثوم راحت كبل )
هديل --- ولك عزه بعينك مالكيت غير هاي
سيف وبخوف شديد--- ليش شبيها البنية
جنان -- ماتستاهلك ابد
سيف -- ليش بابا شكوو فهموني
هديل --- ولك ذاك اليوم جنه كاعدات سوا وانت فتت من كدامنا هي كالت شكد اكره هذا الولد زاحف درجة اولى ولوكي وابو البنات بس يركض وراية واني تاج راسه اجولي ورفضتهم هذا الحشرة شنو احنه استغربنا كلنا بلعكس سيف
خوش ولد حباب كالت بابا انتو فقيرات لاتحجون وياه يشوه سمعتكم
سيف( بس بدت هديل وجنان يحجون اتخبلت انجنيت ماعرف شصار بيه فارت اعصابي لو بيدي اروح ادفنها بس المشكلة شفتها راحت حاولت مااصدكهم بس حتى روئ كالت اي صدك اني هم جنت كاعدة اتخبلت بقو يحجون بعد اني ماتحملت استأذنت منهم ورحت للقسم الداخلي صديقي وسام بس شافني اتخبل حجيتله هو هم ضاج كال عوفها مو كتلك مغرورة وشايفة نفسها يس اني بقيت اكل بروحي حيل ضجت الا ان اغمى عليه وودوني الشباب للطوارئ والحمدالله رجعت بس اخذت اجازة واأجلت امتحان باجر)
كلثوم --- بنات اليوم ماشفتو سيف اشو ماكو
جنان -- ولج لاتخافين يجي ولا يهمج الخطة البارحة نجحت لان شفنا شلون ضاج
كلثوم ؛- اكولج اخاف يروح يكول لرهف احنه هيج كلنا
هديل -- لاتخافين مايجيب اسماءنا ههههههه بي والله هاي المغرورة تستاهل ههههه ولا يهمج كلثوم راح يصير سيف الج مستحيل تاخذه هاي اليابسة رهف 😈😈😈😈😈😈😈.