صدفه بالجامعه ❤️

اعتذار 💔

ندى..
لما حجه وياي هشكل وصيح عليه مااعرف شنو ارد عليه بقيت ساكته وابجي
متوقعت يعصب لهدرجه ويحجي وياي بهذي الطريقه
ويغلط عليه.. اني اصلا ممتعمده اغلق الجهاز بس الشحن لكيته خلصان.

بقيت اتذكر كلامه و ابجي .. توقعت يرجع يتصل او يرسل بس ماكوو
الساعه صارت ب1 مكدرت انام
بقيت افكر انوو هو حقه واني غلطت ومجان المفروض اسد الجهاز بوجهة واقلل من قيمته هشكل"
بس هو جرحني بكلامه.. اووف يا ربي شسوي هسه ؟؟
اتذكرت لما كال انوو هو مماكل شي من الصبح ومدخن هوواي جكاير 😓
بقييت قلقانه مااكدر اعوفه هشكل رغم كل كلامه بس هو حقه ... قررت اتصل بي واعتذر منه لانو الغلط مني ..
اترددت هوااااااااي بس بالاخير اتصلت عليه...
رن الجهاز رنتين وطلعلي واحد كال الووو...

سمعته هذا موو صوت ليث !!!
محجيت بقيت ساكته .. جان يكول الوو عيني صاحب هذا الرقم سووه حادث ويمكن اتوفى.
اني ... شنووووووووووو !!!!!!!
طووط طوووط انسد الخط بوجهييي

جسمي كوله يرجف مثل السعفه حتى الجهاز وكع من ايدي
لاااااااا مستحيييييل اكيد ديمثل عليه حتى يخوفني مستحييييل يموووووت
بقيت كاتمه صوووتي بس اشهك ودموعي تنزل الحالها
يا الهيي دخيلك احفظه الي يا ربي ارجوووك كذب الخبر
والله بعد ماازعله
ما احجي اي شي يضوجه ربيييي دخيلك لتحرك كلبي عليه
اللهي اني عمري كوله مسويت شي مو زين ولا مشيت بطريق الخطأ وانت تعرف هوو الشخص الاول والوحيد بحياتي لتحرك كلبي عليه ربيييييي دخيلك انيي 😢😭

زين هسه المن ارووح شسوييي ؟!!!
بقيت ابجي واشهك على كيف ليسمعوني اهلي
رجعت اتصلت بيي طلع الجهاز مغلق
كلبي احترك ناار ومشتعله بيي ..
مااعرف شسوي !!!

#بالمستشفى ..

ليث ..
كعدت لكيت روحي نايم بغرفه باوعت هاي انيي وين ؟!!
شكووو شصايرر؟!!
اني ليش هناا ومنو جابني لهنا ؟!!

اريد ارفع راسي مااكدر ، جسمه كله يوجعنيي باوعت شفت امي وابويه واخواني 2 يمي والدنيا مكلوبه على راسي ..
كلتلهم اني وين ؟!!
بس بصعوبه طلع الكلام منيي ..
كالوو .. لتحجي شيي ارتاح

الدكتور .. انت سويت حادث والحمدلله طلعت سلامات ، بس رجلك انكسرت وشويه رضوض بجسمك ، نام وارتاح وان شاء الله باجر او اللي  بعده تطلع .
اهلي اتشكرو من الدكتور .. وامي اجتي تبوس بيه وتبجي ..
الام .. سوده عليه عليك يمه لو صاير بيك شي وتبجي
ابويه كاللها... كولي يا الله يا مره الحمدلله ربج ستر والولد طلع سلامات لتبجين مسمعتي الدكتور كال خلوو يرتاح؟!!

اني.. يابه اخذ امي وروحو للبيت اني ما بيه شي وخلي صهيب يمي .
(صهيب اخوو ليث )

الام .. لااا ابد مااعوفك اني ابقى هناا مااتحرك منا لما تطلع واتطمن عليك .