صدفه بالجامعه ❤️

صدفه

بقلمي الاميره الموسويه👑

ما احلل لاي شخص ياخذ كتاباتي وينشرهم (ذمه)

الحياة عباره عن صدف ومرات صدفه وحده تغير كولشي بحياتك ..
اعرفكم عن بطلة القصه اسمها (ندى) عمرها 19سنه طالبه جامعيه مرحله اولى كلية تربيه شكلها حلو مرتبه عيونها سود كبار وبشرتها بيضه ثلج وطولها متوسط حلو وجسمها رشيق انيقه وتحب تكشخ وتهتم بشكلها هواي
طبعا هي من عائله ملتزمه ومتدينه لابعد حد . يعني مو متعصبين بس من النوع اللي يقيدون حرية البنيه هي جانت ملتزمه تصلي وتصوم وما عدها سوالف مكسره ابد صديقاتها المقربات منها 2 ياسمين وايه .. 👭
كعدت كالعاده الصبح غسلت وبدلت وتحضرت للدوام نزلت جوه لكت ابوها وامها
كاعدين ..
ندى: صباح الخير
الاهل : صباح النور .. تعالي تريكي
ندى:لا متأخره اليوم اول محاضره امتحان وابو الخط وصل حروح باي
طلعت لكت الخط فعلا بالباب صعدت سلمت وراحو .. طبعا الخط بي ولد وبنات بس هي مجانت تختلط بالولد نهائي وتتجنبهم على كد السلام لانو اهلها مثل مكلت فوك ، ميقبلون تختلط بالولد وهي كانت ملتزمه بكلام اهلها
المهم وصلت للكليه وكالعاده نفس الروتين الممل محاضرات ودراسه واشويه كعده ويا صديقاتها سوالف وحش بالناس
هذا كان روتين حياتها من البيت للدوام ومن الدوام للبيت
رجعت من الكليه اتغدت ونامت للعصر كعدت
نزلت من غرفتها لكت البيت مالتهم فارغ !! صاحت ماما بابا سهى ماكو احد
ها بالمناسبه هي عدها اخت اسمها (سهى) وثنين اخوان (علي ومحمد) اخوانها كبار بس بعدهم ممتزوجين محمد الكبير عمره ٢٦سنه جان يكره الدراسه ومكملها لثالث متوسط وترك وعلي الصغير عمره٢٤ سنه اتخرج من الجامعه محامي واختها سهى عمرها٢٢ سنه تدرس هندسه مرحله اخيره.
استغربت معقوله طالعين ومحد كاللها اخذت الفون واتصلت بأمها ..
الووو ماما انتو وين اشو كعدت ملكيت احد
الام : بنتي احنا طالعين يم بيت جدج بيبتج مريضه فد مره ورحنا انشوفها!
وانتي شفتج تعبانه محبيت ازعجج .
زين ماما اشوكت تجون؟!!
حبيبي منطول ساعه ونجي.
اوك ماما باي
بايات.

بقيت افتر وحدي بالبيت ضوجه
بهالاثناء اتصل عليه رقم غريب
اني ماارد ع اي رقم غريب ابدااا بس بهذا اليوم مااعرف شنو اللي خلاني ارد على هذا الرقم ، يمكن من الضوجه والضغط مالت الدوام ومحد موجود بالبيت بس اني حسيت بخوف من الوحده المهم... بقى يرن الفون فأني فتحت الخط وجاوبت نعم ؟!!
محد حجه.
الووو متحجون منوو ؟!
جان اسمع صوت ولد .. او بالاحرى صوت رجال !
اني من الرعبه والخوفه سديت الخط بسرعه واني كلبي حيوكف 💔
صح اني بنيه واعيه ودارسه والوسط اللي ادرس بي كوله ولد بس ابد ممحتكه بالولد مجرد سلام وعلى كد السلام
واخاف من اهلي وخصوصا اخويا الكبير حيييل متشدد بهذا الموضوع لذلك لما سمعت صوت الولد بالتلفون كلبي وكف من الخوف
وبهذي اللحظه رجع اتصل الرقم مره ثانيه اني هنا جمدت من الرعبه اتصورت هسه اخويه يجي يسألني منو هذا وشنو اكول شنو احجي
انطيته رفض بقى يتصل اني ارفض وهو يتصل
اخير شي اجاني مسج من نفس الرقم مكتوب بي ردي لو انشر الرقم !!
اني هنا متت يا ربي اشورطني شنو اللي خلاني ارد ع الرقم اشكد غبيه اني بقيت بس ادعي رب العالمين يخلصني
لانو اخواني ابد ميتفاهمون وبس يدرون لو شنو احجي وبمنو احلف محد حيصدكني
واول شي يسوو يحرموني من الدراسه واني الكليه هي المتنفس الوحيد الي ودراستي هي اهم شي بحياتي من اني صغيره جنت احلم اصير مدرسه انكليزي وحققت حلمي الحمدلله.. فمجرد اجتي ابالي فكره انو اعوف دراستي اخلبلت
المهم
ركضت غلقت التلفون وصعدت ضميته بغرفتي ونزلت فتحت التلفزون اريد اضيع التوتر والخوف اللي اني بي بهذي الاثناء دخل اخويه محمد كال..
السلام عليكم..
كلتله عليكم السلام .
شنو محد بالبيت؟!!
لا راحو بيبي لبيت جدو مريضه اليوم فد مره وراحو يشوفوها
هااا زين يلا سويلي غده بسرعه ميت جوع
اي هسه اسويلك
رحت ركض سويت الغده وخليته يمه وكلتله اني صاعده عندي دراسه.
كالي روحي بهذي اللحظه دخلو اهلي .
كعدنا سولفنا وسألتهم ع بيبي واطمنت مبيها شي سوينا العشه اني وسهى واتعشوا
اني صاحوني كلتلهم مااشتهي اكلت العصر
جذي مماكله شي بس اني نفسي مسدوده افكر بالمسج الي دزه الي الرقم واخاف ينشر رقمي صدك
كلتلهم عندي امتحان باجر رايحه اقرا
كالوا اي روحي
صعدت لغرفتي وقفلت الباب ورايه
رحت طلعت الفون وفتحته واني ادعي ربي كون ممتصل ولا راسل شي غمضت عيوني واني ادعي يا رب دخيلك
انفتح الفون والرسائل طن طن ما طن طن
شفت رسائل كومه من نفس الرقم وفتحته
_____________
اذا عجبتكم القصه تفاعلوا اكملها