الفصل الرابع
كريم : هههههههههههههههههههه والله وحشتني يا روما
ريم : يا سلام يا خويا وحشاك أوي تعالي أسئل عليا بدل ما أنت سايبني في البيت الكبير دهـ لوحدى
كريم : لوحدك ليه أبوكي وعمتك فين
ريم : أولا مسموش ابوكي لانه أبوك أنت كمان أسمه بابا عادي يعني ثانيا أنا مش بشوف بابا عشان بينزل الصبح بيرجع بليل وأنا برجع الصبح و أنزل بليل
كريم : يادي شغلك اللي أنتي مجنونه بيه أمال لو مكنتيش خريجة ألسن قسم أسباني كنتي أشتغلتي أيه
ريم : أنا دخلت ألسن بس عشان أرضي بابا واشتغلت الشغل اللي بحبه
كريم بحزن : يا بختك بتعملي الحاجه اللي بتحبيها
ريم : كوكو حبيبي أنت بتشتغل شغل مليون واحد غيرك بيتمناه طاب ده أنا نفسي أكون ظابط
كريم : ومدخلتيش شرطة ليه يا فالحة ما في بنات ظباط
ريم : ما بابا بقا موافقش
كريم بغضب : شوفتي !! عشان تعرفي أن أي حلم لينا هو بيدمره
ريم بشفقه علي أخيها الذي ظلام قلبه أعمت عيونه : حرام عليك يا كريم ليه بتقول كده علي بابا دهـ كل حلمه أنه يشوفنا أحسن ناس
كريم : أهــــــا أحسن الناس من وجهه نظره هو يعني هو عاوز يشوفنا أحسن ما هو عاوز يشوف يدخلك ألسن وأنتي كان نفسك في أعلام وأنا شرطه وأنا طول عمري نفسي أكون دكتور سابني أدخل علمي وأذاكر وأطفح الدم ولما أجيب المجموع اللي يدخلني طب يدخلني شرطه عشان يبقي أبن الوز عوام صح مش كده
وحرمني من أجمل حلم تعبت عشانه
ريم : كريم انتـ
قاطعها كريم : أنتي عمرك ما هتحسي بيا يا ريم أنا و أنتي عارفين مجال الـmedia كله شغال بالواسطة بس أنتي اللي جالك شغف تنظيم الأفراح وأشتغلي فيه وبقي ليكي حياتك اللي بتحبيها
صمت ريم لأنها تعلم ما يشعر به كريم في هذه السنة صدمت هي وهو عندما قرر أبوهم أن يقدم أوراقهم عكس رغبتهم لكن ما هون علي ريم الأمر هو وجود "ريهام" بجوارها وكانت تأخذها معه كل ليله لفرح ينظمه أبيها حتى عشقت المهنة بينما كان "كريم" بمفرده في كليه يكرها كانت "ريم" كل صيف أثناء الدراسة تخبر أبيها أنها تذهب إلي سنتر للغات لتدريب الصيفي بينما كانت تذهب لعمل أبا ريهام ليدربها حتى أنهت دراستها وذهبت للعمل في مجال تنظيم الأفراح والمناسبات حتى استقلت بعملها وأصبحت الأكثر شهرا في مجالها
لكنها أرادت أن تخفف عن أخيها وتؤمها :
أيه رائيك يا كوكو تيجي معايا الشغل النهارده أتفرج عليا وأنا بشتغل وشوفني بقا
_ مش عارف هفضي ولا أيه
_ وراك الديوان والنبي والنبي يا كريم عشان خاطري تعالي أتفرج عليا والنبي يا كريم
_ بس بس يا زنانة خلاص هاجي معاكي
_ هيييييييييه أخويا حبيبي هلبس بقا وأنزل
_ تنزلي فين أحنا لسه الضهر
_ أها طبعا أومال أنت فاكرني بشتغل بوصل قبل العروسة بالظبط ولا أيه لا طبعا لازم أظبط الدنيا قبل حضورها
_ طيب هغير هدومي وأجي معاكي
_ بسرعة يا كيمووووا
_ اها, كيمو وكوكو وكوكي وكرماله والشغل ده ميتقلش قدام صحابك هناك
_ حاضر يا حضره الرائد كريم القاضي ...حلو كده
_ اها تمام يلا روحي أجهزي بسرعه
_ علي فكره أنت اللي في أوضتي
