ﻣﺸﻴﻨﺎ ﻛﻠﻨﺎ ﻧﺸﻮﻑ ﺍﻟﺤﺎﺻﻞ ﺷﻨﻮ ﻟﻘﻴﻨﺎ ﺟﺪﻱ ﻣﺎﺕ ..
ﻛﺎﻥ ﺻﺪﻣﺔ ﺑﺎﻟﻨﺴﺒﺔ ﻟﻲ ﺍﻧﺎ ﻭﺍﺧﻮﻱ ﺍﻭ ﺯﻱ ﻣﺎﻧﻜﻮﻥ ﻛﻨﺎ ﻣﺘﻮﻗﻌﻴﻦ ﺍﻟﺤﺎﺟﺔ
ﺩﻱ ..
ﺍﻭﻝ ﺣﺎﺟﻪ ﺟﺮﻳﺖ ﻋﺎﻳﻨﺖ ﻟﻴﺔ ﻟﻘﻴﺘﻮ ﻣﺎﺳﻚ ﻛﻮﺯ ﻣﻮﻳﺔ ﻓﻲ ﻳﺪﻭ ﻭﻗﺎﻋﺪ ﻓﻲ
ﺍﻟﻜﺮﺳﻲ ﻭﺭﻗﺒﺘﻮ ﻓﻴﻬﺎ ﺁﺛﺎﺭ ﺣﺒﻞ ﻛﺄﻧﻮ ﺍﻟﺘﻒ ﺣﻮﻟﻴﻨﻮ ﻭﺍﺗﺨﻨﻖ ﺑﻴﺔ ... ﺍﺗﺼﻠﻨﺎ
ﻋﻠﻲ ﺍﻟﺸﺮﻃﺔ ﻭﺟﻮ ﺭﻓﻌﻮ ﺍﻟﺒﺼﻤﺎﺕ ﻭﻋﻤﻠﻮ ﺷﻐﻠﻬﻢ ﺑﺲ ﻣﺎﻟﻘﻮ ﺍﻯ ﺑﺼﻤﺎﺕ
ﻏﻴﺮ ﺑﺼﻤﺎﺕ ﺟﺪﻱ ﻭﻗﺎﻟﻮ ﻳﻜﻮﻥ ﺣﺮﺍﻣﻲ ﺟﺎﺀ ﻳﺴﺮﻕ ﻭﻟﻘﻲ ﺟﺪﻱ ﻭﺧﻨﻘﻮ
ﻭﺳﺠﻠﻮﻫﺎ ﺿﺪ ﻣﺠﻬﻮﻝ ... ﻋﻤﻠﻨﺎ ﺍﻟﻌﺰﺍﺀ ﻭﺍﻧﺎ ﻗﻠﺒﻲ ﻣﻘﺒﻮﺽ ﻭﺍﻋﺎﻳﻦ ﻟﻲ
ﺍﺧﻮﻱ ﺑﻲ ﻧﻈﺮﺍﺕ ﻛﻠﻬﺎ ﺍﺳﺘﻔﻬﺎﻡ ﻣﻦ ﺍﻟﺤﺼﻞ ﺩﺍ ...
ﺍﺑﻮﻱ ﻗﺎﻝ ﺍﻟﻐﺮﻓﺔ ﺩﻱ ﻧﻘﻔﻠﻬﺎ ﻣﺎﻓﻲ ﺯﻭﻝ ﻳﻘﻌﺪ ﻓﻴﻬﺎ ...
ﺍﻳﺎﻡ ﺍﻟﻌﺰﺍﺀ ﺑﺎﻟﻠﻴﻞ ﺑﻌﺎﻳﻦ ﻣﻦ ﻏﺮﻓﺘﻲ ﻟﻠﺸﺠﺮﺓ ﺑﺸﻮﻑ ﻓﻴﻬﺎ ﺍﻧﻮﺍﺭ ﻭﺻﻮﺕ
ﻣﻮﺳﻴﻘﻲ ﻛﺄﻧﻮ ﻓﻲ ﺣﻔﻠﺔ ...ﺍﺳﺘﻐﺮﺑﺖ ﻭﺧﻮﻓﺘﻪ ﺷﺪﻳﺪ ...
ﺍﻟﺼﺒﺎﺡ ﻻﻗﻴﺖ ﺍﺧﻮﻱ ﻗﻠﺖ ﻟﻴﻪ ﺷﻮﻓﺘﻪ ﺍﻣﺲ ..ﻗﺎﻝ ﻟﻲ ﺍﻳﻮﺍ ﺣﻔﻠﻪ ﻟﻠﺼﺒﺎﺡ
ﻃﺒﻌﺎ ﺍﻧﺎ ﺍﻋﺼﺎﺑﻲ ﺑﺎﻇﺖ ﻭﻗﻠﺖ ﺍﻛﻴﻴﺪ ﺍﻟﺸﺠﺮﺓ ﺩﻱ ﻣﺴﻜﻮﻧﺔ ﻭﺟﺪﻱ ﻣﺎﺕ
ﺑﺴﺒﺒﻬﺎ ﺯﻱ ﻣﺎﺍﻟﺮﺍﺟﻞ ﺩﺍﻙ ﺑﺮﺿﻮ ﻣﺎﺕ ..ﻟﺒﺴﺖ ﻫﺪﻭﻣﻲ ﻭﻃﻠﻌﺖ ﻋﻠﻲ
ﺍﻟﺠﺎﻣﻌﻪ ﻻﻗﺎﻣﻲ ﻓﻲ ﺍﻟﺸﺎﺭﻉ ﻭﻟﺪ ﺻﺎﺣﺐ ﺍﻟﺒﻴﺖ ﺳﻠﻤﺖ ﻋﻠﻴﻪ ﻭﺳﺄﻟﺘﻮ
...ﻗﻠﺖ ﻟﻴﻪ ﺍﻧﺖ ﺍﻟﺸﺠﺮﺓ ﺩﻱ ﺣﻘﺖ ﺷﻨﻮ .. ﻣﻦ ﺟﺒﺖ ﺳﻴﺮﺗﻬﺎ ﺍﻟﻮﻟﺪ ﺍﺗﺨﻠﻊ
ﻗﺎﻝ ﻟﻲ ﻣﺎﻻ ...ﻗﻠﺖ ﻟﻴﻪ ﻻ ﺑﺲ ﺳﺎﻱ ﺑﺴﺄﻝ ﻗﺎﻝ ﻟﻲ ﻣﺎﻓﻴﻬﺎ ﺷﻲ ﻗﻠﺖ
ﻟﻴﻪ
ﻋﺎﻳﺰﻳﻦ ﻧﻘﻄﻌﻬﺎ ﻣﺎﺧﺪﻩ ﻣﺴﺎﺣﻪ ﺳﺎﻱ ﻭﺑﺘﻮﺳﺦ ﺍﻟﺒﻴﺖ ﺑﻲ ﺍﻭﺭﺍﻗﻬﺎ ﻃﻮﺍﻟﻲ
ﺑﻲ ﺧﻠﻌﻪ ﻗﺎﻝ ﻟﻲ ﻻﻻ ﺍﺑﻮﻱ ﻣﺎﺑﺮﺿﻲ ﻣﺎﺗﻬﺒﺸﻮﻫﺎ ... ( ﺍﺕﺿﺢ ﻟﻲ ﺍﻧﻮ
ﺍﺳﻴﺎﺩ ﺍﻟﺒﻴﺖ ﻋﺎﺭﻓﻴﻦ ﻟﻜﻦ ﻣﺎﻋﺎﻳﺰﻳﻦ ﻳﻜﻠﻤﻮ ﺯﻭﻝ ﻋﺸﺎﻥ ﺍﻟﻨﺎﺱ ﻣﺎﺗﺨﺎﻑ
ﻭﺗﺄﺟﺮ ﻣﻨﻬﻢ ﺍﻟﺒﻴﺖ ) ...
ﺭﺟﻌﺖ ﺍﻟﺒﻴﺖ ﻗﻌﺪﺕ ﻣﻊ ﺍﺧﻮﺍﺗﻲ ﻓﻲ ﺍﻟﺘﻠﻔﺰﻳﻮﻥ ﺳﺄﻟﺘﻬﻢ ﻭﻳﻦ ﺭﺯﺍﻥ ( ﺍﺧﺘﻲ
ﺍﻟﺼﻐﻴﺮﺓ ) ﻗﺎﻟﻮ ﻟﻲ ﺑﺘﻠﻌﺐ ﺑﻲ ﻭﺭﺍ ﻣﻊ ﺑﻨﺎﺕ ﺍﻟﺠﻴﺮﺍﻥ ...
ﻃﻮﺍﻟﻰ ﺟﺮﻳﺖ ﻟﻘﻴﺘﻬﻢ ﺭﺍﺑﻄﻴﻦ ﺣﺒﻞ ﻭﺑﻠﻌﺒﻮ ﺑﻴﻪ ﻓﻲ ﺍﻟﺸﺠﺮﺓ ( ﻣﺮﺟﻴﺤﻪ)
ﻧﻬﺮﺗﻬﻢ ﻭﻗﻠﺖ ﻟﻴﻬﻢ ﻱﻻ ﻣﻦ ﻫﻨﺎ ﺍﻣﺸﻮ ﺍﻟﻌﺒﻮ ﻓﻲ ﺍﻟﺸﺎﺭﻉ ﻓﻲ ﺍﻟﻠﺤﻈﻪ ﺩﻱ
ﺣﺴﻴﺖ ﻓﻲ ﻋﻴﻮﻥ ﺑﺘﻌﺎﻳﻦ ﻟﻲ ﻣﻦ ﻭﺭﺍ ﺍﻟﺸﺠﺮﺓ ﺩﻱ ﻃﻮﺍﻟﻰ ﺟﺮﻳﺖ ... ﺩﺧﻠﺖ
ﻓﻴﻨﻲ ﺧﻮﻓﻪ ﻭﻗﻠﺖ ﺍﻟﺒﻴﺖ ﺩﺍ ﻻﺯﻡ ﻧﺮﺣﻞ ﻣﻨﻮ .. ﺑﺲ ﻛﻴﻒ ﺍﻗﻨﻊ ﺍﻫﻠﻲ ..
ﻓﻲ ﻧﻔﺲ ﺍﻟﻴﻮﻡ ﺑﺎﻟﻠﻴﻞ ﺧﺘﻴﻨﺎ ﺍﻟﻌﺸﺎﺀ ﺳﺄﻟﺘﻬﻢ ﻭﻳﻦ ﺭﺯﺍﻥ ﺍﻣﻲ ﻗﺎﻟﺖ ﻟﻲ
ﺑﺴﻢ ﺍﻟﻠﻪ ﻣﻮﺵ ﻗﺒﻞ ﺷﻮﻳﻪ ﺟﻴﺘﻲ ﺳﺎﻳﻘﺎﻫﺎ ﻭﻃﻠﻌﺘﻮ ﺍﻟﺤﻮﺵ ﺳﻮﺍ ... ﺻﺮﺧﺖ
ﻗﻠﺖ ﻟﻴﻬﺎ ﺍﻣﻲ ﺍﻧﺎ ﻣﺎﻋﺎﺭﻓﺎﻫﺎ ﻭﻳﻦ .. ﻓﻀﻠﻨﺎ ﻧﻔﺘﺶ ﻓﻴﻬﺎ ﻓﻲ ﻛﻞ ﺍﻟﻐﺮﻑ
ﻣﺎﻟﻘﻴﻨﺎﻫﺎ ..... ﺍﺧﻮﻱ ﺑﺼﻮﺕ ﻋﺎﻟﻲ ﻭﻛﺎﻥ ﻣﺘﻮﺗﺮ ﻗﺎﻝ ﻟﻲ ﻧﻮﺭ
ﺍﻟﺸﺠﺮﺓ ...ﻗﻠﺒﻲ ﺑﻘﻲ ﻳﺪﻕ ﺷﺪﻳﻴﺪ ﻭﺍﺗﻤﻨﻴﺖ ﺍﻛﻮﻥ ﻏﻠﻄﺎﻧﻪ ﻻﻧﻲ ﺣﺴﻴﺖ
ﺑﺄﺣﺴﺎﺱ ﻣﺮﻋﺐ ﻭﺟﺮﻳﻨﺎ ﺍﻟﺤﻮﺵ ﺑﻲ ﻭﺭﺍ ﻭﻛﺎﻧﺖ ﺍﻟﺼﺪﻣﺔ ....
يتبع....
