ﺍﻟﺴﺎﻋﻪ 4 ﻋﺼﺮ .. ﺭﺟﻌﺖ ﺍﻟﺒﻴﺖ ﻭﺃﻭﻝ ﺷﻲ ﻋﻤﻠﺘﻮ ﻣﺸﻴﺖ ﺍﺷﻮﻑ ﺍﻟﺸﺠﺮﺓ
ﻟﻘﻴﺖ ﺟﺪﻱ ﺑﺪﺍ ﻳﻘﻄﻌﻬﺎ ﻭﻓﺮﻭﻋﻬﺎ ﻣﺠﺪﻋﻪ ﻓﻲ ﺍﻻﺭﺽ ... ﻣﺸﻴﺖ ﺍﻓﺘﺶ
ﺟﺪﻱ
ﻟﻘﻴﺘﻮ ﻓﻲ ﻏﺮﻓﺘﻮ ﺳﻜﺮﺍﻥ ﻭﻣﻌﺎﻫﻮ ﺍﺻﺤﺎﺑﻮ ﻭﺑﻀﺤﻜﻮ ..
ﻗﻠﺖ ﺍﻟﺤﻤﺪﻟﻠﻪ ﺍﻧﻮ ﻛﻮﻳﺲ ﻭﻣﺸﻴﺖ ﻋﻠﻲ ﻏﺮﻓﺘﻲ ﻧﻤﺘﻪ ﻣﺎﺻﺤﻴﺖ ﺍﻻ ﻋﻠﻲ
ﺍﺫﺍﻥ ﺍﻟﻤﻐﺮﺏ ... ﺻﻠﻴﺖ ﻭﻃﻠﻌﺖ ﺍﻟﺼﺎﻟﻪ ﻟﻘﻴﺖ ﺍﺧﻮﺍﺗﻲ ﻭﺍﻣﻲ ﺑﺠﻬﺰﻭ ﻓﻲ
ﺍﻟﻐﺪﺍ ﻗﻌﺪﻧﺎ ﻛﻠﻨﺎ ﻧﺘﻐﺪﺍ ﺍﻻ ﺟﺪﻱ ﻣﺎﻛﺎﻥ ﻣﻌﺎﻧﺎ ...ﻛﻨﺖ ﻣﺮﻛﺰﻩ ﻣﻌﺎﻩ ﺷﺪﻳﺪ
ﺳﺎﻟﺖ ﻣﻨﻮ ﻗﺎﻟﻮ ﺍﻛﻞ ﻗﺒﻴﻞ .... ﺍﺧﺘﻲ ﻗﺎﻃﻌﺘﻨﺎ ﻭﻗﺎﻟﺖ ﻟﻲ ﻧﻮﺭ ﻧﺤﻦ ﻣﺎﺷﻴﻦ
ﺷﺎﺭﻉ ﺍﻟﻨﻴﻞ ﻻﻧﻮ ﺧﻄﻴﺐ ﺁﻳﻪ ﺟﺎ ﻭﺣﻨﻄﻠﻊ ﻣﻌﺎﻫﻢ ( ﺁﻳﻪ ﺩﻱ ﺍﺧﺘﻲ ﺍﻻﻛﺒﺮ
ﻣﻨﻲ ) ﻗﻠﺖ ﻟﻴﻬﺎ ﻻﻻ ﻣﺎﻣﺎﺷﻪ ﺍﻧﺎ ﺍﻣﺸﻮ ﺍﻧﺘﻮ ... ﺻﺮﺍﺣﻪ ﻣﺎﻛﺎﻥ ﻋﻨﺪﻱ
ﻣﺰﺍﺝ
ﻟﻲ ﺍﻱ ﺷﻲ ..
ﺍﻟﺴﺎﻋﻪ 11 ﻭﻧﺼﻒ ﻣﺴﺎﺀ ﺳﻤﻌﻨﺎ ﺻﺮﺍﺥ ﺟﺎﻯ ﻣﻦ ﻏﺮﻓﻪ ﺟﺪﻱ ﺟﺮﻳﻨﺎ ﺍﻧﺎ
ﻭﺍﺧﻮﻱ ﻭﺍﻣﻲ ﻭﺍﺑﻮﻱ ﻭﺍﺧﺘﻲ ﺍﻟﺼﻐﻴﺮﻩ ﻟﻘﻴﻨﺎﻩ ﻣﺎﺳﻚ ﺭﻗﺒﺘﻮ ﻭﺑﺼﺮﺥ ﻭﺑﻜﺢ
ﺳﺄﻟﻨﺎﻩ ﻣﺎﻟﻚ ﻗﺎﻝ ﻛﻨﺖ ﻧﺎﻳﻢ ﻭﺣﻠﻤﺎﻥ ﺑﻲ ﺯﻭﻝ ﺑﺨﻨﻖ ﻓﻴﻨﻲ ﺑﺲ ﻟﻤﻦ ﺍﻧﺎ
ﻋﺎﻳﻨﺖ ﻟﻲ ﺭﻗﺒﺘﻮ ﻟﻘﻴﺘﻬﺎ ﻣﺤﻤﺮﻩ ﻭﻓﻴﻬﺎ ﺁﺛﺎﺭ ﻛﺄﻧﻮ ﻓﻊﻻ ﻓﻲ ﺯﻭﻝ ﺧﻨﻘﻮ ﺑﺎﻟﺠﺪ
ﺑﺲ ﻣﺎﻗﺪﺭﺕ ﺍﻗﻮﻝ ﻋﺸﺎﻥ ﻣﺎﺍﺧﻮﻑ ﺍﺧﺘﻲ ﺍﻟﺼﻐﻴﺮﺓ ... ﻛﻠﻬﻢ ﻃﻠﻌﻮ ﻭﻓﻀﻠﺖ
ﺍﻧﺎ ﻣﻌﺎﻩ ﺟﻴﺖ ﻗﻌﺪﺕ ﺟﻤﺒﻮ ﻗﻠﺖ ﻟﻴﻪ ﻳﺎﺟﺪﻭ ﻟﻤﻦ ﻗﻄﻌﺖ ﺍﻟﺸﺠﺮﺓ ﻣﺎﺣﺴﻴﺖ
ﺑﻲ ﺷﺊ ..
ﻗﺎﻝ ﻟﻲ ﻭﺍﻟﻠﻪ ﻳﺎﻧﻮﺭ ﺗﺎﻧﻲ ﺗﺠﻴﺒﻲ ﻟﻲ ﺳﻴﺮﺓ ﻣﻮﺿﻮﻉ ﺍﻟﺸﺠﺮﻩ ﺩﺍ ﻭﻻﺗﺘﺪﺧﻠﻲ
ﻓﻴﺔ ﻣﺎﺑﺨﻠﻴﻚ ﻭﻱﻻ ﺍﻣﺸﻲ ﻧﻮﻣﻲ ....
ﻣﺸﻴﺖ ﻏﺮﻓﺘﻲ ﻭﻓﺘﺤﺖ ﺍﻟﺸﺒﺎﻙ ﻭﺑﻘﻴﺖ ﺍﻋﺎﻳﻦ ﻟﻠﺸﺠﺮﺓ ﺑﻌﺪ ﻓﺘﺮﻩ ﺳﻤﻌﺖ
ﺍﺻﻮﺍﺕ ﺑﻜﻲ ﻣﻦ ﺟﻬﻪ ﺍﻟﺸﺠﺮﺓ ﻛﺄﻧﻮ ﺑﻴﺖ ﺑﻜﻲ ﻭﻧﺴﻮﺍﻥ ﺑﺒﻜﻮ ﺑﺼﻮﺕ ﻋﺎﻟﻲ
...
ﻗﻮﻳﺖ ﻗﻠﺒﻲ ﻭﺟﺮﻳﺖ ﺟﺮﻱ ﻋﺸﺎﻥ ﺍﺷﻮﻑ ﺩﺍ ﺷﻨﻮ ﻭﻗﻔﺖ ﺗﺤﺖ ﺍﻟﺸﺠﺮﻩ
ﻣﺎﺳﻤﻌﺖ ﺷﺊ ﺍﺳﺘﻐﺮﺑﺖ ﺑﻌﺪ ﺩﻗﻴﻘﻪ ﻓﻲ ﺣﺎﺟﻪ ﻟﺰﺗﻨﻲ ﺑﻲ ﻗﻮﺓ ﻭﻭﻗﻌﺔ
ﻗﻤﺘﻪ ﻣﺨﻠﻮﻋﻪ ﺍﺗﻠﻔﺖ ﻟﻘﻴﺖ ﺍﺧﻮﻱ ﺻﺮﺧﺘﻪ ﻣﺴﻜﻨﻲ ﻣﻦ ﺧﺸﻤﻲ ﻗﺎﻝ ﻟﻲ
ﻧﻮﺭ ﺍﺳﻜﺘﻲ ﺩﺍ ﺍﻧﺎ ﻣﺎﺗﺼﺮﺧﻲ ﺟﺪﻱ ﺡ ﻳﺼﺤﻲ ﻗﻠﺖ ﻟﻴﻪ ﺩﺍ ﺍﻧﺖ ﺍﻟﻮﻗﻌﺘﻨﻲ
ﻗﺎﻝ ﻟﻲ ﻻﻻ ﻭﺍﻟﻠﻪ ﺍﻧﺎ ﻛﻨﺖ ﺳﺎﻣﻊ ﻧﺎﺱ ﺑﺘﺒﻜﻲ ﻋﺸﺎﻥ ﻛﺪﺍ ﺟﻴﺖ ﺍﺷﻮﻑ ﻓﻲ
ﺷﻨﻮ ﻗﻠﺖ ﻟﻴﻪ ﻭﺍﻟﻠﻪ ﺍﻧﺎ ﺑﺮﺿﻮ ﺳﻤﻌﺖ ﻭﻛﻨﺖ ﻗﺎﻳﻠﻪ ﺍﻧﻲ ﺑﺘﺨﻴﻞ ...ﻗﺎﻝ ﻟﻲ
ﻻﻻ ﻳﺎﻧﻮﺭ ﻓﻲ ﺣﺎﺟﺔ ﻏﺮﻳﺒﻪ ﻓﻲ ﺍﻟﺒﻴﺖ ﺩﺍ ﻭﻻﺯﻡ ﻧﻜﻠﻢ ﺍﺑﻮﻱ ...
ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ ﺻﺤﻴﻨﺎ ﻛﻠﻨﺎ ﺑﻲ ﺻﻮﺕ ﺻﺮﺍﺥ ﻣﻦ ﺍﻣﻲ ..
يتبع....
