صدفه بالجامعه ❤️

مكالمه

بقلمي الاميره الموسويه👑

ما احلل لاي شخص ياخذ كتاباتي وينشرهم (ذمه)

فتحت اول مسج جان من الشركه تنبيه انو هذا الرقم اتصل بيك وشفت اكثر من خمسين مره مكالمات
يا ربي شهالورطه ابتليت ع عمري جاوبت ؟!!
شفت مسجات كومه منه كولها تهديد و يتوعد انو ينشر رقمي
بهذي اللحظه اتصل عليه اكيد وصله اشعار انو فتحت الفون.
اني قررت ارد وانهي هذي المهزله لانوو هو الي اتصل ع رقمي شنو قابل ابتليت جاوبته
بعد كم رنه رديت ...

اني :نعم

الشخص: واخيرا رديتي اصابعي اتكسرت اشكد اتصلت بيج"

اني :اخي اتفضل حضرتك شرايد مني وشكو دتتصل عليه؟!

الشخص: ميهم منو اني اعرفج كلش زين ومراقب كل حركاتج حتى اليوم كنتي لابسه كذا وكذا.

اني : من وين اخذت رقمي ؟!!

الشخص: مو مهم اشون اخذت رقمج المهم اخذته

اني: اوك وشرايد حضرتك مني ممكن اعرف؟!!

الشخص : اريدج الج .

اني : انت اكيد مجنون شدتخربط حضرتك شنو رايدج الج احترم نفسك .

الشخص: اني محترم نفسي وممتجاوز بشي ولو وحده غيرج تحجي وياي

بهذي الطريقه حلكها افركه فأنتبهي لكلامج وياي احسن الج.

اني: شنو دتهدد حضرتك ؟!! انت اصلا لو صدوك محترم متاخذ ارقام بنات وتتصل عليهم لا وتهدد هم تنشر الرقم ، اللي اعرفه الناس المحترمه متتصرف هشكل وماكو رجال يبيع مراجل براس بنيه ويهددها ينشر رقمها ، واذا تريد تنشر الرقم انشره محد لازمك ومخايفه منك .

الشخص :اممممم شخصيتج قويه ممبين عليج هذا الشي بالواقع تبينين هادئه وخجوله ، بس تعرفين عجبتيني اكثر ودخلتي عقلي اكثر .

اني :انت من صدوك متستحي . .. سديت الخط بوجهه
بس اني كل جزء بجسمي يرجف من الخوف والرعبه والكلام الي كاله
اتوقعت حيرجع يتصل بس متصل !!
بقيت افكر منو هذا؟ ومن وين اخذ رقمي؟ وشيريد مني؟
قاطع تفكيري صوت المسج الي اجاني فتحت المسج بسرعا ..لكيته كاتبلي..
(راح اعديها الج سدة الخط بوجهي هذي المره لانج بعدج متعرفيني بس ديري بالج تكرريها بعد)
(ملاحظه.. صوتج يموووت")
اقرا بالمسج ومااعرف شنو صارلي جسمي كوله يرجف وبطني كامت توجعني مااعرف لويش وشنو هذا الاحساس اللي مااعرف اوصفه خوف رعب دهشه استغراب مااااعرف يا ربيي
حذفت المسج والمكالمات ومبقيت اي اثر بالفون ورحت فتحت القفل مال الباب ورجعت لفراش حاولت انام مكدرت صوته بقى بأذني (طبعا صوته رجولي لدرجه ويحجي بهدوءقاتل بس كلماته تطلع سهم لما يحجي ) كلامه بعقلي مدا يروووح وكلمات المسج بقت لازكه بعقلي ومليوون سؤال يروح ويجي منو هذا؟! واني اعرفه لو لا؟! شيريد مني ومنو اللي انطاله رقمي؟! اني ما انطي رقمي لاحد غير بس ايه وياسمين وابو الخط !!
فكرت معقوله هذا ابو الخط لا مستحيل ابو خطنا ولد متزوج وماعنده هاي السوالف ومستحيل يسوي بيه هشكل لانوو يعرفني ويعرف اخلاقي واني دائما احجي ويا لما يتأخر او ميجي واعرف صوته
زين هذا منووووووو ؟! اوووف يا الهي خلي انام والصباح رباح باجر عندي دوام حطيت راسي ونمت
كعدت الصبح على صوت المنبه هفففف خلي اسوي غفوه  بعدين اتذكرت اول محاضره امتحان
كمت بسرعا بدلت وحضرت نفسي ونزلت لكيت الكل نايمين الظاهر البارحا سهرانين  واني ملتهيه بهذا الورطه ..
طلعت اشويه واجه الخط صعدت واني بالي وعقلي بغير مكان وفتحت اذاني كلت خلي اسمع بلكي واحد من الخط يشبه صوته ويطلع هو من ولد الخط وماخذ رقمي من السايق
صديقاتي يحجون وياي واني مو يمهن اصلا مركزه بالأصوات صرت بزونه
ماكوو محد يشبه الصوت اللي سمعته البارحه .. وصلنا للكليه واني مثل الثوله كل اشويه طاخه بواحد عقلي مو براسي دايخه من التفكير
دخلت للقاعه وكعدنا واجه الدكتور واخذنا المحاضره واني مفهمت ولا كلمه من المحاضره انتبهو عليه البنات لما طلع الدكتور اجو يمي يحجون وياي ..
ايه :ندى خيرج اشو مو على لعضج اليوم صاير شي بالبيت؟!!
اني : لا ماكو شي بس اشويه دايخه وراسي يوجعني.
ياسمين: كومي نروح للنادي اكلي شي واشربي كوب جاي اتصيرين زينه
اني: صافنه مسمعتها اصلا
ايه: يبووووو وج ياسمين هذي اصلا بالها مو هنا اتحداج اذا سمعت شي من كلامج
ياسمين: وج صدوك هذي حالتها مو طبيعيه بس لا واكعه بالحب
اني : انتبهت الها يمعودات شدتحجون انتوو اني واكعه بمصيبه مو بالحب