أحبها فياليتني احصل على حبها

١

السيد كريم ..
يا ألله .علويه گعدي صلي أذن الفجر وگعدي الويلاد والبنات اخاف تاخذهم النومه
..صباح العافيه سيد ربي يديمك النه لو ماانت مااعرف شلون اگعد الصلاتي صار سنين وأنت تگعدني الحمدلله والشكر على نعمة وجودك
..الغاليه ربي يحفظج شعندي غيرج اني
گعدي الولد خل يصلون
..صار رايحه
هشام ..صباح الخير يمه
..هلا يابعد امك صباح العافيه گعدوو اخوتك
..شهم مو بفراشه ورضا گعدته
..يمه صخام وين راح الولد بات بره ولك لايسمعك ابوك ينجلط وين وله بدون مايحچي يگول
..شني السالفه يمه زغيرون هوه خلوه على راحته تعرفين باله مشغول بالسالفه الأخيره الصارت ميروح والبيبان مقفله اعتقد بالسطح
ها اها نزل هذا مو گتلج بالسطح
..صباح الخير يمه
..صباح الخيرات بعد أمك ليش يمه هيج تهبطني وينك مو بفراشك
..مااجاني نوم يمه چنت فوگ الهوه طيب وردت ارتاح انتي دومچ قلقانه على شنوو وين اولي يعني
السيد گاعد
..اي يايمه هوه بيدي ومااقلق أي گاعد وگال خل يجون يصلون
روحو صلوو جماعه بين مااگعد اخوكم والبنات

..رضا يمه يلله گوم اووف من هذا الجهاز بگد الچف وسودنكم لا ليلكم ليل ولا نهاركم نهار منه محنبين والضيم حالكم وذابحكم السهر
..يمه عوفيني فدوه
..كوم ولك لو فلم هذا ماتانيته لو طوبه برشلونه ومدري ياهوو ماتانيتهم للفجر دهر طركم بس بالصلاه تجبنون اگعد ولك
..اوووف اگوم اصلي وارجع انام احسن ادري بيچ راح تضلين يمي تحچين لوو للصبح
..يلله گوم عود صباح الخير
..حكيت راسي واني ميت نعاس عود صباح الخيرات ياصباح والدنيا ليل

طلعت من غرفة الولد رحت الغرفة البنات
..رياحنه يمه گومي صلي
..لفيت شعري صباح الخير يمه
..صباح الخيرات بعد امج گعدي صلي ورجعي نامي
..لا يمه شبعت نوم اگعد وياج
..زهراء زهراء
..مممم
..گعدي ولچ گومي صلي وارجعي نامي
..يمه فدوه عوفوني انام
..گعدي ولچ صلي ورجعي نامي
..اوووف هوه الحرام عليه لو عليكم تنامون بگبري انتوو خلوني اصليها الصبح
..انچبي وبلا هالحچي الزايد گومي صلي وارجعي انطمري شرايده منج اني
هذا اغلب اوقات الفجر عدهم
يخلصون صلاتهم وبيهم الي يرجع ينام وبيهم الي يگعد وهوه شبعان نوم اصلا
خلصوو صلاه وحضرت العلويه الريوگ
السيد كريم ..هشام يابه اريدك تكمل دوامك وتشوف بساتينه وگيعانه شنو يحتاجلهن وشنو يردون الفلح
..صار يابه اني اليوم ماعندي شي درسين ادرس طلابي واطلع
..الله يوفقك وليدي
العلويه ..سيد ليش متشوف ابنك شهم تحاجي تفهمه خو مو يبقه هيج بنات عمه هواي وخل يختار غيرها اذا يريد
..ام هشام اتركي هالموضوع خلي على راحته هوه اني شايفه ماگاعد اشوفه وبالي يمه والله بس تعرفينه شلون عنودي ولو راد شغله مو بالسهوله ينساها بعدين تردين الصدگ مو وكته هسه خلي نزوج هشام وهوه وراه بلكي ناسي هالسالفه
لو هيه الله هاديها عليه تصورين اني ماافرح كبروو همه بس اني مخليهم على راحتهم مااحب افرض رأيي عليهم ومنطيهم الحق بأختيارهم
الي يريد مني مساعده لو نصيحه اني موجود ياريت شهم يفتح گلبه الي من دونهم عنده هالعزة نفس وميحب يطلب شي من أحد
..والله ياسيد مااعرف شگلك اني الي مضوجني مابي شي ينعاب اشو من الجمال يخبل واخلاقه الكل تحمد بيها وثگيل ورزن وشهاده عنده خير من الله اكو احسن منه مهندس وراتبه خير من الله ويگدر يفتحله بيت
..علويه هيه قسمه انه تعرفيني مو مثل اخوتي مااحب اجبر ولد على بنيه ولااجبر بنيه على ولد
أگدر اروح الحسن بنفسي واطلب ايدها بس ادري راح يجبرها وهالشي مايرضيني ولايرضي شهم هوه يريد موافقتها هيه
ضلت يمج الشغله شوفي شنو المانع
..صباح الخير يابه
..هلا يابويه هلا بريحانة گلبي تعالي يم ابوج شلونج
..بوجودك اني بخير
..دومچ بخير وعافيه
العلويه ..يمه ريحانه نكمل ريوكنه ونكمل شغلنه تعرفين من وكت كون كلشي جاهز يجونه ناس ونسوان المنطقه الضحا وبعد منلحگ
..صار يمه

بيت السيد حسن
عنده ولد واحد وأربع بنات
الولد حمزه
عمره ٢٥سنه ضابط بالجيش
وعلا عمرها ٢٤
انسام ٢٣
ورقيه ٢٢
وحلا ١٨

سيد حسن ..ام حمزه اني اروح للسوگ محتاجه شي
..اي والله سيد اريد مسواگ للبيت حمزه مايگعد هسه واني ماااريد اتأخر اطبخ من وكت
..سهله اوديلكم بيد واحد من الولد بلكي الگه ولد اخوي گاعدين لو اخليهم يوصلوها للباب اني عندي شغل
..براحتك سيد
..في امان الله
..الله وياك سيد محروس بالله
وينجن يمه يلله خلصن شغلجن حته اكمل طبخي واروح العمتجن ام هشام اتونس يلتمن يمها نسوان المنطقه
علا..
يمه لو گالت امي اروح الأم هشام گلبي احسه يريد يطلع من مكانه اووف امنيتي اتزوج هشام ابن عمي اويلي عليه ماادري مفكر بيه لا احنه ماعدنه هيج ولد عمنه نشوفهم كل وكت لا حته من يجون مانطلع الهم عيب عدنه
ماادري بعدني اباله لو لا اني من الزغر اله
بس هسه كبرنه وتغيرت مشاعره يجوز
اووف مااعرف ليش الهسه ميتزوج
صار سنتين ابن عمي شهم رايد اختي حلا ازغر وحده بس هيه معنده ومتريده
والله لو يدري ابوي بيها الا يخليها تمشيلهم بهدومها وهيه الممنونه
يموت على ولد عمي ويتمنى يتزوجون منه
واحنه اصلا نعرف ممنوع نفكر بغريب اهلنه ماينطون لو للعمام لو نگعد ونسكت
والصدگ
شهم مايتعيب ولو وحده غيرها ترضه بي بدون ماتفكر بس هيه ماادري شجرالها
هسه هيه تدوام سادس ادبي
اني مكمله معهد معلمات والباقيات من خواتي تركن الدراسه مايردنها
واني بالي يم هشام وشوكت يحن ويذكرني
گاعد افكر وسرحانه
وفزيت على صوت حمزه
..صباح الخير وين هالصفنه ياستار السفن مالتچ غركانه
..سيد لاتحشش عليه من الصبح صباح الخيرات شتريد اسويلك ريوگ
..رايد قوزي محشه
..والله اعتذر مايتوفر عدنه هيج ريوگ
..خوش چا لاتسالين جيبي العندج مو هيه حجه ع اساس لو گتلج اريد هيج تقدمينه گبل
..شوكت تزوج واخلص منك ومن طلباتك
..أي والله يوم عيد اصابحلي بوجه حلوو يبتسم بوجهي وتسويلي ريوگ ولا ريوگج المابي طعم
..خوش عود خل تجي وتسويلك قوزي محشه
..يايابه هيه خل تجي استكان الچاي المحترك من ايدها عسل على گلبي
..ياا صدگ لو گالوو
..شكالوو
..خليها سكته احسن اگوم اشوف شغلي والله لو موتجينه مجاز فتره قليله جان عفتك بليه ريوگ
بس من تروح اتندم واكل بروحي شلون ماسويتله شي
..حنينه مو بيدچ
شعندي غيرج الغاليه احلا اخت
حلا..هلا هلا شوف الخيانه هاي الكلمه شكد سامعتها منك طلعت تبيعهن علينه كلنه
..هههههه هههههه لچ هاي منو اجت شيخلصني اليوم يابه بطلت مااريد شي حته ريوگم مااريده وانتو كلكم احلا خوات
بس حلا غير
لچ انتي الكبد انتي الزغيرونه حبيبة اخوها
بعدني احچي ورن جهازي
..ياهلا بأبن العم مشتاقلك والله
..هلا بيك حبيبي لك شنو انت ماشبعت نوم تعال منتضرك
..شهم اجيك بس ريوگي عليك شتگول
..تدلل بس ريوگ كلشي تريد يجرالك بس تعال مشتاقلك البارحه عفتك لأن تعبان بس هسه لا
..جايك بس ابدل واجي سديت الخط ها اها وريوگي وخلصتن منه اني معزوم
علا..قصدك عزمت نفسك هههه
..نفس الشي اني وشهم واحد
حلا..بگلبي حچيت مرض حته مرض مزعج شگد اكرهك الخاطر الله
طلع حمزه
علا..ها حلا شو انزعجتي انتي شعليچ
..لچ مااطيقه خرب بليسه شگد مزعج
..عيب عليج لج الولد جاي يمج محاجيج انتي ليش هيج تكرهي اشو زينة شباب العشيره والكل تتمناه بس هوه ماادري اشايف بيج وحبچ
..يبوو هيه شلونها العشيره ميته عليهم اني اصلا مااريد اتزوج احد منهم
..جا خوش ابقي هيج بليه زواج
يتبع ..