ﺍﺗﺨﻠﻌﺖ ﻟﻤﻦ ﺳﻤﻌﺖ ﻙﻻﻡ ﺍﺧﻮﻱ ﻗﻠﺖ ﻟﻴﻪ ﻃﻴﺐ ﺍﻟﺸﺎﻳﻠﻮ ﺩﺍ ﺷﻨﻮ ... ﺍﺑﻮﻱ
ﺭﺩ
ﻳﺎﺑﺖ ﻋﺎﺩﻱ ﻳﻜﻮﻥ ﻋﻨﺪﻭ ﺗﻠﻔﻮﻧﻴﻦ .. ﻋﺼﺒﺖ ﺷﺪﻳﺪ ﻣﻦ ﺍﻟﺒﺮﻭﺩ ﺍﻟﻬﻢ ﻓﻴﻬﻮ ﺩﺍ
ﻭﻟﻴﻪ ﻣﺎﻋﺎﻳﺰﻳﻦ ﻳﻔﻬﻤﻮ ﻓﻲ ﺷﻲ ﻣﺎﻃﺒﻴﻌﻲ ...
ﺑﺪﻳﺖ ﺍﻓﻜﺮ ﻳﺎﺭﺑﻲ ﺩﺍﻙ ﻣﺎﻛﺎﻥ ﺍﺧﻮﻱ ... ﺗﺒﻘﻲ ﻣﺼﻴﺒﻪ ﻟﻮ ﺍﻟﻔﻲ ﺑﺎﻟﻲ ﺣﺼﻞ
ﺟﺎﺕ ﺍﺧﺘﻲ ﻣﻘﺎﻃﻌﻪ ﺍﻓﻜﺎﺭﻱ ﻭﻗﺎﻟﺖ ﻟﻲ ﻣﺎﻟﻚ ﻳﺎﻧﻮﺭ ﻗﻠﺖ ﻟﻴﻪ ﺑﻲ ﺯﻫﺞ
ﺧﻠﻴﻨﻲ ﻓﻲ ﺣﺎﻟﻲ ﻭﻃﻠﻌﺖ ﻋﻠﻲ ﻏﺮﻓﺘﻲ ...ﻓﺘﺤﺖ ﺍﻟﺸﺒﺎﻙ ﻭﺑﻌﺎﻳﻦ ﻟﻠﺸﺠﺮﻩ
ﺑﺲ ﻣﺎﻛﺎﻥ ﻓﻴﻬﺎ ﺷﻲ ﻏﺮﻳﺐ ﻏﻴﺮ ﻋﺼﺎﻓﻴﺮ ﺣﻮﺍﻟﻴﻨﺎ ﻭﺍﻟﻬﻮﺍﺀ ﺑﺤﺮﻙ ﻓﻲ
ﺍﻏﺼﺎﻧﻬﺎ ﻳﻤﻴﻦ ﻭﺷﻤﺎﻝ ... ﺟﺮﻳﺖ ﻧﻔﺲ ﻃﻮﻭﻳﻞ ﻭﺭﻗﺪﺗﻪ ﻓﻲ ﺳﺮﻳﺮﻱ
ﻭﺳﺮﺣﺖ
...
ﺍﺧﺮ ﺍﻟﻴﻮﻡ ﻛﻞ ﻧﺎﺱ ﺍﻟﺒﻴﺖ ﺟﻮ ﻭﻋﺎﻳﺰﻳﻦ ﻧﺘﻌﺸﻲ ﻣﻊ ﺑﻌﺾ ﻣﺎﻋﺪﺍ ﺍﺧﻮﻱ
ﻣﺎﻣﻌﺎﻧﺎ ﺳﺄﻟﻨﺎ ﺍﺑﻮﻱ ﺭﺩ ﺑﻲ ﺯﻋﻞ ﻗﺎﻝ ﻣﺎﺷﻮﻓﺘﻮ ﻣﻦ ﺍﻟﺼﺒﺎﺡ ﺑﻌﺪ ﻃﻠﻊ
ﻣﺎﺟﺎﺀ ﻭﻫﻮ ﻋﺎﺭﻑ ﻋﻨﺪﻧﺎ ﺷﻐﻞ ﻣﻬﻢ .. ﺍﺧﺘﻲ ﻗﺎﻟﺖ ﻟﻴﻪ ﻃﻴﺐ ﻳﺎﺍﺑﻮﻱ ﻳﻤﻜﻦ
ﺣﺼﻞ ﻟﻴﻪ ﺷﻲ .. ﺍﺑﻮﻱ ﺭﺩ ﻳﻜﻮﻥ ﺻﺎﻳﻊ ﺑﺠﻲ ﺑﻌﺪﻳﻦ ﻭﻋﻨﺪﻱ ﺗﻔﺎﻫﻢ ﻣﻌﺎﻩ
ﻟﻤﻦ ﻳﺸﺮﻑ ...
ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ ﺻﺤﻴﻨﺎ ﻭﺍﻭﻝ ﺷﻲ ﻣﺸﻴﺖ ﺍﺷﻮﻑ ﺍﺧﻮﻱ ﺟﺎ ﻭﻻ
ﻻ ...
ﺑﺲ ﻟﻼﺳﻒ ﻣﺎﻟﻘﻴﻨﺎﻩ ..ﺑﻘﻴﻨﺎ ﻧﻔﺘﺶ ﻋﻠﻴﻪ ﻭﺍﺗﺼﻠﻨﺎ ﻋﻠﻲ ﺍﺻﺤﺎﺑﻮ ﻭﻛﻞ
ﻣﻌﺎﺭﻓﻨﺎ ﺑﺲ ﻣﺎﻓﻲ ﻣﻨﻮ ﺧﺒﺮ .
ﺍﻣﻲ ﺑﺘﻌﺎﻳﻦ ﻟﻴﻨﺎ ﻭﺗﺒﻜﻲ ﻭﺍﺧﺘﻲ ﺍﻟﺼﻐﻴﺮﻩ ﻣﺎﺳﻜﻬﺎ ﻳﺪﻳﻬﺎ ﺍﻟﻴﻮﻡ ﻛﻠﻮ
ﻭﺩﻣﻮﻋﻬﺎ ﻧﺎﺯﻟﻪ ﻭﺍﻧﺎ ﻣﺎﻛﻨﺖ ﻗﺎﺩﺭﻩ ﺍﺗﺤﻤﻞ ﺍﻛﺘﺮ ﻣﻦ ﻛﺪﺍ ... ﺍﻧﻬﺮﺕ ﺷﺪﻳﺪ
ﺍﺧﻮﻱ ﻗﻌﺪ ﻣﻌﺎﻯ ﻭﺣﻜﻴﺖ ﻟﻴﻪ ﻋﻦ ﺍﻟﺸﺠﺮﻩ ﻭﺍﻧﻮ ﻫﻲ ﺍﻟﺴﺒﺐ ﻭﺍﻧﻲ ﺑﺎﻟﻠﻴﻞ
ﺑﺸﻮﻑ ﺑﺘﺤﺼﻞ ﻓﻴﻬﺎ ﺣﺎﺟﺎﻥ ﻏﺮﻳﺒﻪ ﻭﺍﻧﻮ ﺍﺳﻴﺎﺩ ﺍﻟﺒﻴﺖ ﻋﺎﺭﻓﻴﻦ ﻭﻛﻞ ﺍﻟﺤﺼﻞ
ﻣﻌﺎﻱ ﺣﻜﻴﺘﻮ ﻟﻴﻪ ﺑﺲ ﺣﺴﻴﺘﻮ ﻣﺎﺻﺪﻗﻨﻲ ...
ﺍﺗﺼﻠﻨﺎ ﻋﻠﻲ ﺍﻟﺸﺮﻃﻪ ﻋﺸﺎﻥ ﻳﻔﺘﺸﻮ ﺍﺧﻮﻱ ﻭﺍﻭﻝ ﺣﺎﺟﻪ ﺟﻮ ﺑﻴﺘﻨﺎ ﻭﺑﺪﻭ
ﻳﻔﺘﺸﻮ ﻓﻲ ﻏﺮﻓﻪ ﺍﺧﻮﻱ ﻭﻓﻲ ﺍﻟﺒﻴﺖ ﻛﻠﻮ ... ﺍﺛﻨﺎﺀ ﺍﻟﺒﺤﺼﻞ ﺩﺍ ﺍﺗﺰﻛﺮﺗﻪ
ﺍﻟﺰﻭﻝ ﺍﻟﺸﺎﻳﻠﻨﻮ ...ﻗﻠﺖ ﻟﻴﻬﻢ ﻭﺍﻧﺎ ﺑﺒﻜﻲ ﺍﺧﻮﻱ ﻣﺎﺕ ﻣﺎﺕ ..ﻛﻠﻬﻢ ﺍﺗﺨﻠﻌﻮ
ﺩﺍ
ﻙﻻﻡ ﺷﻨﻮ ﻭﻛﻴﻒ ﻋﺮﻓﺘﻲ ﻗﻠﺖ ﻟﻴﻬﻢ ﺍﻯ ﻣﺎﺕ ﻭﻫﻮ ﻣﺪﻓﻮﻥ ﺗﺤﺖ ﺍﻟﺸﺠﺮﻩ
... (ﻛﻨﺖ ﺣﺎﺳﻪ ﺍﻧﻲ ﻓﻲ ﺣﻠﻢ ...)
ﺍﺗﺤﺮﻛﻨﺎ ﻛﻠﻨﺎ ﻋﻠﻲ ﺍﻟﺸﺠﺮﻩ ﻭﺍﺷﺮﺕ ﻟﻴﻬﻢ ﻋﻠﻲ ﺍﻟﻤﻜﺎﻥ ﺍﻟﺸﻮﻓﺘﻮ ﺑﺪﻓﻨﻮ ﻓﻴﻪ
... ﻭﺍﺣﺪ ﻣﻦ ﺍﻟﻀﺒﺎﻁ ﺍﻣﺮ ﺍﻟﻤﻌﺎﻩ ﻳﺤﻔﺮﻭ ..
ﻛﻨﺖ ﺍﺗﻤﻨﻲ ﺍﻛﻮﻥ ﺑﺘﻮﻫﻢ ﻟﻜﻦ ...
ﻟﻤﻦ ﺑﺪﻭ ﻳﺤﻔﺮﻭ ﻭﺧﻠﺼﻮ ﻓﻊﻻ ﻟﻘﻮ ﺟﺜﻪ ﺯﻭﻝ ﺟﺴﻤﻮ ﻛﻠﻮ ﻣﻠﻔﻮﻑ ﺑﻲ ﺣﺎﺟﻪ
ﻏﺮﻳﺒﻪ ...ﺍﺧﻮﺍﺗﻲ ﺍﻻﺗﻨﻴﻦ ﺻﺮﺧﻮ ﻭﺍﻧﺎ ﻣﺰﻫﻮﻟﻪ ﺍﻣﺎ ﺍﺑﻮﻱ ﻗﻌﺪ ﻓﻲ ﺍﻟﺴﺮﻳﺮ
ﻭﺑﺮﺟﻒ ﻭﺍﺧﻮﻱ ﻣﺼﺪﻭﻡ ﻟﻤﻦ ﻓﻜﻮ ﺍﻟﻐﻄﺎﺀ ﺍﻟﻜﺎﻥ ﻣﻠﻔﻮﻑ ﺑﻴﻪ ﻟﻘﻴﻨﺎﻩ ﺩﺍ
ﺍﺧﻮﻱ ﺍﻟﺒﻴﺖ ﻛﻠﻮ ﺍﺗﻤﻼ ﺑﻲ ﺻﺮﺍﺧﻨﺎ ﻭﺑﻌﺎﻳﻨﻮ ﻟﻲ ﺍﻧﺎ ﻛﺎﻧﻬﻢ ﺑﻘﻮﻟﻮ ﻟﻲ ﻛﻴﻒ
ﻋﺮﻓﺘﻲ ﻣﻜﺎﻧﻮ ﺑﺲ ﺍﻟﺼﺪﻣﻪ ﺍﻧﻮ ﺍﺧﻮﻱ ﻛﺎﻥ ﻣﺎﺳﻚ ﻓﻲ ﻳﺪﻭ ﻗﻠﻢ ﻭﺍﻟﻘﻠﻢ ﺩﺍ
ﺣﻘﻲ ﺍﻧﺎ ....ﻗﻠﺖ ﺑﻴﻨﻲ ﻭﺑﻴﻦ ﻧﻔﺴﻲ ﻛﻴﻒ ﻭﺻﻞ ﻟﻴﻪ ...ﺍﻭﻝ ﺣﺎﺟﻪ ﻋﻤﻠﺘﻬﺎ
ﺍﻟﺸﺮﻃﻪ ﺍﺗﻬﻤﻮﻧﻲ ﺍﻧﺎ ﻭﻃﻠﺒﻮ ﺍﻧﻲ ﺍﻣﺸﻲ ﻣﻌﺎﻫﻢ ﺍﻟﻘﺴﻢ ﺑﺘﻬﻤﻪ ﻗﺘﻞ ﺍﺧﻮﻱ
.... ﺍﺧﻮﺍﺗﻲ ﻣﺴﻜﻮ ﻓﻴﻨﻲ ﻭﺑﺒﻜﻮ ﻭﺍﻣﻲ ﺩﻣﻮﻋﻬﺎ ﻧﺎﺯﻟﻪ ﺯﻱ ﺍﻟﻤﻄﺮ ﻭﻣﺎﻗﺎﺩﺭﻩ
ﺗﺘﺤﺮﻙ ﻭﺍﺑﻮﻱ ﻭﺍﺧﻮﻱ ﺑﺸﺎﻛﻠﻮ ﻓﻲ ﺍﻟﻀﺒﺎﻁ ﺍﻧﻮ ﻛﻴﻒ ﻳﺘﻬﻤﻮﻧﻲ ﺑﺤﺎﺟﻪ ﺯﻱ
ﺩﻱ ...
يتبع....
