الفصل الثاني
خرجت ريم بسرعة وهي سعيدة وتوقفت بسيارتها أمام محل شيك من الدرجة الأولي
مكتوب علي لافتة بالخط الأحمر العريض "Mezo dress" خرجت من السيارة بسرعة ودخلت وهي مبتسمة المحل : ماااازن يا ماااازن
خرج شاب في منتصف العقد الثاني وسيم وطويل وحول عنقه مقياس متر و حول معصم يديه كره أسفنجية فيها دبابيس : أيه الدخلة دي في أيه
ريم : في أيه عاوزه أشيك فستان سهره عندك في المحل
زفر مازن : ريم والله أنتي كل فرح تيجي تقولي نفس الجملة وأنا دايما بجيب لك أشيك فستان في المحل ‘ المحل كله فساتين شيك
ريم : لا أنا مش عايزة فستان سكه من تصميمك عاوزه حاجه مستوردة كده
رفع مازن حاجبه : فستان سكه من تصميمي ماشي يا ريم
نقي أي فستان وخديه وأنتي ماشيه
بحثت ريم في كل الفساتين وجلس مازن يشاهدها بملل كمن شاهد هذا المشهد للمرة المليون ولكن هي نظرة الطفلة التي تشتري لبس العيد لاتزال لا تغيب عن عيونها
صرخت ريم : مااااازن أنا هاخد ده قالتها وهي تمسك فستان ازرق وبه خطوط رمادية طويل جدا
مازن بضيق : خشي قيسيه عبال ما أجيب لك الشطة والجزمة بتوعه من جوه
ريم بحماس : طيب بسرعه
خرج مازن وهو يتمتم : يارب اخره الهبل ده ايه ربنا يشفيكي يا ريم يا بنت عم حسن يارب ويرحمني من العذاب دهـ
بينما كانت ريم ترتدي الفستان وتنظر إلي نفسها وتقول : يخربيت جمالك والله زي القمر خسارة جمالك دهـ في الممرمطة بتاعة الشغل ثم رفعت صوتها يا صغيرة ع الهم يا لوزة
مازن : اخلصي يا لوزه خليني أشوف الطقم كله
ريم : طيب اهو خرجت من البروفا وقالت : ايه رائيك
مازن بملل : حلو كالعادة يعني فين الجديد
ريم : بجد طيب هات الجزمة والشنطة بقا
مازن وهو يمد يده : اتفضلي
ريم : انا هدخل اقلع الفستان وأنت خده لفه عشان الحق أروح لإيناس
مازن : الف الفستان !!!! ألفه في ورقه لحمه ولا جرايد
ريم : بسرعة بقا يا مازن
مازن : حكم القوي يا رب
خرجت ريم من المحل وهي تحمل الفستان وبسرعة إلي سنتر للتجميل مكتوب عليها بنفس عرض الخط "Enas Nour" خرجت وهي تمسك الفستان وصعدت علي السلم وهي تجري ثم دخلت إلي قاعه بها العديد من العرائس
رحبت بها فتاة تعمل بالمكان وأدخلتها إلي غرفه كانت "إيناس" تقف منحنية أمام عروسة حتى نظرت إليها العروسه في رعب : خير في إيه حصل حاجة في الفرح
ريم : لا أبدا عادي أنا جايه أتطمن علي كل حاجه بنفسي
ثم سحبت إيناس من يدها فأمرت إيناس احد البنات أكمل بدلا منها
إيناس : اييه يابت في ايه أنتي ساحبه جاموسه
ريم : يا جاموسة أخلصي عشان توضبيني انا كمان
إيناس : أنا مش فاهمه غيتك من كل عروسة تيجي تشتري فستان وتتزوقي وتابعي الشغل في القاعة وأنتي علي سنجه عشرة
ريم : يا ستي أنا بحب أكون جميلة مع كل فرح زي ما أكون أخت العروسة بقا
إيناس بسخرية : ممم طاب تحبي أكتب لك علي أيدك بالحنة أخت العروسة
ريم بتمعن : والله فكرة حلوه ليه لأ
إيناس : لأ لما تلوئك أنتي هبلة هي أختك فعلا
ريم : أنا فعلا بحس مع كل عروسة طالعة من القاعة أنها أختي من أول ما بتيجي تحجز عندي القاعة الفستان بساعدها تشتريه من عن "مازن" وبجيبها تتزوق عندك وبخلي " يحيي" يصورها و"أسامة" يشغل لها أجمل الأغاني في فرحها أنا بجهز لها فرحها من الألف للياء مع أن كان ممكن زي أي قاعة أفراح أبقي مسؤلة عن الفرح بس لكن أنا لأ لازم أكون مسؤلة عن كله
