أحبها فياليتني احصل على حبها

١٦

وصلنه ولگينه الدليل ينتضرنه وبدينه نرتب امورنه
ارتاحينه بفندق وثاني يوم راجعنه الأطباء گالو العمليه سهله ونسبة نجاحها كبيره تعتمد ع العلاج بعدها هوه الي يثبت نجاحها
حمزه ارتاح من كلام الأطباء وياه وتقريبا استقر نفسيا تواصل وي الأهل واني متصلت غير بوالدي وهشام
بكل خطوه امشيها احس ماكو راحه صعب كلش اني نفسيتي متحطمه واحاول مابين شي الحمزه اخاف اثر عليه رجعنه على نفس الأجرائات والفحوصات
وتقررت عمليته وره اربع ايام من وصولنه
القلق ذبحني وحدي وانتضر نجاح العمليه اكو رهبه موقف مااتمناه الأي شخص الغربه صح تذبح ماكو شخص يهون عليه او اني اهون عليه بهذا اليوم نسيت كل همي وبقه بس حمزه شاغل فكري ادعيله ربي يگومه بالسلامه
تقريبا بقه ساعتين بصالة العمليات بعدها طلع الطبيب وبلغني بنجاح العمليه
شعوري مينوصف فرحان واريد شخص يشاركني الفرحه
اول شخص اتصلت بي عمي وبلغته بنجاحها اسمع يمه هوسه واصواتهم مخبوصين
اكو نبرة صوت جذبتني بقيت مركز اي هذي هيه حلا
تنهدت وقفلت الخط واتصلت بأهلي وبلغتهم
ولحد الأن امي ممتصله بيه
هالشي زيد همومي وچان اثگلهن عليه
طبعا كلش هواي اكوو عراقيين هنا جايين للعلاج
وحته عرب بس العراقيين بكثره
وبديت اتعرف عليهم حته اخفف من الغربه الي بيه
طول حمزه يلله صحا من البنج
بلغته بنجاح العمليه فرح رغم التعب واضح على وجهه والطبيب هم شرحله حالته
ومرت ساعات وبدت الام حمزه تزيد چنت مخلي ابالي هالشي بس مو بالصوره الي شفته شبه يتعذب ماكو بيدي شي علي ريحانه تتصل تريد تسمع صوته چنت اطلع واتحجج انو هوه نايم او منطي علاج او يمه الطبيب
الألم الي حسيته بي مينوصف
چنت اريد اواسي بكلمه مااگدر شنو اگله الأطباء بالبدايه رفضوو ينطوه مسكنات  وينطونه نسبه بسيطه تهدي الالم گالوو زرعنه بلاتين ولازم نشوف جسمه يتقبل لو لا بعد نجاح العمليه ممضمون وحته من بدوو ينطوه ينطوه نسبه قليله ايام مرت مينام بيها الا من التعب وچان صوت انينه ميبطله بالليل يوصل مرحله يصرخ
هالشي تعبني ونفسيتي تدمرت مااعرف شسوي
رجليه مليانه براغي وحديد وهوه الي يأذي اخر فتره وصل مرحله يفقد بيها يگلي گلهم خل يشيلون كلشي  بطلت مااريد امشي الألم مجاي اتحمله تعبت
شگد اريد اصبر عليه يعني هم هوه حقه
بقيت اتوسل بالطبيب يشوفله حل بيومها انطاه مسكن ريحه ساعات قليله المهم نام بيهن وارتاح
من گعد حاچيته
..حمزه حبيبي اعرف الألم قوي بس اتحمل مابقه شي وتمشي على طولك ابنك يجي للدنيا وانت تمشي وتشيله وتلعبه تحمل الكل هذا ابوك امك ريحانه امالهم معلگه يمك صير قوي وخل تمر هالمرحله حته يشيلوهن وتبدي المرحله الثانيه من العلاج
..شهم تتصور مااعرف اعرف كل هذا بس الألم يذبح اوصل مرحله اكره نفسي واتمنى نفسي مييت ولاهالعذاب
..عمرك طويل حبيبي تحمل والله كريم
مرت الأيام واني ابالي هوسه متصفه امي حلا وضعي
شنو الي يخلي الي احبهم يقسون وياي او ميهتمولي
ليوم حمزه نام وطلعت ادخن
اباوع ع البنايات ع العالم كلشي هناك حلوو بس اكلهم مينقبل بصعوبه ناكل اكل منه اكوو مطاعم حلال وذبحها ع الطريقه الأسلاميه بس حرارتها مو طبيعيه مضيعه كل طعمها مااعرف شلون ياكلون هيج اكلات رغم جمال الطبيعه عدهم والعمران اشتاقيت الكل مكان بمنطقتي اشتاقيت للحديقه الي هيه تشهد على همومي وتعبي اشتاقيت البساتينه الكل شبر من گاعنه
جنت مندمج بذكرياتي ورن فوني
جاوبت
..ألوو
..هلا شهم شلونك
..هلا حلا.غمضت عيني هوه هذا صوتها من سمعت صوتها وي كل الراحه الحسيت بيها احس گلبي انعصر تذكرت موقفها وياي والبرود الي عدها
..هلا بيك شلونك
..الحمدلله على كلشي
..مرتاح
..يهمج تعرفين
..اكيد شهم مشتاقتلك والله گلبي يريد يطگ عليك ليش تقسي وياي ليش متذكرني
..جريت نفس اني قاسي وياچ لچ ياريت مااذكرچ ياريت ترحين من بالي لحضه انتي لو تشتاقين صدگ متركتيني بذاك اليوم ادور بالوجوه بلكي المحچ شنو الصار بقيتي على نومتچ واني مو على بالچ
..لا والله چنت اراقبك من بعيد اصلا بيومها النوم مشفته بس كلامك حيرني وقهرني ومالي عين اشوفك واودعك ودعتك من بعيد وچنت ابچي على فراگك يمكن انت متصدگني بس والله روحي تعلگت بيك
..احس صدري مخنوگ ودگاته تزيد اريد اسحب نفس سحبت نفس قوي ونفخته ..يعني
..شنو يعني بعدك ممقتنع موو
..يعني انتي تحبيني حلا اخر كلام ريحيني اني شنو بالنسبه الچ
..انت نور الضلام الي بروحي انت الشي الصحيح بحياتي
..حلا كلمة احبچ متكفي مشاعري الج الي بداخلي اكبر من الحب شي يفوق الخيال دائما اسأل نفسي شنوو بيچ يختلف وليش هيج اشوف الدنيا بعيونچ
بس سؤالي ماله جواب مااعرف ليش ولاراح اعرف كل اليهمني احساسي وصادق وياچ بكل حرف
انتي حاسه تعرفين شنوو مكانتچ عندي
..اعرف لهذا الشي حبيتك انت الخليتني اشوف نفسي واعرف شنوو اريد قبلك اني حته نفسي مچنت اعرفها اعرف صبرت عليه هواي واذيتك بس مو قصدي والله شهم انت مسامحني
..اسامحچ ليش اني شوكت زعلان عليچ اجبر نفسي ازعل واتركچ واضعف بكلمة الوو منچ انتي روحي ترخصلچ وعمري كله فدوه الچ
..أسم الله عليك اني اروحلك فدوه هسه انت مصدگني حسيت بمشاعري لو هم ابالك مجبوره
..مصدگچ اكيد وحاليا اني اسعد شخص بالدنيا
حلا تبقين هيچ وياي لو تتغيرين
..والله اذا ميزيد حبي الك مراح ينقص
..ههههه بايگه كلامي انتي
..اي حافضتها منك ههههه
..اي هيچ اريدج فرحانه وياي اريد احس بيچ
مگلتيلي شلونچ بأمتحاناتچ
..ممم هسه يلله خطرت على بالك باقيلي اثنين واخلص
..لا والله ع البال انتي واسالي ريحانه يوميه اسألها عليچ بس ماردت اضغط عليچ حسيتچ مبتعده انتي تركتج براحتچ وچنت ناوي من ارجع انهي كلشي اذا بقيتي على نفس وضعچ
..واهون عليك تتركني
..لا والله متهونين بس وصلت مرحله تعبت مااگدر ردت اتعود على بعدچ وارضا بالأمر الواقع
..واني مرايده بعدك
..واني اريد قربچ
..شهم شوكت ترجعون مشتاقه الك والحمزه
..بعد گدامنه مشوار شهر اكثر يجوز اذا الله راد وتعالج حمزه بصوره سريعه
..شلونه هوه زين
..الحمدلله احسن من اول ايام حلا روحي كملي دراستچ واذا تحبيني رايدج تنجحين وترفعين راسي ليگولون شهم شغلها عن الدراسه ميدرون هاي اول مره تتصلين وحدچ
..بدينه نبسمر هههه ان شاءالله انجح حضر هديتك
..هديتي حاضره
..شنوو
.. بوقتها تعرفين
..حباب شنو مفكر تهديني
..هواي هدايه اولهن الزواج والباقي مراح اگوله
..براحتك يلله حبيبي مع السلامه
..حبيبي مره وحده يمعوده على كيفچ وياي وين اروح اليوم ليصير بيه شي منو يحير بيه
..حسيته ابتسم من حجه وياي جاوبته ..ليش ياستار شكوو
..ماكو اكثر من هيچ خفي عليه انطينياهن وحده وحده حبيبتي لتگطعين بيه وراح اصبر على ماارجع وان شاءالله حمزه زين وراها ابدي بتحضيرات الزواج خلي هالشي ابالچ بس ارجع نتزوج
..ان شاءالله
..يلله ياعمري اخذي راحتچ
ابتسمت اتذكر حچيها وشلون گدرت تغيير مزاجي صعدت دخلت الحمزه واني مو وياه خيالي بعيد
..اللهم صل على محمد وأل محمد
..اللهم صل عليه وعلى اله شكوو شعندك
..شنو هالأبتسامه واخيرا ضحكت يوميه وجهك بي ستين لطامه گولت امي
..ههههههه هاي اني
..اي والله عبالك عزه عندك شكو اليوم رفعتله حاجبي اضحك ..شنو هالأبتسامه الحلوه
..ماكو شي شغله ابالي
..الله يسعدك وتدوم ابتسامتك تستاهل كل خير انت
..حبيبي حمزاوي خابرت ريحانه رادت تحاچيك وانت چنت نايم
..ريحانه انضلمت وياي
..ليش انضلمت بالعكس اني اشوفها مرتاحه وياك وتحبك انت تتحسس وين تلكه احسن منك
..مو قصة احسن بس هاي صار اشهر قربت ولادتها واني مو يمها شنو الشافت مني ايام العرس وبس وبعدها اجيتها معاق وفوگ كل هذا اكثر الوقت طلعت ضوجتي بيها
..عادي تعوضها ان شاءالله ليضل بالك بس گلي انت هسه شلونك بعده نفس الألم
..نفسه بس اني تعودت ويمكن صار عندي عادي
..مابقه شي ويشيلوهن يبقه بس علاج بسيط حته تمشي
..الله كريم .گلي انت شنو وضعك شهم ليش احسك ممرتاح لو مااعرفك اگول تعب مني بس اعرف الشاغلك شي ثاني
..اني اتعب منك صدگ تحچي لا والله بس الشاغلني هواي .امي زعلانه عليه ومااعرف شنوو السبب وحلا هم تعبتني وماجنت اعرف شلون تصفه تعرف چنت ناوي بس ارجع انهي كلشي ومااضغط عليها اتركها الحالها وربي يسعدها
..اذا هذا الشي يريحك سوي لتتوقع ازعل منك
..لا ميريحني هوه هذا الشي الدمرني عقلي يگلي شي وگلبي شي ثاني بس هسه خابرتني
عشر دقايق وياها غيرت فكر ايام بليلها ونهارها
عشر دقايق طلعتني من الحزن والخنگه الي بيه
عشر دقايق خلتني اسعد انسان هذا هوو سبب ابتسامتي
..حييل شهم يعني الهالدرجه تحبها صدگ
..وحق جدك اكثر واكثر حبي الها مينوصف .ضحكت لتخليني احچي كلشي تره محترمك لأن انت اخوها
..هوه انت شبقيت لك هاي اختي ثوله اني لو منها مستحيل ازعلك مستحيل اعوفك مستحيل شي يشغلني عنك
..تغزل انت بيه مكانها ههههههه
...هههههههه تدري هاي اول مره نضحك من اجينه الهسه
..اي صح والله صار هواي مضاحكين
باچر الموعد يشوفوك حته الأطباء يقررون شوكت يشيلون البراغي
..اووف شوكت اخلص ماادري
..مابقه شي ان شاءالله
..حمزه اريد اگلك شغله ولو مو وكتها
..گول
..بس نرجع بسلامه اتزوج بعد ماابقه اكثر عادي لو تردوها الا تكمل
..براحتك شهم اكيد عادي تگدر تكمل يمك
..اكيد اني مراح اوگف بطريقها
..هذا هوو ان شاءالله من نرجع نسوي عرسكم
..ان شاءالله
..شهم عمتي ليش زعلانه وياك
..وغلاتك مااعرف ماكو سبب
..ممعقوله لازم اكو سبب
..اكيد ارجع واعرفه ماكو شي يبقه مضموم

يتبع ..