ﻭﻋﺪ ﺑﺘﺮﺟﻒ ﻗﺎﻟﺖ ﻟﻲ ﺍﻟﺮﺍﺟﻞ ﻣﺎﺕ ﺗﺤﺖ ﺍﻟﺸﺠﺮﻩ ...
ﺟﺮﻳﺖ ﺍﺷﻮﻑ ﺍﻟﺤﺎﺻﻞ ﺷﻨﻮ ﻟﻘﻴﺖ ﺍﻟﺮﺍﺟﻞ ﻣﻄﻌﻮﻥ ﺑﻲ ﻏﺼﻦ ﺣﺎﺩ ﻣﻦ
ﺍﻟﺸﺠﺮﻩ ﻓﻲ ﺻﺪﺭﻭ ﻭﻭﺍﻗﻊ ﺗﺤﺘﻬﺎ ﻭﺍﻟﺸﺮﻃﻪ ﺟﺎﺕ ﻭﺳﺠﻠﻮﻫﺎ ﺣﺎﺩﺛﻪ ﻋﺎﺩﻳﻪ
ﻧﺘﻴﺠﻪ ﺧﻄﺄ ﻣﻨﻮﻭ ..
ﺍﻣﺎ ﺍﻧﺎ ﻛﻨﺖ ﺑﻘﻮﻝ ﻻﻻ ﻣﺎﺧﻄﺄ ﺍﻛﻴﺪ ﻓﻲ ﺣﺎﺟﻪ ﻓﻲ ﺍﻟﺸﺠﺮﺓ ﺩﻱ ...
ﻟﻜﻦ ﻣﺎﻗﻠﺖ ﺍﻟﻚﻻﻡ ﺩﺍ ﻟﻲ ﺯﻭﻝ ..
ﻧﻬﺎﻳﻪ ﺍﻟﻴﻮﻡ ﻗﻌﺪﻧﺎ ﻛﻠﻨﺎ ﺳﻮﺍ ﻧﺘﻌﺸﻲ ﺟﺪﻱ ﻗﺎﻝ ﺑﻜﺮﻩ ﺑﺮﺍﺍﻱ ﺑﻘﻄﻌﻬﺎ ﺍﻧﺎ ﻗﻠﺖ
ﻟﻴﻪ ﺍﻧﺖ ﻟﻴﻪ ﻣﺼﺮ ﻛﺪﺍ ﻣﺎﻛﻔﺎﻳﻪ ﺍﻟﺮﺍﺟﻞ ﺍﻟﻤﺎﺕ ﺩﺍ ... ﺍﻣﻲ ﻗﺎﻟﺖ ﻟﻴﻪ ﻣﺎﻓﻲ
ﺩﺍﻋﻲ ﺧﻠﻴﻬﺎ ﻭﻟﻮ ﻣﻀﺎﻳﻘﺎﻙ ﺣﻮﻝ ﻏﺮﻓﺘﻚ ..ﻗﺎﻝ ﻟﻴﻬﺎ ﻻﻻ ﺑﻘﻄﻌﻬﺎ ﻳﻌﻨﻲ
ﺑﻘﻄﻌﻬﺎ ...
ﻛﻨﺖ ﺣﺎﺳﻪ ﻛﺄﻧﻮ ﻭﻧﺤﻦ ﺑﻨﺘﻜﻠﻢ ﻓﻲ ﻧﺎﺱ ﺑﺘﺴﻤﻊ ﻓﻲ ﻙﻻﻣﻨﺎ ﻭﻗﺎﻋﺪﻩ ﺣﻮﺍﻟﻴﻨﺎ
...ﻗﻠﺖ ﻳﻤﻜﻦ ﻭﺳﻮﺍﺱ ﻣﻦ ﺍﻟﺤﻠﻢ ﺍﻟﺸﻮﻓﺘﻮ .. ﺑﻌﺪ ﺍﻟﻌﺸﺎﺀ ﻣﺸﻴﺖ ﻏﺮﻓﻪ
ﺍﺧﺘﻲ ﺍﻟﻜﺒﻴﺮﻩ ﻭﺑﻲ ﺯﻫﺞ ﺩﺧﻠﺖ ﻭﺿﺮﺑﺖ ﺍﻟﺒﺎﺏ ﻭﻗﻠﺖ ﻟﻴﻬﺎ ﺟﺪﻙ ﺩﺍ
ﻣﺎﺣﻴﻌﺪﻱ ﺍﻟﻤﻮﺿﻮﻉ ﺩﺍ ﻋﻠﻲ ﺧﻴﺮ .. ﻗﺎﻟﺖ ﻟﻲ ﺟﺪﻱ ﺩﺍ ﺧﺮﻑ ﺥﻻﺹ ﻭﻟﻘﻲ
ﻟﻴﻬﻮ ﻣﻮﺿﻮﻉ ﺧﻠﻴﻬﻮ ﻳﺎﺥ ﻗﻠﺖ ﻟﻴﻬﺎ ﻻ ﻣﺎﺑﺨﻠﻴﻬﻮ ﻭﻃﻠﻌﺖ ﻋﻠﻲ ﻏﺮﻓﺘﻲ
ﻭﺭﻗﺪﺗﻪ ﺳﺮﺣﺎﻧﻪ ..ﻏﺮﻓﺘﻲ ﻛﺎﻧﺖ ﻓﻲ ﺍﻟﺪﻭﺭ ﺍﻻﻭﻝ ﻭﺍﻟﺸﺒﺎﻙ ﻓﺎﺗﺢ ﻋﻠﻲ
ﺍﻟﺤﻮﺵ ﺍﻟﻮﺭﺍ ﻳﻌﻨﻲ ﻋﺎﺩﻱ ﻣﻤﻜﻦ ﺍﺷﻮﻑ ﺍﻟﺸﺠﺮﻩ ﻭﺍﻧﺎ ﻓﻲ ﺳﺮﻳﺮﻱ ...
ﺍﺛﻨﺎﺀ
ﻣﺎﺍﻧﺎ ﺳﺮﺣﺎﻧﻪ ﻓﻲ ﺍﻟﺸﺠﺮﺓ ﻋﺎﻳﻨﺖ ﺷﻮﻓﺖ ﻧﺎﺱ ﺍﺷﻜﺎﻟﻬﺎ ﻏﺮﻳﺒﻪ ﺯﻱ
ﺍﻟﺸﻮﻓﺘﻬﺎ ﻓﻲ ﺍﻟﺤﻠﻢ ﻗﺎﻋﺪﻳﻦ ﻓﻮﻕ ﻓﻲ ﺍﻟﺸﺠﺮﻩ ﺻﺮﺧﺖ ﻭﺟﺮﻳﺖ ﺑﺮﺍ ﻏﺮﻓﺘﻲ
ﻻﻗﻴﺖ ﺍﺧﻮﻱ ﺍﻟﻜﺒﻴﺮ ﻛﻠﻤﺘﻮ ﺑﺲ ﺍﺳﺘﻐﺮﺏ ﻟﻤﻦ ﺟﺎﺀ ﻋﺎﻳﻦ ﺷﺎﻓﻬﻢ ﺍﺗﺨﻠﻊ ﺷﺪﻳﺪ
ﻭﻗﻔﻞ ﺍﻟﺸﺒﺎﻙ ﻗﺎﻝ ﻟﻲ ﺩﺍ ﺷﻨﻮ ..ﻗﻠﺖ ﻟﻴﻪ ﺍﻧﺎ ﻛﻨﺖ ﺣﺎﺳﻪ ﺍﻟﺸﺠﺮﺓ ﺩﻱ
ﻓﻴﻬﺎ
ﺷﻲ ﻣﺮﻳﺐ ﻭﺍﻟﺮﺍﺟﻞ ﺩﺍ ﻣﺎﻣﺎﺕ ﺳﺎﻱ .. ﻃﻠﻌﻨﺎ ﻏﺮﻓﻪ ﺍﻣﻲ ﻭﺍﺑﻮﻱ ﻭﻛﻠﻤﻨﺎﻫﻢ
ﻟﻤﻦ ﻋﺎﻳﻨﻮ ﻣﺎﺷﺎﻓﻮ ﺷﻲ ﻭﻗﺎﻟﻮ ﻟﻴﻨﺎ ﺍﻧﺘﻮ ﺑﺘﺘﻮﻫﻤﻮ ﻭﺷﺎﻛﻠﻮﻧﺎ ﻃﺒﻌﺎ ﺍﻧﺎ
ﺍﺗﻀﺎﻳﻘﺖ ﺷﺪﻳﺪ ﻭﻛﻨﺖ ﺧﺎﻳﻔﻪ ﻧﻤﺘﻪ ﻣﻊ ﺍﺧﻮﻱ ﻓﻲ ﻏﺮﻓﺘﻮ ﻭﻫﻮ ﻛﻤﺎﻥ ﻛﺎﻥ
ﺧﺎﻳﻒ ﻟﻠﺼﺒﺎﺡ ﻣﺎﻧﻤﻨﺎ ﻭﻛﻨﺎ ﺳﺮﺣﺎﻧﻴﻦ ..
ﺍﻟﺼﺒﺎﺡ ﺑﻌﺪ ﺍﻟﻔﻄﻮﺭ ﺍﻣﻲ ﻓﺘﺤﺖ ﺍﻟﻤﻮﺿﻮﻉ ﺍﺧﻮﻱ ﻗﺎﻝ ﻟﻴﻬﺎ ﻳﺎﺍﻣﻲ ﺍﻧﺎ ﻭﻧﻮﺭ
ﺍﻻﺗﻨﻴﻦ ﺷﻮﻓﻨﺎﻫﻢ ﺍﻣﻲ ﻗﺎﻟﺖ ﻟﻴﻪ ﻳﺎﻭﻟﺪ ﺍﺳﻜﺖ ﻣﺎﺗﺴﻤﻊ ﺍﺧﺘﻚ ﺍﻟﺼﻐﻴﺮﻩ
ﻙﻻﻣﻚ ﺍﻟﻔﺎﺿﻲ ﺩﺍ ﻭﻱﻻ ﻋﻠﻲ ﺟﺎﻣﻌﺘﻜﻢ .. ﻃﻠﻌﻨﺎ ﺍﻧﺎ ﻭﺍﺧﻮﻱ ﻭﻗﻔﻨﺎ ﺣﻤﺐ
ﺍﻟﺸﺠﺮﻩ ﺑﺲ ﻣﺎﻛﺎﻥ ﻓﻲ ﺷﻲ ﻟﻘﻴﻨﺎ ﺟﺪﻱ ﺟﺎﺀ ﻭﻣﻌﺎﻫﻮ ﺍﻟﻔﺎﺱ ﺣﻘﻮ ﺣﺬﺭﻧﺎﻩ
ﻭﺣﻜﻴﻨﺎﻩ ﻟﻴﻬﻮ ﺍﻟﺸﻔﻨﺎﻫﻮ ﻭﻗﻠﻨﺎ ﻟﻴﻪ ﺍﻟﺮﺍﺟﻞ ﺩﺍﻙ ﻣﺎﻣﺎﺕ ﺳﺎﻱ . ...
ﺟﺪﻱ ﻧﻬﺮﻧﺎ ﻭﻗﺎﻝ ﻟﻴﻨﺎ ﻱﻻ ﻋﻠﻲ ﺟﺎﻣﻌﺘﻜﻢ ﻭﻣﺎﺍﺷﻮﻓﻜﻢ ﺑﻲ ﺟﺎﻱ ﻃﺒﻌﺎ ﻫﻮ
ﻣﺎﺻﺪﻗﻨﺎ ﻭﻓﺎﻛﺮﻧﻲ ﻋﺎﻳﺰﻩ ﺍﻣﻨﻌﻮ ...
ﻃﻠﻌﻨﺎ ﺍﻟﺠﺎﻣﻌﻪ ﻭﺍﻧﺎ ﻃﻮﻝ ﺍﻟﻮﻗﺖ ﺑﻔﻜﺮ ﻭﺧﺎﻳﻔﻪ ﻣﻦ ﺍﻟﻤﺠﻬﻮﻝ ..
يتبع....
