أحبها فياليتني احصل على حبها

١٥

تعبت وحچي امي تعبني اكثر
شنو المخليها هيچ تحچي يعني معقوله غيرة نسوان توصل الهالمرحله طول عمرها امي ونسوان عمي متفاهمين ومثل الخوات چانت فرحانه لأن رايدين منهم ليش هالتغيير معقوله چي خوالي زعلوو عليها حقدت عليهم زين البنات شنو ذنبهن
ويجوز هيه من البدايه مموافقه وچانت تسايرني لأن حته الخطوبه طولتها عليه لمن اني رحت وانطوني چانت يوميه تأجل الموضوع اوووف شلون تاليها وياي شيگضيها الي
كل هاللأفكار ابالي خليت راسي ع المخده اريد يغمضلي جفن اريد ارتاح هسه هيه هاي هم خطوبه حته بهذي اختلف عن العالم ماكو مغثه مصارت بيها
اخذت فوني أتصلت
..ألوو
..هلا حلا
..هلا بيك شهم شبيك شو صوتك تعبان
..تنهدت اي والله تعبان والكل جاي يتعبني
..شكوو شصاير
..ماكو ليضل بالچ اتصلت بيچ حته ارتاح لتسأليني
..براحتك صدگ انت راح تسافر وي حمزه
..أي مو قبل شويه گتلچ بس راح اشتاقلچ .اكثر شي راح اشتاقله أنتي
..اني هم والله بس نتواصل
..أكيد نتواصل اهم شي دراستچ حلا
..ان شاءالله .شهم سكتت
..غمضت عيني چان صوتها مخنوگ مااعرف حسيتها متأثره واسمي عبالك اسمعه بلحن لو نطقته .عيون شهم وروحه انتي. گولي
..أشكرك
..على شنوو
..على كلشي
..مسويت شي اذا قصدچ على وگفتي وي حمزه حمزه اخوي وهالشي مو لأن انتي اخته خلي هالشي ابالچ صح احبچ وماعندي غيرچ بالدنيا بس الي اسوي وياكم مو قصدي الفت انتباهچ الي فهمتيني
..فاهمتك ..بگلبي اني مو علمود حمزه لا لأن خلاني اكتشف نفسي مو اني ذيچ حلا المغروره بنفسها وصديقتها الي چانت صندوق اسرارها اكتشفتها چانت هيه واخوها متفقين عليه او يحاولون يستغلوني حيل كرهتها وكرهت نفسي لأن بيوم من الأيام چنت احچيلها عن شهم واني كارهته وعايشه بحلمي الوردي وي اخوها بس وي شهم اكتشفت نفسي اني مو ذيج حلا لا تغيرت وياه بس بقيت اتردد وياه بالكلام مااعرف اعبر الي بداخلي احسه راح يفهمني امثل عليه او اريد ارضي بأي صوره وهوه مراد مني هالشي مرات اشوف نفسي مااستاهل حبه ولا احترامه مااعرف شوكت انسه تجربتي الأولى وتأثيرها على نفسي
..وين وصلتي
..وين
..مااعرف اني اسألچ وين چنتي صافنه
..وياك
..تنهدت أه أه مو وياي حلا اني الي وياچ انتي بيچ شي ليش احسچ متردده ومتعرفين شتردين اكو شي عندچ صارحيني
..ماعندي شي صدگني بس خجل واتردد
..ليش الخجل اني اصلا كلامي وياچ عادي ممطرق المواضيع تخجلج مراعيچ اني ليش تحسسيني جاي اجبرچ تتواصلين وياي اكو شي مااعرفه بيچ مرات احسچ منطلقه وياي واحس انتي الملهوفه عليه ومرات لا احسچ وياي بس بالچ مو يمي بيچ شي انتي ليش تخليني بقلق
..انفاسي تخربطت ودگات گلبي زادت حته الكلمه گوه طلعت مني لا ماعندي شي
..براحتچ حلا اذا ماعندچ شي راجعي نفسچ وشوفي ليش انتي هيچ صارحي نفسچ وراح تعرفين ماكو شخص طبيعي يقيد نفسه انتي حته انفاسچ مو منتضمه عبالك احد راكض وراچ
..شهم مابيه شي بس مااعرف اعبر عن الي بداخلي والله مااعرف شگلك
..شوكت تعرفين لمن يشيب راسي ع العموم براحتچ اني چنت تعبان واتصلت عليچ صوتچ ريحني وطريقتچ قلقتني اكثر .ليش وياچ احس براحه وتعب شعور بداخلي حلوو وكلامچ ورجفة صوتچ تعكس شي بداخلچ تخلي الرجفه الي بصوتچ تصير بگلبي ليش انتي تختلفين عن البنات سؤال محيرني انتي تختلفين عن البنات لو اني مو مثل الشباب
..انت ممرتاح وياي
..مرتاح وممرتاح وي كل هالمشاعر رايدچ وماريد غيرچ
..شهم اني اخاف يجي يوم والراحه تروح وتبقه ممرتاح بهذي الحاله تكرهني
..مو اگلچ عندچ شي ليش هيچ تحچين ولچ لو اگدر اكرهچ چان كرهتچ بس مو بيدي مو بيدي والله الأخر يوم بعمري ابقه احبچ بس اريدچ تتغيرين وياي حلا مااريد هالرجفه الي بصوتچ ولااريد اشوف شي بعيونچ عكس الي تحچي
يمكن متصدگيني بس احس اكو حاجز بينه وهالحاجز انتي مخليته واني احساسي صح وجاي يدمرني
وعليه ضغوط هواي تعبت ومحد حاس بيه المشكله البيه مااگدر احچي لچ اكوو سوالف بگلبي اريد احچيهن بس المن احچي وشنوو اگول
تعرفين مااحچي عنچ حته الأخوتي اغار عليچ
اخاف احجي شي حلوو عنچ ينرسم ابالهم وكل ميشوفوچ يذكرونه
حاسه بيه لو لا
تعرفين شصاير اني كتلة مشاعر صندوگ ومن گد ممليان يريد يطگ حته الچ مجاي احچي الي بگلبي مااشوف منچ شي يشجع .گلبي ورم بالقرءان وتعبان بشكل وماكو واحد يحس بيه لا انتي ولا اهل ولاصديق كل واحد حاير بهمه گليلي بهالحاله شأسوي شلون اتصرف اني
..من سمعت حچيه واثناء ميحچي مره يهدأ مره عصبي عرفت صاير وياه شي ضجت عليه بس ماعرفت اواسي گتله شهم انت الضاهر عندك مشكله وتعبان اهدأ ونسولف بعدين
..هذا هوو حلا روحي اخرتچ وراچ گعده تقرين
قفلت الفون
اريد انام مگدرت طلعت بره بالحديقه تقريبا ساعه وحده ونص چانت
ضليت ادخن وابالي افكر ليش احس وياها هالأحساس ولشوكت ابقه هيچ
بيومها النوم طار من عيني والخنگه الي بصدري مو مال ادخل البيت اني من اضوج احب اطلع بس دنيا ليل بقيت گاعد بالحديقه وجگاره تخلص ابدي بثانيه هيچ بقيت اني وهالباكيت
صار وقت الفجر
وطلع والدي شمرت الجگاره من ايدي وسحگتها
محچيت شي ولاهوه حچه
بيومها ماردت اشوف احد ولا حته امي خفت ينعاد الموضوع واني اعصابي منهاره اذا بقيت اخاف مااسيطر على اعصابي وسوي شي اندم علي صعدت الغرفتي توضيت وصليت ونمت
گعدت متأخر نزلت چانت علا جوه
تنضف وتطبخ
اشوفها تفتر وحدها بالبيت سلمت ودخلت حميت الچاي النفسي وشربتلي كوب چاي واني اشرب حاچتني
..شهم ليش انت سويت النفسك چان گايلي اسويلك ريوگ ليش بس چاي تشرب
..لا شكرا اني مااريد الوقت متأخر ابقه ع الغده فد مره طلعت گعدت بالأستقبال
تذكرت كلام ابوي من گل الأمي شاده وي البنيه وهيه ساكته بقيت اراقب الوقت كله بس هيه تشتغل
زهراء بغرفتهه وامي يمها جوارينه
صار وقت الضهر قبل ليجتمعون اهلي
صعدت وصحت زهراء ..زهراء تعالي
..ها شهم
..جيبيلي غداي هنا بغرفتي
..واذا ابوي سأل
..گليله هوه راد وحده وعندي موضوع وياچ هم
..شنوو عندك گول انت ليش ضايج هيچ متعرف امي مو من گلبها اكيد
..عوفچ مني شبيچن وي علا
..شنو شبينه
..ليش محد تساعدها بشي وليش هيچ كل وحده منچن بغرفه هيه شنو ذنبها اذا اني رايد اختها وامي مرايده هذا الشي
..لا والله اني معليه بس ممنتبها تعرف اني معتمده على ريحانه قبل وبقيت على نفس طبعي شكتلك هيه
..لا مشكت اني جاي اشوف بعيني وطبعچ بدلي التعاون حلوو ميروح منچ شي زهراء هيچ تصير مشاكل والبيت يصير جحيم هشام تعرفينه لو موصلتله علا الي يصير وياها ميبقه بالبيت صدگي يطلع ثاني يوم واعتماد ابوي كله علي خلونه متصافين وصيرن خوات هيچ شغلات مو حلوه ميحتاج اعيد بعد اكيد فهمتي
..اي والله تدلل
..رادت تطلع صحتها زهراء امي شنو المغيرها هيچ صاير شي مااعرفه
..ها لا ماادري اسألها
..اذا اكو شي گليلي قبل لااسافر حته اعرف اتصرف
..ماادري شهم اني شمعرفني
..روحي يلله اول وتالي اعرف
العصر اتصل عليه حمزه
وگلي السفر هذا الأسبوع وراح نسافر للهند
اتفقت وياه وبديت ارتب امورنه
امي مخليتها تشوفني هاي الفتره كلها
مو زعلان  بس احس وراها شي وچنت اريد اعرفه بس مو منها مااعرف يمكن لأن طريقتها جارحه بالكلام شگد طيبه امي وعدها حنيه بس من تعصب تفقد ابوي بهيچ امور يحتوينه اكثر من احنه اطفال
قرب موعد السفر
حلا تركتها هذي الفتره اكو اشياء ابالي وهم عدها دراسه وقربت امتحاناتها تصادف وره سفرنه بيومين
بهذي الأيام انشغلت بحمزه وتقاريره والسفر
وصار موعد سفرنه واني الحد هالساعه چنت مقاطع الكل عبالك اعاقب نفسي چني وحدي عايش
ليلة الي اريد اسافر بيها نزلت يمهم وسلمت ع الكل وهمه كلهم موجودين
امي مرفعت عينها عليه ولاسمعت منها صوت
حته السلام ماردته
هنا حسيت بجرح صدگ يعني الموضوع مو خالي متوصل الهالدرجه اسافر اشهر متسلم عليه
بقيت على وگفتي وضلت عيني على امي وهيه مدنگه اشرلي ابوي اگعد گتله لا يابه ارد ارتاح
ابروني الذمه اني اطلع الفجر
حسيت ابوي مراضي على اسلوب امي واني هم ماعقبت مردت يكبر الموضوع اخوتي لحگوني فوگ هشام ورضا
هشام ..شهم لاتزعل امي مااعرف شبيها بس انت لتضوج تعرفها شلون تحبك
..اجذب عليك اذا اگلك ماضجت شنوو الذنب السويته حته هيچ تتصرف وياي
..هذا هوو من ترجع تلگاها غير
..الله كريم على راحتها اني مغلطان وياها بقت هيه يمها
رضا..شهم راح نشتاقلك وامي يمكن ضايجه علمودك مو قصدها شي
..اني اكثر اشتاقلكم اندعوو الحمزه ربي يشفي ويرجع مثل الأول حته تعبنه ميروح
..ان شاءالله
بهذا اليوم مارحت اشوف حلا مثل موعدتها
وره اخر مكالمه بينه چنت منتضر منها هيه تتصل تشوفني ليش ضايج ليش تعبان حته محاوله محاولت شگد منعت نفسي اتنازل واتصل مگدرت صح متصلت بس دزيتلها مسج

ألله لاينطيك غيري
بجاه كلمن عنده جاه
الحسره فضحتني بغيابك
واهلي شمو بيه ااه

كتبتلها مسج ثاني
احبچ واكره برودچ
اني راح اسافر وانطيج مجال بس هالفتره
وحته الوعد الي وعدته العمي والحمزه اني مو گده مااگدر اكمل وياچ اذا بقيتي هيچ اني مو صخر بشر
ردتچ تسألين لو مره وحده چان غيرتي احساسي

شوفي التناقض البيه انتي الخلقتي
قارني بين اول مسج والثاني وشوفي التناقض
حته نفسي وفكري غيرتيهن حبچ مرض يسري بيه ماله علاچ
قاارني بينهن وشوفي الي بيه هذا احساسي على طول
شفت الأرسال تم
قفلت الفون مردتها تتصل

حمزه ..
بگد مافرحان انو راح اروح اسوي عمليتي اكو خوف بداخلي خاف اسويها ومتنجح ويكون هذا اخر امل الي گلت الريحانه اني خايف خايف متنجح العمليه
ابقا على امل نجاحها ولا اتحمل فشلها
..حبيبي خلي املك بربك اني عندي احساس تنجح
..الله كريم ونعم بالله ابتسمتلها تعالي يمي راح اشتاقلچ
..اني هم والله مااعرف شلون راح اتحمل غيابك  كل الي مصبرني اريدك ترتاح وترجع مثل الأول
..أن شاءالله اي شي تحتاجين لتستحين گلي الأمي واذا حابه ترحين البيت عمي روحي براحتچ
..ابد والله مااطلع من البيت بغيابك مكانك راح يصبرني على بعدك بس فدوه حاول تتواصل وياي
..بستها براسها تدللين بيومها نامت وهيه بحضني چان اكو خوف بداخلي ارجع لو ماارجع ارجع بخيبه لو على طولي ريحانه شنو الشافته مني خدمه وتعب وقهر
ليش متكمل فرحتنه چنت اسعد انسان بعد زواجي منها بت عمي وحبيبتي وزوجتي مؤدبه وحلوه ومطيعه كلشي چان حلوو شنو الي صارلي وقلب وضعي
غمضت عيني ودعيت بداخلي
يارب اذا مو الخاطري الخاطرها شافيني بعدهي شابه مو مال تتقيد وي معاق
الخاطر الطفل الي جاي ربي انطيتني واني طامع بعطاياك وكرمك حسيتها نامت وراسها ثگل على ايدي بقيت اتأملها وادعي ربي الها مو الي
نزلت دموعي واني اراقب كلشي بيها اباوع للغرفه المكاني ارجع لو لا
بيومها بقيت للفجر گعدت ساعدتني اجاني شهم واهلي گاعدين سلموو عليه وطلعت بس حلا ماشفتها گتلهم سلمولي عليها
طلعنه ومااعرف شنو منتضرنه دنيا غير دنيتنا وناس غير ناسنه كلش صعب هالأحساس
اباوع بعيون شهم بيهن حزن گلت يمكن بقه اباله لأن حلا مگعدت وسلمت علي وهم حقه اني بداخلي مرضيت عليها جنت ارد اشوفها اسلم عليها وخطيبها هم المفروض غير تتعامل وياه بس يجوز خجلت
طلعنه المطار وانطلقت الرحله اثنينه تعبانين  ومهمومين حاچيته
..شهم بيك شي احسك مو طبيعي
..تعبان ليضل بالك
..زعلان عليها
..على منوو تقصد
..حلا اكو غيرها
..لا صارت عندي مناعه عادي مايفرق اذا زعلت. هواي امور غيرها متعبتني
..خير شنو عندك
..ماعندي مو وكتها خل نوصل ونرتاح ونحچي كلشي انت حير بنفسك هسه لتفكر بيه
..نفسي بقت يم ربي اتوكلت عليه وبعد ماافكر بشي
..ونعم بالله هوه هذا الصح
..هسه شنو من نوصل وين نروح
..عدنه دليل متفقين على كلشي عن طريق النت والعناوين يمي والولد منتضرنه ليضل بالك
سكت حمزه وبالي راح يمها
هيه صح بدت تحبني بس مجاي تتغير اكو حاجز لو اعرفه شنوو چان ارتاحيت
اخ اخ شوكت تطلع من دماغي اريد ساعه ماافكر بيها والزيد همي امي ليش وصلت الهيچ مرحله وياي
هواي منا لما ارجع يلله افهم هالأمور
گلت احاول افتهم كلشي منهم واني هنا بس اصبر هاليومين

يتبع