أحبها فياليتني احصل على حبها

٢٢

رجعت قدمت ع الشركه وجان الي صديق ساعدني وبلغني بهذا الشهر ارجع اتعيين
ارجع للبيت من اشوفها مندمجه وياي انسه كلشي
لحضات يرجع كلشي صار يمر على بالي بده الشك يكبر بداخلي اكو كلام چان صاير بينه صح وصلني من هالرقم كلامها بالعقد الي وشلون حاچتني كل هالأمور يعرفها وجاي يوصلي انو هيه گالت هالكلام لأن متعلقه بي ومتگدر بدونه  بس الي صار اجنبرت عليه
من اتذكر مواقفها قبل اگول اكو صحه الهالكلام مااعرف بالي وفكري تشتت ساعات اگول مستحيل حلا متسويها
شگد مااحاول ماابين هالشي الها مگدرت بعد العرس بأسبوع بالليل چنت متمدد وافكر بالموضوع
اجتني نامت على صدري درت وجهي عنها لأن ماردت ابينلها ضوجتي او تفلت اعصابي واحچي كلشي بكلبي چان قبل ساعه جايني مسج من نفس الرقم حسيت نفسي بعد مااتحمل
درت وجهي عنها وبعدتها عني على كيف
..حلا اني تعبان اريد انام
..ضجت حيل منه جاوبته نام اني ملازمتك
..اي هوه راح انام انتي هم نامي
..ماانام اني انت نام ومعليك مني كلتها بنبره حاده
..حلا صووتج وطريقتچ هذي غيريها
..هذي اني مجابرتك عليه تعود چنت مقهوره وردت اطلع قهري حسيته من تزوج كل ذاك حبه واهتمامه تبخر
..استغفر الله ياربي الصبر منك حلا سمعيني زين احترمي نفسچ وخليني محترمچ
..انت ليش تغيرت ليش تزوجتني اذا مرايدني چنت تمثل عليه جنت اشوفك شي وهسه انت شي ثاني
..مو اني الي اعرف امثل لو اعرف امثل جان هسه مريحچ ومرتاح
..يعني شنو شنو الي صار وخلاك تتغير
..مصار شي اني تعبان صبري عليه شكم يوم ابالي موضوع مدوخني اخلص منه وكلشي يتصلح بس صبري عليه
..شنو الي مضوجك هيچ شهم
..موضوع قلقني خله الأيام الي چان حلمي اعيشها متهنيت بيها اعرف مقصر وياچ والمفروض هسه اني غير بس اني تعبان عذريني ومرة ثانيه صوتچ لتعلي ابد انطيچ علم حته لتخسريني
..مو أگلك انت متغيير
..اي متغيير ونفسيتي مدمره هسه شنوو المطلوب
..نزلت دموعي درت وجهي عنه وبقت دموعي تنزل
شويه وهمس بأذني
..والله احبچ واكثر من روحي بعد بس مااسمحلج تتجاوزين عليه خلي هالشي ابالچ اريدج تحترميني
..بصوت مخنوگ جاوبته محترمتك بس انت متغير مااعرف ليش صاير متحبني
..غلطانه انتي اموت عليچ مو بس احبچ بس صايره وياي مشكله اريد احلها وبالي يصفه
..شنو عندك
..تنهدت تعرفين بالوقت المناسب اكيد راح تعرفين
وره فتره حستها نامت ضليت أتأمل ملامحها خلا منو الي زرع بيه هالشك وليش احس اكو شي مضموم
المشكله ماار اصدگه ولا اگدر انسه الموضوع
نمت واني كلي هموم شلون تصفه ياربي
ثاني يوم اهلي عزمونه وتعذرتلهم انو اني مشغول بمعاملة التعيين الحقيقه هيه مااريد اشوف احد
حلا بدت تتذمر وحست اكو شي
يرن تليفوني اطلع اي رقم غريب يتصل بيه افز واطلع صار عندي قلق وشك بكل الي اعرفهم اكو كلام يوصلني من هالرقم محد يعرفه غير حلا والمقربين الي والها
گمت مااتحمل اي شي وهالأسبوع مو اسبوع زواج صار صارلي انتقام
وصل مرحله يدزلي رسائل عندي صور الها وادله
اذا عندك كرامه طلگ وخلي ترجعلي
هنا فقدت مااعرف شأسوي دخلت صارت عينها بعيني
..شبيك شهم شكوو
..اني اريد افهم شكوو گليلي خلي افهم
..شنو الي صار ليش هيج معصب
..حلا گليلي شضامه عني
..انت شنوو تتهمني قصدك
..لچ مو اتهمچ بس گليلي شنو موضوع الرسائل الي تجيني من يوم الحنه الهسه شنو الفلم انطيني راس الخيط حته اعرف القضيه واحلها
..شهم شنو والله مجاي افهم
..حلا اكو شخص جاي يگلي انت اخذت حبيبتي صحت بصوت عالي انتي تعرفين احد قبل عندچ شي كليلي ليش تخليني مضحكه
..بديت ابجي والي جنت خايفه منه صار حسيت نفسي خلص خسرت شهم وعرفت السبب الي خلاه يتغيير
..احچي حلا تعرفين احد ولچ والله صعبه اسأل هالسؤال بس ريحيني
..بقيت ساكته وابچي
..جريتها من ايدها حيل احچي اخرسيتي
ماحچت شي ردت اضربها وخرت ايدي اخر شي كسرت التحفيات اليمي
تنفست بصعوبه رجعت اتصل بالرقم ميرد
گتلها
..حلا جاوبيني اسمع منچ احسن انتي ماحبيتيني انتي جاملتيني چنتي صح مجبوره عليه زين شلون تگدرين تمثلين ليش اخر فتره گمت احس مشاعرچ حقيقه يمكن اني عشت بالخيال اكثر من اللازم لو اني غبي جاوبيني اني غبي ومعرفت رفضج الي شنوو سببه
..شهم والله والله حبيتك وماحبيت مثلك شخص
والله انت روحي من الدنيا اتمنى تصدگني واذا مگدرت تصدگ طلگني
..هه اطلگچ هيچ بهالسهوله لچ اني اشفت منچ حته لچ مرتاحيت ولاتهنيت بيچ اطلگ شنوو اطلگ بحاله وحده تگليلي اني مااريدك وتكليلي علمود منوو اريد اشوف منو الشخص الي ملك قلبچ الي هوه المفروض ملكي منو هذا الي فضلتي عليه واحسن مني بشنوو گليلي حته اطلگج واطلگ روحي واخلص من هالدنيا
..والله محبيت غيرك واني رايدتك ومتمسكه بيك بس مااريد اعيش وياك وانت عندك شك احبك لو لا
الهسه موصلتلك مشاعري بصوره صحيحه الهسه ماعرفت اني شلون مااشوف غيرك انت صرت الهوه الي اتنفسه  جنت احجي وياه وابجي
تنهدت واني اريد اصدگ بحبها واعرف هيه ماعدها شي بس الشك ذبحني ولازم اعرف كلشي جاوبتها زين وهذي الرسائل شنوو ومنو اله مصلحه يهرب حياتنه
..مااعرف خلي يولي وربي ينتقم منه انت مثاق بيه
..مو هيچ حلا والله تدمرت مااگدر انهي كلشي اكو كلام بيني وبينچ محد يعرفه يعني طالع منچ وجاي يگلي لأن تحبني حچتلي كلشي
..من گلي هيچ انصدمت اني محاچيه هيج شي بس الصديقتي المقربه ايات الي هيه اخت الي واكثر اكو هواي شغلات احچيها الها ومااحجيها الخواتي گتله
..مستحيل شهم والنبي ماكو هيچ شي اقسملك بكتاب الله ماعندي شي وي غيرك ولاحاچيه سر من اسرارنه بس الصديقتي المقربه
..يعني برأيج هيه الي تدزلي هالرسائل شنوو تستفاد
..لامستحيل ايات متسويها مستحيل
..اي مو راح اتخبل منوو اذا مو هيه ياريت تطلع هيه وارتاح ياريت
..لا ابد متسويها ايات اكثر من اخت الي مستحيل مااصدگ
..زين گليلي الج عداوه وي احد
..لا
..يااارب شنو الي جاي يصير تعرفين شنو اخر كلام اجاني منه عنده صور وياچ ومستمسك ودليل واذا منفصلت عنچ وتركتچ راح ينشرهن گليلي شلون اتصرف اني شلون اعرف منو وره هالشغله
..ضليت ابچي بحرگه وابالي كل هالكلام الگاله رامي ميعرفه ولاحاجين بي واخته من زمان تركتها ارتاحيت لأن مو مثل مچنت مفكره هوه وره هالقصه بس بقه الخوف بداخلي گتله
..اگلك شي ومتزعل
..گولي
..راح تصدگني
..احچي
..تصدگني لو لا
..احاول
..يعني اكو شك عندك
..اجذب عليچ اذا گتلچ لا مو شك الي بيه خوف خوف لايطلع كلشي حقيقه
..توترت وحاچيته بتردد والحروف گوه تطلع مني
گتله
..اني قبل لاتخطبني بلعت ريگي وچنت مركزه بملامحه عيونه صارت عليه واحس البياض الي بعيونه صار قطعه حمره ولونهن صار اطوخ وجها صار احمر ويهز رجله متوتر بيده جگاره ترجف يريد يشعلها ميركز متردد رفع عينه عليه اي احچي
انتبهت النفسي ونزلت عيني عنه
قبل لاتخطبني اخو صديقتي چان رايدني ومن عرفو اهله بيه من الساده ومننطي منعوو يخطبني تركني وخطب وبعد فتره انت اخطبتني بعد ماضامه عليك شي غير هذا
اجاني طاير رفعت راسي وصلت الصدره لزم فچي قوي بأيده
..يعني شنوو چان رايدچ يعني چنتو بعلاقه لو شنوو
..اريد احچي مااگدر نزل ايده وگلي احچي
لاعلاقه ولاشي والله ماكو شي بينه بس چنت مقتنعه انو اني مااريد اتزوج سيد وردت اطلع من العادات الي تحكمنه وماصار هالشي وبعدها حبيتك
..ههه بمراره ضحكت حبيتيني لچ ليش تجذبين
..ماجذب والله هذي الحقيقه
..ليش مصارحتيني من البدايه ومنو هذا حبيب الگلب دليني بي يجوز هوه وره كل الي صار
..خيولي والله ميسوه اضفرك واني متأكده مو هوه
.متأكده بعد شنو اليخليج تتأكدين
..لأن مصاير بينه كلام ومحاچين بهالأمور كل الي يعرفه چنت مااريد اتزوجك وبس گلت هالكلمه وخليت ايدي على حلگي خربت كلشي لهنا وانتها كلشي ردت اعتذر مگدرت
..جرني من شعري حيل نزل شعري جوه وخله عينه بعيني مل الي يعرفه جنتي مرايدتني يعني گايلتله مااريده يعني كلامه صح واني غبي اني الي مشيت وره گلبي وعفت عقلي وحبيتچ وسحگت على كرامتي اكثر من مره اخلقلچ الف عذر
..أخ اخ شعري شهم عوفني والله مو مثل مفتهمت
..لچ اني شفتهم كل فهم ماعندي سحبتها من شعرها وشمرتها قوي
تعرفين الهسه بعدني جبان وياچ وبعدني ضعيف المروض هسه اضربچ اجلع قهري بيچ بس هذي ايدي مطاوعني انتي مرض صرتي الي ولازم اتخلص منچ
..شهم والله احبك والله الي فهمته مو صح
عافني وطلع
بيومها صار الليل وهوه مراجع اني يومي كله گضيته ابچي واخر ساعتين اتجهت الربي ادعي واصلي اريده يخلصني من هالورطه
سمعت الباب انفتحت
شفته دخل اخذ فراش ومخده وطلع بالصاله
شويه وطلعت وراه ارد احاچي متجاهلني
..شهم
..باوعتلها بدون مااحچي
..ارجع الغرفتك اني اطلع هنا اذا انت مرايدني
..ردتچ سنين شنو الي حصلته عوفيني حلا
..والله مو مثل مفتهمت
..مافاهم شي ياريت تفهميني من شوكت هالعلاقه ومنو هوه شنو اسمه وابن منوو اريد اعرف بشنو احسن مني
..والله انت تاج رغسه وتسوه ميه مثله والله انت بالنسبه الي اغلى واغلى
..حلا كافي تمثيل انتي تعبتي وتعبتيني لتخافين يبقه هالشي بينه تحملي فتره وننفصل بس مستحيل اخلي ياخذچ خلي هالشي ابالچ مراح ابقيچ وياي ولا راح اخلي يبقه هنا المدينه كلها يطلع منها وانت انسي واني هم انساچ مو بس انساچ صرتي بحياتي اسوء اختيار

يتبع
تعودتو على الأغلاط الأملائيه يعني ميحتاج اكبكم بدون مراجعه لأن والله مجاي الحگ
عذروني حبايب