ﻣﺸﻴﺖ ﻏﺮﻓﺘﻲ ﻭﻓﻀﻠﺖ ﺍﺑﻜﻲ ﻟﻠﺤﺎﻟﻪ ﺍﻟﻮﺻﻠﻨﺎ ﻟﻴﻬﺎ ﻟﺤﺪﻱ ﺍﻟﺼﺒﺎﺡ ﺑﺒﻜﻲ
ﻭﻣﺎﻗﺪﺭﺕ ﺍﻧﻮﻡ ....
ﺗﺎﻧﻲ ﻳﻮﻡ ﺑﻌﺪ ﺍﺻﺮﺍﺭ ﻣﻦ ﺍﻫﻠﻲ ﻣﺸﻴﺖ ﺍﻟﺠﺎﻣﻌﻪ ﻭﺍﻧﺎ ﻓﻲ ﺍﻟﺸﺎﺭﻉ ﻻﻗﺘﻨﻲ
ﻣﺮﺍ ﻋﺠﻮﺯ ﺳﻠﻤﺖ ﻋﻠﻲ ﻭﻗﺎﻟﺖ ﻟﻲ ﻣﻮﺵ ﺍﻧﺘﻮ ﺍﻟﺴﺎﻛﻨﻴﺖ ﻓﻲ ﺍﻟﺒﻴﺖ ﺍﻟﺴﻤﺢ
ﺍﻟﻜﺒﻴﺮ ﺩﺍ ﻗﻠﺖ ﻟﻴﻬﺎ ﺍﻳﻮﺍ ﻗﺎﻟﺖ ﻟﻲ ﺍﻃﻠﻌﻮ ﻣﻨﻮ ﺳﺮﻳﻊ ﻭﻣﺸﺖ ﻣﻨﻲ ﻟﻔﻴﺖ
ﺑﺎﻟﺸﺎﺭﻉ ﻭﺭﺍﻫﺎ ﻋﺸﺎﻥ ﺍﻋﺮﻑ ﺍﻟﺴﺒﺐ ﻟﻘﻴﺘﺎ ﻣﺎﻓﻲ ... ﺭﻏﻢ ﺍﻧﻮ ﺍﻟﺸﺎﺭﻉ
ﻣﺎﻓﻴﻬﻮ ﻟﻔﻪ ﻋﺸﺎﻥ ﺗﻠﻒ ﺑﻴﻬﺎ ﻭﻻ ﺑﺎﺏ ﻓﺎﺗﺢ ﻣﺘﻴﻦ ﺍﺧﺘﻔﺖ ﺑﺎﻟﺴﺮﻋﻪ ﺩﻱ ...
ﻭﺻﻠﺖ ﺍﻟﺠﺎﻣﻌﻪ ﻭﻗﺎﻋﺪﻩ ﺳﺮﺣﺎﻧﻪ ﻓﻲ ﺍﻟﻤﺤﺎﺿﺮﺓ ﻭﺍﻟﻤﺤﺎﺿﺮ ﺳﺄﻟﻨﻲ ﻭﻣﺎﻛﻨﺖ
ﻣﺮﻛﺰﺓ ﻟﻤﻦ ﻃﺮﺩﻧﻲ ﻭﻛﻞ ﺍﻟﻨﺎﺱ ﺿﺤﻜﻮ ﻓﻴﻨﻲ ﻃﻠﻌﺖ ﻭﺍﻧﺎ ﺑﺒﻜﻲ ﺯﻣﻴﻠﺘﻲ
ﺟﺎﺕ ﻭﺭﺍﻱ ﻗﺎﻟﺖ ﻟﻲ ...
ﻧﻮﺭ ﻳﺎﺑﺖ ﻣﺎﻟﻚ ﺍﻧﺘﻲ ﻟﻴﻚ ﻓﺘﺮﻩ ﻣﺘﻐﻴﺮﻩ
ﻗﻠﺖ ﻟﻴﻬﺎ ﺧﻠﻴﻨﻲ ﻣﻊ ﻧﻔﺴﻲ ﺷﻮﻳﻪ ﻣﻌﻠﻴﺶ ﻭﻃﻠﻌﺖ ﻋﻠﻲ ﺍﻟﺒﻴﺖ ﺭﺟﻞ ﻭﺭﺍ
ﻭﺭﺟﻞ ﻗﺪﺍﻡ ﻣﺎﻛﻨﺖ ﻋﺎﻳﺰﺓ ﺍﻣﺸﻲ ﺍﻟﺒﻴﺖ ﺍﻟﻤﺸﺌﻮﻡ ﺩﺍ ﻻﻧﻮ ﺩﻣﺮ ﺣﻴﺎﺗﻨﺎ ﻣﺎﺷﻪ
ﻭﺍﻓﻜﺮ ﻓﻲ ﻣﺼﻴﺮﻧﺎ ﻟﻤﻦ ﻭﺻﻠﺖ ﺍﻟﺒﻴﺖ ﻟﻘﻴﺖ ﺟﻤﺐ ﺍﻟﺒﺎﺏ ﻓﻲ ﺭﺍﺟﻠﻴﻦ ﻛﺒﺎﺭ
ﺧﺎﺗﻴﻦ ﻛﺮﺍﺳﻴﻬﻢ ﺟﻤﺐ ﺑﺎﺑﻨﺎ ﻭﺑﺘﻮﻧﺴﻮ ﻗﻠﺖ ﻟﻴﻬﻢ ﺍﻟﺲﻻﻡ ﻋﻠﻴﻜﻢ ﻣﺎﺭﺩﻭ ﻋﻠﻲ
ﻓﺘﺤﺖ ﺍﻟﺒﺎﺏ ﺑﺎﻟﻤﻔﺘﺎﺡ ﻭﺧﺸﻴﺖ ﺳﺮﻳﻊ ﻗﻠﺖ ﻟﻲ ﺍﺧﻮﻱ ﺩﻳﻞ ﻣﻨﻮ ...
ﻣﺸﻲ ﻓﺘﺢ ﺍﻟﺒﺎﺏ ﻣﺎﻟﻘﻲ ﺯﻭﻝ ... ﺑﻘﻴﺖ ﺍﻗﻮﻝ ﻟﻴﻪ ﺍﻗﺴﻢ ﺑﺎﻟﻠﻪ ﺷﻔﺘﻬﻢ
ﻭﺳﻤﻌﺘﻬﻢ ﻭﺍﻟﻠﻪ ﺍﻟﻌﻈﻴﻢ ﺍﻧﺘﻮ ﻟﻴﻪ ﻣﺎﻣﺼﺪﻗﻨﻲ ﺍﺧﻮﻱ ﻫﺪﺍﻧﻲ ﻭﺩﺧﻠﻨﺎ ﺍﻟﺒﻴﺖ
ﻭﺍﻧﺎ ﺑﺒﻜﻲ ﻭﺑﺼﺮﺥ ﻃﻠﻌﻮﻧﺎ ﻣﻦ ﺍﻟﺒﻴﺖ ﺩﺍ ﻃﻠﻌﻮﻧﺎ ﻣﻨﻮ (ﻻﺣﻴﺎﻩ ﻟﻤﻦ
ﺗﻨﺎﺩﻯ )ﺍﻓﺘﻜﺮﻭﻧﻲ ﻣﻨﻬﺎﺭﻩ ﻣﻦ ﺍﻟﺤﺼﻞ ﺑﺲ ...
ﺍﺧﻮﻱ ﺍﻟﻜﺒﻴﺮ ﺍﻟﻜﺎﻥ ﺣﺎﺳﻲ ﺑﺮﺿﻮ ﺑﻲ ﺣﺎﺟﻪ ﻓﻲ ﺍﻟﺸﺠﺮﻩ ﺩﻱ ﻟﻘﻴﺘﻮ ﻣﺎﺳﻚ
ﻓﺎﺱ ﻭﺑﻘﻄﻊ ﻓﻴﻬﺎ ﻭﺩﻣﻮﻋﻮ ﻧﺎﺯﻟﻪ ﻭﺑﻀﺮﺏ ﺍﻟﻔﺎﺱ ﻓﻲ ﺍﻟﺸﺠﺮﺓ ﺑﻲ ﻛﻞ
ﻗﻮﺗﻮ ﻛﺎﻧﻮ ﺑﻨﺰﻝ ﻏﻀﺒﻮ ﻋﻠﻴﻬﺎ ...
ﺍﻧﺎ ﺟﻴﺖ ﻗﻠﺖ ﻟﻴﻪ ﻋﻠﻴﻚ ﺍﻟﻠﻪ ﻻ ﻣﺎﺗﻬﺒﺸﻬﺎ ﻣﺎﺣﻴﺨﻠﻮﻙ ﻻ ﺧﻠﻴﻬﺎ ﺑﺲ ﺧﻠﻮﻧﺎ
ﻧﺮﺣﻞ ﻭﻗﻌﺪﺕ ﻓﻲ ﺍﻻﺭﺽ ﻣﺎﺳﻜﻪ ﺭﺟﻠﻴﻨﻮ ﻭﺑﺒﻜﻲ ﻟﻤﻦ ﻭﻗﻒ ﻭﺭﻣﻲ ﺍﻟﻔﺎﺱ
ﻓﻲ ﺍﻻﺭﺽ ﻭﻗﻌﺪ ﻳﺒﻜﻲ ﺑﻲ ﺣﺮﻗﻪ ﻫﻮ ﻛﻤﺎﻥ ...
ﻓﻲ ﺍﺧﺮ ﺍﻟﻴﻮﻡ ﻭﺍﻧﺎ ﺭﺍﻗﺪﻩ ﻓﻲ ﺳﺮﻳﺮﻱ ﻋﺎﻳﻨﺖ ﺑﺎﻟﺸﺒﺎﻙ ﺷﻮﻓﺖ ﻧﺎﺱ ﻃﻮﺍﻝ
ﻭﺿﺨﻤﻴﻦ ﺷﺎﻳﻠﻴﻦ ﺳﺮﻳﺮ ﻓﻴﻬﻮ ﺯﻭﻝ ﻭﺧﺘﻮﻭﻫﻮ ﻓﻰ ﺍﻻﺭﺽ ﻭﻓﻲ ﺣﻔﺮﻩ ﻛﺄﻧﻬﺎ
ﻗﺒﺮ ﺩﻓﻨﻮﻫﺎ ﻓﻴﻬﺎ ﻏﻤﻀﺖ ﻋﻴﻮﻧﻲ ﻭﺩﺧﻠﺖ ﺭﺍﺳﻲ ﺗﺤﺖ ﺍﻟﻤﺨﺪﻩ ﻟﻤﻦ ﻧﻤﺘﻪ
ﺻﺤﻴﺖ ﺍﻟﺼﺒﺎﺡ ﻭﺍﺳﺘﺤﻤﻴﺖ ﻭﺻﻠﻴﺖ ﻭﻃﻠﻌﺖ ﺍﻃﻤﻨﺖ ﻋﻠﻲ ﺍﻣﻲ ﻭﺍﺧﺘﻲ
ﻭﺩﺧﻠﺖ ﺍﻟﻤﻄﺒﺦ ﺍﻋﻤﻞ ﺍﻟﺸﺎﻱ ... ﺟﺎﺀ ﺍﺑﻮﻱ ﻗﺎﻝ ﻟﻲ ﺷﻮﻓﺘﻲ ﺍﺧﻮﻙ ﻗﻠﺖ
ﻟﻴﻪ ﻻﻻ ﺍﻧﺎ ﻧﺰﻟﺖ ﻗﺒﻞ ﺷﻮﻳﺔ ﻟﻴﻪ؟ ...
ﻗﺎﻝ ﻟﻲ ﻋﻨﺪﻧﺎ ﺷﻐﻞ ﺑﺪﺭﻱ ﺍﻟﻠﻴﻠﻪ ﻭﻣﺎﻟﻘﻴﺘﻮ ﻓﻲ ﻏﺮﻓﺘﻮ ... ﻫﻨﺎ ﻃﻮﺍﻟﻲ
ﺍﺗﺬﻛﺮﺕ ﺍﻟﺸﻮﻓﺘﻮ ﺑﺎﻟﻠﻴﻞ ﻟﻤﻦ ﺭﻣﻴﺖ ﺍﻟﻜﺒﺎﻳﻪ ﻣﻦ ﻳﺪﻱ ﻭﺍﺗﻜﺴﺮﺕ ...
ﺍﺑﻮﻱ ﻗﺎﻝ ﻟﻲ ﻓﻲ ﺷﻨﻮ ﻳﺎﺑﺖ ..ﺳﻜﺘﻪ ﻭﻣﺼﺪﻭﻣﻪ ﻭﺿﺮﺑﺎﺕ ﻗﻠﺒﻲ ﺑﺘﺰﻳﺪ
ﻣﺴﻜﻨﻲ ﻭﻗﺎﻝ ﻟﻲ ﻳﺎﺑﺖ ﻣﺎﻟﻚ ﺑﻘﻴﺖ ﺍﻗﻮﻝ ﻳﺎﺭﺏ ﺍﻛﻮﻥ ﺑﺤﻠﻢ ﺍﻣﺲ ...
ﻗﻠﺖ ﻟﻴﻪ ﺍﺭﺡ ﻧﻔﺘﺸﻮ ﻭﺟﺴﻤﻲ ﻛﻠﻮ ﺑﺮﺟﻒ ﻓﺠﺎﻩ ﺑﺎﺏ ﺍﻟﺸﺎﺭﻉ ﻓﺘﺢ ﻭﺍﺧﻮﻱ
ﺟﺎ ﺩﺍﺧﻞ ﺟﺮﻳﺖ ﻋﻠﻴﺔ ﻣﺎﻣﺼﺪﻗﻪ ﻗﻠﺖ ﻟﻴﻪ ﻭﻳﻦ ﻛﻨﺖ ﻗﺎﻝ ﻟﻲ ﻣﺸﻴﺖ ﺟﺒﺖ
ﺭﺻﻴﺪ ﻟﻴﻪ؟؟ ..
ﻗﻠﺖ ﻟﻴﻪ ﻻﻻ ﺍﺭﺡ ﻧﺸﺮﺏ ﺍﻟﺸﺎﻱ ﺍﺑﻮﻱ ﻋﺎﻭﺯﻙ ...
( ﺑﻴﻨﻲ ﻭﺑﻴﻦ ﻧﻔﺴﻲ ﺍﻩ ﺍﻟﺤﻤﺪﻟﻠﻪ ) ..
ﻗﻌﺪﻧﺎ ﻧﺸﺮﺏ ﺍﻟﺸﺎﻱ ﻭﺍﻧﺎ ﻛﻞ ﻧﻈﺮﻱ ﻣﺘﻮﺟﻪ ﻋﻠﻲ ﺍﺧﻮﻱ ﺍﻟﻜﻨﺖ ﺣﺎﺳﻪ ﺍﻧﻲ
ﻛﻨﺖ ﺡ ﺍﻓﻘﺪﻭ ﻛﺒﻴﺖ ﻟﻴﻬﻢ ﺍﻟﺸﺎﻱ ﻭﺧﺘﻴﺖ ﻟﻴﻪ ﺍﻭﻝ ﻭﺍﺣﺪ ﺑﺲ ﻓﻲ ﺣﺎﺟﻪ
ﻏﺮﻳﺒﻪ ..ﺷﺎﻝ ﺍﻟﻜﺒﺎﻳﻪ ﺑﻲ ﻳﺪﻭ ﺍﻟﺸﻤﺎﻝ ﻭﺑﺸﺮﺏ ﻗﻠﺖ ﻟﻴﻪ ﻣﺎﺳﻚ ﺍﻟﻜﺒﺎﻳﻪ
ﺑﺎﻟﺸﻤﺎﻝ ﻟﻴﻪ ...
ﺍﺗﻮﺗﺮ ﻭﺿﺤﻚ ﻗﺎﻝ ﻟﻲ ﻛﻨﺖ ﻣﺎﺳﻚ ﺗﻠﻔﻮﻧﻲ ﺑﻲ ﺍﻟﻴﻤﻴﻦ ﻭﻗﺎﻡ ﻣﻨﻨﺎ ﻃﻠﻊ
ﺍﻟﺤﻮﺵ ...ﻗﺎﻝ ﻋﻨﺪﻭ ﺗﻠﻔﻮﻥ ﻣﻬﻢ ...
ﺍﻧﺘﻈﺮﻧﺎ ﻗﺮﻳﺐ ﻧﺺ ﺳﺎﻋﻪ ﻭﻟﺴﻪ ﻣﺎﺟﺎﺀ ﺍﺑﻮﻱ ﺯﻫﺞ ﻭﻗﺎﻝ ﺍﻟﻮﻟﺪ ﺩﺍ ﻣﺸﻲ
ﻭﻳﻦ ﺣﻴﺄﺧﺮﻧﺎ ﻗﻠﺖ ﻟﻴﻪ ﺍﺗﺼﻞ ﻋﻠﻴﻬﻮ ... ﺍﺗﺼﻞ ﻋﻠﻴﻬﻮ ﺟﺎﺀ ﺍﺧﻮﻱ ﺍﻟﺘﺎﻧﻲ
ﺷﺎﻳﻞ ﺗﻠﻔﻮﻧﻮ ﻗﺎﻝ ﻟﻴﻪ ﻳﺎﺍﺑﻮﻱ ﻣﺎﺗﺘﺼﻞ ﺗﻠﻔﻮﻧﻮ ﻧﺎﺳﻴﻬﻮ ﺷﻜﻠﻮ ﻓﻲ ﺍﻟﻐﺮﻓﻪ
ﺍﻧﺎ ﺍﺗﺨﻠﻌﺖ ﻗﻠﺖ ﻟﻴﻪ ﻟﻜﻦ ﻫﻮ ﺷﺎﻟﻮ ﻭﻃﻠﻊ ﺑﻴﻪ ﻗﺒﻞ ﻧﺺ ﺳﺎﻋﻪ ....
ﻗﺎﻝ ﻟﻲ ﻻﻻ ﺍﻟﺘﻠﻔﻮﻥ ﺩﺍ ﻣﻦ ﺍﻟﺼﺒﺎﺡ ﻓﻲ ﺍﻟﻐﺮﻓﻪ ﻭﺍﻧﺎ ﺻﺤﻴﺖ ﻟﻘﻴﺖ ﺳﺮﻳﺮﻭ
ﻓﺎﺿﻲ ..
يتبع....
