الفصل الـ(16)
تم نقل "أسامة" إلي المستشفي الشرطة . حاله قلق تظهر في الوجوه بالأخص "ريهام" فأسامة لها كان الأخ الأكبر الذي تعرفه منذ أن كان والده يعمل مع أبيها طابخ في القاعة ومن صغر أسامة كان يعشق المزيكا بدأ يعزف الدرمز وهو مراهق وكانت تحب أن تسمع عزفه وتشجعه
لم يكن لها معاون فقط بل كان مجاور لكل شيء لم تنسي يوم ما كانت عقب اليوم الدراسي تحضر ريم بالقوة للاستماع لعزفه و أول يوم طلبت من أبيها يعزف في زفاف حقيقي كم كان قلق لكنها شجعته بقوة حتى أبدع
وعندما توفي أبيها كان الرفيق والسند وأكمل المسيرة معاها ومع "ريم"
كيف يمكنها تخيل فقدانه اليوم
يحيي : ريهام
ريهام : نعم يا يحيي
يحيي : بقالك مده قاعدة ساكتة مفيش غير دموع من غير صوت كأنك في عالم تانى ...
ريهام : أسامة لو جراله حاجة أنا هبقي ضعت فعلا أنا ماليش غيره هو وماما وريم وبس
يحيي : وأنا يا ريهام
ريهام بغضب : أنت أنت أيه يا يحيي أنت أيه ؟ أنت في عالم تانى وعمرك ما حسيت بيا ,, أنت عارف أنا بحب أيه ولا مين أنت مش معايا أصلا
يحيي : أهدي يا ريهام براحة
ريهام : لا مش براحه ولا عمر هيبقي في راحة لو أسامة حصل له حاجة
في الجانب الأخر كانت ريم وطارق وزياد يقفوا أمام باب غرفة العمليات وريم تتحرك في عجله هروله ذهابا وعودة
طارق : يا ريم لو سمحتي أهدي
ريم : لالا ربنا يستر وميحصلوش حاجة يارب دي مراته لسه والده
زياد : ربنا يقومه بالسلامة عشان خاطر أبنه علي الأقل
مازن : ريم ! أسامة فين جراله أيه
ريم : أنتو جيتوا امته وعرفتوا أزاي
إيناس : مش مهم دلوقتي .... المهم أسامة
ريم : لسه في العمليات
مازن : فين ريهام ويحيي مين الأساتذه
زياد : أساتذه !!! أنا رائد زياد وده الرائد طارق
مازن : أهلا وسهلا ,,,,, فين ريهام ويحيي
إيناس : تعالي ياريم نشوفهم فين
يحيي : ريهام متهألي ده مش وقت ولا مكان نتكلم فيه
ريهام : أنا مش عاوزة أتكلم اصلا سبني في حالي بقا
ريم : مالك بس بتعيطي ليه في ايه ... عملت لها أيه يا يحيي
إيناس : يا جماعة خلاص أحنا في مستشفي
طارق : يا ريم الدكتور قال عاوزكوا
ريم : خير يا دكتور
_ هي حالته نوعا ما مستقرة .. عرفنا نطلع الطلقة وهو في العناية
ريهام : بس أنا عاوزة أشوفه
_لا صعب النهاردة خالص
ريم : خلاص يا ريهام ,,, بكره يا حبيبتي نشوفه
مازن : أحنا محتاجين نعمل أجتماع يا ريم
ريم : ماشي خلاص يلا
زياد : ولا أيه الاجتماع ده
طارق : والله ما أعرف بس شكلهم هيقوله حاجه سر
زياد : سر!! سر أيه اللي كل دول ده السر اللي يطلع من بين أتنين ميبقاش سر .. أيه كل ده
طارق : يبقي حاجة مش عاوزنا أنا وأنت نعرفها
مازن : أنا هبات مع أسامه وإيناس تروح تقعد عند أم أسامه عشان لو أحتاجوا حاجة
يحيي : وأنا دوري أيه أنا وريهام
ريهام : ملكش دعوه بريهام
أنا هوصل أيناس وأبات معاهم هناك
ريم : مينفعش يا ريهام وماماتك مين هيقعد معاها
مازن : انا هبات مع أسامة ويحيي ياخد إيناس وريهام يوصلهم وتروح تنام وترتاح عشان تيجي تستلم مني بكره وأنتي يا ريهام تستلمي من إيناس
ريم : أيه ده وأنا أيه ظروفي ماليش لازمه مثلا
مازن : يا ريم ده أنتي طالعه بدروين أتهدي هتلحقي علي أبوكي ولا أخوكي ولا أيه بالظبط
كمال : مكنتيش أعرف أنك هتبعت رجالتك لحد عندي
_قولت لك مكنتيش عارف وبعدين لو زياد أو طارق حصل لهم حاجة
كمال : بقولك أيه ... أنت مش باعت لي قوة من رجالتك
ورجالتي اللي مات منهم النهاردة دول
احمد ربنا مش صفيت لك جوز الخيل اللي باعتهم ليا دول أحسن
_ مش لدرجه دي متخليش العلاقة توصل لكده خلينا حلوين أحسن
أنا حاميك منهم و أنت عارف كده كويس
كمال : ما هو مش ببلاش يعني
_ لا يا كمال فلوسك دي أنا أحطها تحت جزمتي شكلك نسيت أنا مين
كمال : أنا شايف أن الأمور بتبوظ كده
_ قولت لك القوة أتحركت لأنقاذ وهما طلعوا هجوم مفاجئ
كمال : أزاي يعني
_ زي ما سمعت ده اللي عندي وافقت تمام هكمل معاك لحد ما الشحنه الكبية توصل وهفضل مأمنك غير كده
كمال : خلاص الموضوع مش مستاهل مش هما كويسين ورجالتي الصغيرين وأنت عساكر بس وكويس أن الأتنين كويسين
المرة الجايه مش عارف هيفضلوا كويسين ولا لاء
توقفت سيارة طارق أمام منزل ريم التي كانت تحمل العبث علي وجهاها
طارق : ريم
ريم : هاه .... أيه نعم
طارق : وصلتي .. مش هتنزلي
ريم : لا هنزل أهو
طارق : مالك في أيه
ريم : مفيش عاوزة أتمشي شويه
مش عاوزة أدخل البيت وهو فاضي
طارق : ليه هو كريم مش جواه
ريم : كريم
لا مش جوه
طارق : تحبي أطلع علي الكورنيش طيب
ريم : ياريت
تحركت السيارة حتى توقفت إلي مكان الكورنيش نزلت ريم من السيارة
طارق : متهائلي اللي حصل النهارده يخليكي تفرحي مش تضايقي
ريم : لا صعب أوي .. أسامة كان ممكن يموت بسببي
طارق : ليه بس احنا اللي غلطنا وهنتعاقب اتطمني
ريم : انت مش فاهم حاجة
كان ممكن يتأزي ويموت ويروح زي اللي راحو
انا من يوم ما ماما ماتت وأنا بخاف من الفراق أوي دلوقتي بابا ممكن يسبني في أي لحظة زكمان كريم
طارق : ماله كريم
ريم : مالوش بعيد عني بس
طارق : أنتي أيه حكايتك
ريم : انا لازم أمشي هكملك بعدين كل حاجة في وقتها
في صباح اليوم التالي بينما كانت ريم نائمه رن هاتف كريم لكنها أجابت
طارق : ألو
ريم بصوت ناعم من أثر النوم : الو
طارق : أيه ده هو انا طلبت الرقم غلط ولا ايه
احم ألو كريم
انتفضت ريم من مكانها : ياختااااااااااي و أنا لو عدلت صوتي دلوقتي هتنقفش لا لازم اتصرف
الو لا أنا مش كريم أنا اخته
طارق : أيه الصوت الحلو اللي علي الصبح ده
يا حلاوة يا حلولي يا
طيب فين كريم
ريم : كريم في الحمام وانا رديت بداله تحب أقوله حاجة
طارق : قول بحبك قول كرهتك لا بلاش كرهتك دي
قولي له أنا هعدي عليه كمان خمس دقايق البيت
ريم : أحييييه
طارق : نعم
ريم :لآ مش ليك قصدي تنور
سلام
ريم : يالهوي ده جي وأنا مين هيعمل المكياج والشعر إيناس عند ماماة أسامة يوه وأنا هقطع نفسي ولا أيه لا أنا لازم أتصرف
أنا هقعد قدام المرايه وأركب الباروكه واحط الميكاج بس الماسك اللي كانت ريم بتحطه اجيبه منين
أنا مش عارفه أعمل أيه وبعدين بقا
هنعرف الحلقه الجايه
