صدفه بالجامعه ❤️

نظره 😍

بقلمي الاميره الموسويه👑

ما احلل لاي شخص ياخذ كتاباتي وينشرهم (ذمه)

ليث..

دخلت للنادي واشوفها كاعده هي وصديقاتها 2 ومدنجه راسها دتقرا اول ما وكعت عيني عليها حركتي انشلت وجسمي برد جمدت بمكاني بنفس اللحظه رفعت هي راسها وعيني صارت بعينها التقت نظراتنا من اشوف عيونها مااعرف شنو يصير بيه اني الجبل الي محد يهزه نظراتها تزلزلني حتى توازني يختل مع العلم هذي النظره الثانيه الي يعني ثاني مره اشوفها بس عيونها سحرتني من اول نظره .
باوعت عليه ورجعت دنكت راسها بالكتاب الظاهر متذكرتني لان اخر مره شافتني لما حجيت وياها وهي كانت دتبجي وعيونها مليانه دموع فأكيد منتبهت على ملامحي ، اني بقت عيوني عليها رحت كعدت على الطاوله الي كدام طاوالتها وبقيت اباوع عليها اريدها بس ترفع عينها بلكي كلبي يهدء بلكي النار الي شعلتها عيونها بيه تنطفي ، ماكوو مارفعت راسها
طلبت اكل وشربت جاي بهذي اللحظه هي وصديقاتها كامن لان بدا وقت المحاضره الثالثه .
اني عفت الاكل ورحت وراها اريد اعرف هي بيا قسم اتداوم اعرف هي مرحله اولى بس مااعرف قسمها شنوو ، بقيت امشي وراهم لحد ما دخلت لقسم اللغه الانكليزيه وبنفس هذي القاعه عندي صديق اسمه (مازن ) دخلت هي للقاعه مالتها واني انتظرت دقيقه ودخلت وراها وجان اشوف مازن بوجهي شافني فر بيه واكلني اكل بالسلام اشلونك وشعندك اليوم بقسمنه نورت القسم بقينا نسولف اشويه
وكلتله :مازن رايدك بشغله ، كالي اي اني خادم امر
كلتله خادم ربك ، والله السالفه اكو بنيه وياك بالقاعه واريد اسألك عنها!!
مازن: بقى يضحك مثل المصدوم "
كال هاي شنوو معقوله هذا انت ليث انت اللي تحجي علينه وتضحك لان نسوي علاقه ويا البنات هسه جاي اتريد اتكبل
اني حيل ضجت كتلتله: ..
اولا اني مااسوي علاقات ولا اضحك على احد بس اني صوجي كلتلك يلا باي
مازن: هاي اشبيك يمعود ترى دااتشاقه وياك والله عمي اني اسف بس اني استغربت انت ماعندك هاي السوالف ترى مااقصد شي.
اني: يلا عادي مصار شي اني رايح .
مازن:يمعود اشبيك شنو رايح احجيلي منو هاي البنيه ؟!
اني: قبل لا اكلك من البنيه اريد اوضحلك شي ترى اني ماعندي اي علاقه بيها ولا اعرفها وانت تعرفني كلش زين ماعندي سوالف مكسره بس الصراحا البنيه هاي اخلاق ومؤدبه وحيل عجبني ثكلها واني ناوي اسأل عنها واذا طلعت مثل ما اني متوقع اتقدملها على سنة الله ورسوله يعني ليروح بالك لبعيد ولا تاخذ فكره عن البنيه مو زينه.
مازن: عمي افتهمت هسه شنو قابل اني مااعرفك انت شنو بس دكوول منو هاي سعيدة الحظ الي كدرت توكع ليث الثكيل بشباكها
اني : بعدني مااعرفها هو اني جاي حتى اسألك عنها وهي هذيج اللي كاعده يم الشباك ويمها البنات ال2 هي اللي بالوسط لابسه تنوره رصاصي وقميص نيلي شفتهااا
مازن:هاااااا انت تقصد (ندى) يمعود اشون عرفتها هاي اصلا متنطي مجال الاحد بس صدك خوش بنيه مؤدبه وثكيله وفوك هذا كله صاكه
اني: لك شنو صاكه اشو متعرف تحجي انت
مازن : ههه يمعود مو قصدي شي والله بس الحق ينكال البنيه حلوه، بس هي صعبه مااعتقد راح تكدر اتجيبها للدرب !
اني: انت جيبلي رقمها ومعليك بالباقي وانت تعرفني كلش زين اذا خليت شي بعقلي اخذه اخذه وهاي البنيه متصير لغيري لو على كص ركبتي .
مازن: الله كريم خويه اللي كاتبه الله يصير واني ان شاء الله احاول اجيبلك رقمها وتدلل
اني: اشكرك خويي اني صار لازم اروح وانتظر منك خبر ان شاء الله اعتمد عليك
مازن : مايكون الا خاطرك طيب ظلع باجر ان شاء الله الرقم عندك .
زين يلا في امان الله .. مازن الله وياك ظلعي .

مازن ..
راح ليث واني بقيت محتار اشلون اجيب رقم البنيه هاي ومنو يعرف رقمها مااريد اتفاشل ويا ليث وهو مسوي عليه هواي افضال واعتمد عليه ، هسه اشلون ياربي
فكرت فكرت كلت ماكو غير اشوف ابو الخط مالتها منوو واخذ الرقم واذا طلع عرف اخذ الرقم منه صدك انتظرت لحد مطلعت ورحت وراها طلع ابو الخط صديق ابو خطي بس اني مااعرفه المهم رحت على ابو خطي حجيت ويا وكلتله خويه طالبك اريد منك تجيبلي موبايل هذا صديقك ابو خط الفلاني اريد رقم بنيه بي عاجبتني ومدا تنطيني مجال،
بالبدايه كال لا زحمه ومااكدر اني لحيييت عليه وكلتله اغديك على حسابي ومن هذا الحجي لحد ما اقتنع ، جاب الموبايل دورت على رقمها لكيت بس اسم واحد ندى يعني ماكو غيرها بالخط اسمها ندى كلت اكيد هذا رقمها اخذت الرقم ورجعت الموبايل ابو الخط لح عليه راد يعرف منو البنيه اني مكلتله منو لان هاي اذا الله راد راح تصير زوجة صديقي ومااريد اشوه سمعتها وهي فعلا خوش بنيه.
اخذت الرقم وبنفس اللحظه دزيته ال (ليث) .

_________ ___________
البارتات طويله اشويه حتى تصير القراءة حلوه والقصه توصل بسرعه للقارئ 😘😘
ممكن دعم اشويه ايديناتي تعبت 😭💔