أحبها فياليتني احصل على حبها

٤

شهم ..
رجعت من الدوام فرحان لاگتني ريحانه أول مره احسها ترتبك مني وتخجل حاولت متاخذ وتنطي وياي ابتسمت الها ورحت ابدل
غسلت وبدلت وطلعت لاگتني الوالده
..شهم يمه عندي موضوع وياك
..گولي يمه
..أختك اجو بيت عمك يخطبوها الحمزه واليوم يجون
..أعرف يمه گلي حمزه بس ريحانه شنو رأيها
..اختك موافقه گالت بكيفكم
..مو بكيفنه هيه مقتنعه لو زواج وگبل
..ليش ماتقتنع ابن عمك شناقصه
..يمه اعرف حمزه مناقصه شي وتعرفين غلاته عندي ولأن غالي اريدها تكون مقتنعه وتسعده مو بعد فتره وگالت محد اخذ رأيي صيحيها الي افتهم منها
..ريحانه تعالي يمه اخوج يريدج
..ها شهم گول
..أشرتلها تعالي گعدي يمي
..گعدت يمه واول مره اطرافي ترجف من شهم مااعرف ليش خايفه ومستحيه
..ريحانه انتي موافقه لو هيج بدون تفكير
..بكيفكم
..مو بكيفنه ريحانه اني لو عليه ماتلگين احسن منه حمزه رجال يعتمد عليه مو ناقصه شي بالعكس المثله قليل موجودين بس اني اريد منچ تكونين موافقه الأجله مو الأجلنه يعني تسعدي ويسعدج وتزوجون عن قناعه كامله مستعده الهالشي
..اشرتله براسي بمعنى اي
..هذا هوو الف مبروك وتستاهلين كل خير روحي حضري نفسچ بعد ساعه يجون
..شهم فدوه يمه تفكر بخواتك اكثر من اخوتك كلهم گتلهم گبلك محد منهم سأل على رأيها كلهم گالو ماتلگه احسن منه وعدهم راي ابوك اهم شي
..يمه كلنه يهمنه خواتنه شعدنه غيرهن بس اني اثنينهم يهموني حمزه وريحانه واحب زواجهم يكون عن قناعه حته ميتأذون
..وانت يمه مناوي تخطب
..هاا اني الماناوي لو انتو المغلسين يمه صار تلث اسنين انتي تعرفين شرايد
..يمه الا هيه
..وليش مو هيه اذا اكوو سبب واضح اترك الموضوع انتي سمعانه شي شايفه شي لو ضامه عليه ليش تأجلون الموضوع اني اصلا ابالي اليوم احاجيج انتي والوالد بس من خابرني حمزه اجلت الموضوع
لأن مااريد يحسون مننطيهم الا ينطوني ومااريد اربط مصيري بمصير ريحانه
يعني هاي مال مبادل وگصه بگصه اكرها هذي مو طريقه للزواج فرضا اني مگدرت استمر او حمزه وريحانه لاسامح الله مگدرو يكملون زواجهم يعني اثنين مو سعيدين يأثرون ع البقيه
سكتت لأن راح يعتبروها بدل خلي يزوجون واني بعدين الله كريم
..الله كريم يمه الله يريحك بس يمكن ابوك راح يطلب منهم علا الهشام
..لايمه صدگ تحچون مو وكتها ليش تخلون الشغله بدل
..مو قصة بدل بس يگول هيه اول وتالي اله شمنتضرين
..الله يباركلهم بس حاولو لاتربطون بينهم ولتربطون مصيرهم وربي يباركلهم
..يوم الألك وافرح بيك
..ان شاءالله علويه الله يقدم الصالح

تحضرنه وصار وقت الخطوبه
ولأن احنه عمام الشغله صارت بينه وكلشي متفق عليه
وحمزه طلب يعقد قبل لايلتحق
صار موعد العقد بعد باچر
طبعا العقد للأثنين الحمزه والهشام
أجواء الفرح حلوه
شگد مفرحان الهم اتمنيت اني هم اعقد وياهم
راسم أبالي اشياء شوكت نعقد واطبقهن
عشت بخيالي
الخيال يريحني اكثر من الواقع