صدفه بالجامعه ❤️

الشخصيه الغامضه

بقلمي الاميره الموسويه👑

ما احلل لاي شخص ياخذ كتاباتي وينشرهم (ذمه)

هسه اجه الدور للبطل الغامض حتى اعرفكم عليه 🦁
شاب حلوو وانيق اسمه..

لحظه لحظه انتي بكيفج تعرفين عني بمكاني لعد اني شنو راس بصل

يااا هذا انت اعتذر يمعود ع بالي متقبل ردت اعرف عنك بس اعصابك وهاك القلم عرفهم عنك

اوك هالمره سماح يلا انطيني القلم

سلام اشلونكم اعذروني بس ترى اني عصبي شويه وانفعل بسرعه
اعرفكم بنفسي .. اني اسمي (ليث) عمري 28 سنه طويل وابيض شعري اسود وجسمي رياضي بس مااحب العضلات وهاي السوالف اهتم هواي بمظهري وشكلي واحب الاشياء الفخمه النازكه طالب حقوق بالجامعه المسنتصريه مرحله ثانيه اكيد راح اتكولون اشلون ٢٥سنه واشلون مرحله ثانيه اوك راح اوضحلكم اني ملازم بالجيش 👮‍♂️ خريج من الكليه العسكريه قبل سنتين وقدمت طلب اكمل دراستي حتى اصير ضابط حقوقي ان شاء الله وانقبل الطلب وطلعلي بالجامعه المستنصريه وداومت
طبعا اني حلم طفولتي كان اصير ضابط لانو اني شخصيه قياديه من لما كنت صغير والحمد لله اتحقق الحلم فبعدها قررت اكمل دراستي واخذ الحقوق لانو تفيدني هواي بوظيفتي.
اني ترتيبي الثاني بين اخواني عندي 6 اخوان واخت اخويه الكبير استشهد قبل ٣ سنوات بأيام الطائفيه وترك زوجته وطفله فأني صرت المسؤول الاول بالبيت وكلمتي هي اللي تمشي من بعد ابويه طبعا بس ابويه رجال كبير بالعمر فصارت المسؤولية على عاتقي،
امي مره كبيره بالعمر وبعد استشهاد اخويه حالتها الصحيه تدهورت حيل بس اني عالجتها وتعبت عليها وحاولت انسيها ااخويه والحمدلله بدت تتحسن
طبعا اني دليمي وعشيرتي تاخذ طابع قبلي ملتزم بالعادات والتقاليد لذلك شخصيتي انبنت على هذا الاساس
انسان حازم ومااقبل بالرديه واحب النظام ومااحب الخفه والاستهتار كلمتي وحده ما اثنيها ، واكيد الي قوة شخصيتي اكثر وخلاني انسان جاد وما اتساهل هي الكليه العسكريه (مصنع الابطال) مثل ميسموها .
وبحكم مركزي ورتبتي وشخصيتي واني ابويه كان عميد ركن بالجيش وشخصيه معروفه بس متقاعد حاليا فألي وزني و صرت معروف بين الناس والكل تحبني وتهابني وتحسبلي الف حساب
المهم بعد ما طلع قبولي بكلية القانون داومت اول يوم بالجامعه واني فرحان ونفسيتي مرتاحه لانو راح اكمل دراستي
شفت الوضعيه التعبانه والبنات المشلحه والخفه والاستهتار (طبعا مو الكل بس الاكثريه) وعدت نفسي وعد ما ارتبط بأي ابنيه من الجامعه ولا اسوي علاقات تعبانه واضحك على البنات لان عندي اخت واخاف الله يطلعها بيها .
عدت المرحله الاولى روتينيه اكمل دراستي وارجع للبيت مااحتك بهواي ناس بس عندي كروب بي جماعتي وكم بنيه مكبلات ويا اصدقائي طبعا اني اضحك عليهم واحجي عليهم من اشوفهم يضحكون على البنات وهنه مصدكات يحبوهن وكذا
وهوااااي بنات حاولن وياي ورادن اسوي علاقه وياهن بس اني ماانطيهن مجال لان مااريد اضحك على بنيه واعتبره الي يضحك على بنيه هذا عار ومو رجال فكنت اتجنب مثل هيج سوالف .
لحد ما اجه اليوم الي خربط كل احوالي وغير كل تفكيري وكلب كل كياني وحرك وشعل النار بكلبي اوووف شسوت بيه كلبتني رأساً على عقب*
بالمرحله الثانيه فد يوم دامشي اني واصدقائي 2 واشوفلك بنيه واكفه يم التسجيل بس شنوو من بنيه ملاك اية من الجمال بييييضه كطن وماكو ولا قطره مكياج بوجها (يعني متلبخ ) وعيونها سوود ووساع ورموشها سيوف وكثيفات وطولها متوسط وجسمها مفصل رغم هي لابسه ملابس واسعه تنوره طويله اسود وقميص ابيض وستره سوده وشال وحذاء وجنطه وردي فاتح مااعرف وصخ مدري شتسمو انتن البنات
الظاهر هي مرحله اولى وعدها مقابله بس جانت تبجي وتمسح بدموعها ومحد يمها فأني من شفتها عقلي وكف وكلبي رجف وجسمي انشل عن الحركه اتسمرت بمكاني من شفت ادموعها اشلون دتنزل وهي مدنكه وتمسح بخدودها الورديه اوووووف ربي مو حرام ملاك يبجي

عفت جماعتي ورحت مشيت بتجاها هي وصلت قريب منها هي من شافتني رجعت ليوره اني تقربت منها ..
اني: خيرج اختي بيج شي؟!!!
البنيه:لا اخي اشكرك"
اني :لعد ليش تبجين خيتي اذا محتاجه شي كولي واني موجود مايردج غير اللسانج؛
البنيه:لا اخي كولتلك مبيه شي من رخصتك .
عافتني وراحت..
اني شطت عيوني صارن بكصتي بنيه تلبسني وتروح واني اريد اساعدها اني البنات كاتلات روحهن عليه مااباوع عليهن وهاي اجيها برجليه تهيني هشكل
اني اعلمها.
ضربت الدوام رجعت للبيت واني صورتها متفارك بالي ودموعها وهي تبجي تحرك كلبي حرك،
بعدين اتذكر اشون نترت بوجهي وعافتني وراحت تصعد النار براسي اتمنى يمي وبأيدي اكسر راسها اليابس هذا
مرت ايام واني مااداوم لانو داعش دخل للموصل والاوضاع مو زينه وعندي انذار فأخذت اجازه من الجامعه لانوو العميد يعرف ابويه كان صديقه قبل فرتبها الي وكالي لتاكل هم اخذ راحتك.
اخذت اجازه من الكليه شهر بس اني طول هذا الشهر صورتها ولا لحظه فاركت بالي من أتذكرها جسمي كله ينشل مااعرف شيصيرلي اتمني بس اعرف اسمها بس المح عيونها مره ثانيه ،يعني كل هم الدوام والواجبات وتعبي يروح لما اتذكرها سحرتني سحر بنت الاوادم
خلصت الاجازه وباجر لازم اروح للكليه اني الليل كله منايم بس افكر راح اشوفها باجر واكحل عيني بشوفتها
كعدت من الصبح قبل ليدك المنبه اصلا بدلت وكشخت كشخه توب وطلعت بسارتي اخذت اصدقائي ورحت اول مدخلت للجامعه عيوني كامت تدور عليها مدخلت ولا محاضره
بقيت افتر بالجامعه وادور عليها ماكو ما الها اثر تعبت
اخير شي كلت خلي اروح ارتاح اشويه واكلي فد شي واشرب استكان جاي واصحصح واكمل البحث.
صدك اول مدخلت للنادي وجان عيني توكع عليها كاعده هي واثنين بنات جانت مدنجه راسها ودتقرا واني جمدت بمكاني من شفتها
____________
حلوه لا انطوني رأيكم حتى اكمل 🙁💔