صدفه بالجامعه ❤️

موعد

بقلمي الاميره الموسويه👑

ما احلل لاي شخص ياخذ كتاباتي وينشرهم (ذمه)

ندى..

رجعت للبيت تعبانه غسلت بدلت وصليت بس متغديت نفسي مسدوده من الخووف والتفكير بقييت افكر بكلام ياسمين وخطة ايه وكلت حسوي اللي اتفقنا عليه بس كوون هو يتصل لان اني مستحيل اتصل بي واخلي عليه لزمه .
قريت اشويه للامتحان وخليت راسي ونمت
كعدت الساعه ب٥ العصر راسي يوجعني وبطني تقرقر من الجوع نزلت لكيت امي وسهى كاعدات بالحديقه ويمهم بابا واخويه علي بس محمد مموجود
رحت للمطبخ سويت لفه جبن وجاي وطلعت يمهم اشويه سولفنا وسألني بابا ع دراستي
عرفت انو سهى اختي متقدملها شاب وياها بالجامعه والخميس هذا الكعده يجوون يخطبوها رسمي
باركتلها وكعدنا نسولف وتحجيلي عن الولد واشون اخلاق ومؤدب ومن عائله ملتزمه ونفس تخصصها هم مهندس بصراحا فرحتلهااا من كل كلبي اختي الوحيد حتى نسيت الافندي والخوف الي عايشته من وراااا نسيت كولشي وبقيت اضحك واسولف ويا سهى لحد ما اجه اخويه محمد
وسولفوله ماما وبابا بموضوع خطوبة سهى بعتبار هو اخونا الكبير 
محمد انسان قاااسي بشكل ومتعصب وبين قوسين (عنده عنصريه ضد الطوائف) يعني ميقبل انو وحده من عدنا ترتبط بشخص من غير طائفه نهائيا لذلك اول سؤاله عن خطيب سهى هو (شننوو عشيرته) سهى جاوبته بسرعه انوو هو من نفس طائفتنه وشاب حباب وخلوق مع ذلك بقى يستجوبها اخاف عدها علاقه بي وهي اكدتله انوو هي ماكو اي علاقه تربطها بي مجرد زميل وياها بالجامعه شاف اخلاقها وسئل عنا وعن سمعتنا فطلب يجي يتقدملهااا رغم شكوكه وأسئلته الممله واسلوبه المتعصب والمخيف وضغط ماما عليه كال نسأل عليه وبعدها يجي واذا من نصيبه متصير لغيره
اووووووف محمد اشكد معقد ويحب يعقد كولشي حتى مخلانه نتهنى بفرحتنا اشويه طلعها من عين المسكينه سهى .
المهم خلص الحديث وكل واحد راح لغرفته رحت اني لغرفتي لان باجر عندي امتحان ولازم انام من وكت .
دخلت للغرفه ورحت لفراشي خليت راسي ونمت واذا بالموبايل يرن
طلعا اني من يوم السالفه مالت الرقم لليوم جهازي بالبيت اخلي سايلنت حتى اخاف يتصل البلوه محد يسمع
اهتز الجهاز جوه المخده واني كلبي كام يدك سريييع وجسمي كوله يرجف انتبهت للساعه لكيتها ب12 الا عشر دقايق شفت الرقم لكيته هو نفسه رقم الافندي
اتذكرت كلام ايه واستجمعت نفسي وقررت ارد عليه بس خليته يتصل اكثر من مره للن كنت متردده 3 مكالمه جاوبته نعم

ليث..
رن الخط اول مكالمه مردت ثاني مره هم مردت بالثالثه كلت هذي الاخيره اذا مردت مااتصل بعد لان اخاف احد يمها ومتكدر تحجي..
صدك والله بالمكالمه الثالثه ردت
ندى:نعم ؟!!
ليث: كلبي كام يرجف حسيته راح يطلع من صدري اول ما وصل صوتها لاذني جسمي كله خدر .. مساء الخير
ندى: انت وتالي وياك شكوو دتتصل عليه متستحي انت ما عندك خوات؟!!
ليث: اولا انتبهي لالفاظج ولتكولين متستحي مو سديتتي الخط بوجهي مرتين وسكتت معناها تتجاوزين حدودج ويايه ترى اتصرف تصرف ميعجبج .
ندى: بيني وبين نفسي لا والله ويهدد هم
اهااا معجبتك اللفاظي موو زين لما تتصل بنصاص اليالي ع بنات الناس هذي شنو  يسموها اخلاق عاليه مثلا؟ !!
ليث: اول اني مو ملطلط ولا ما عندي عرض حتى اتصل ع بنات الناس اضحك عليهن .
ندى: اهاا لعد شنو اتريد بلا رقم النجده
ليث : هههههه هاي شنووو طلعتي اتحششين امممم يوميا اكتشف بيج شي جديد شنوو عندج من مواهب بعد
ندى: تحجي ويا نفسها يا ربي اشون يضحك كلبي حيوكف شسوي هسه؟!!
اخي الله يخليك اني بنت ناس ومو اخلاقي ولا تربيتي اسولف واضحك ويا الولد فاذا انت عندك اخوات وتخاف على عرضك هسه تحذف رقمي وبعد لتتصل اني غلطت غلطة عمري ورديت على رقم غريب اترجاك رجااء بعد لتتصل ولتسولي مشاكل .
ليث: اولا انتي متترجيني انتي تأمرين كلبي امر وأنفذ واني الممنون بس احذف رقمج من سابع المستحيلات لان انتي متعرفين اني شصار بيه يلا حصلت رقمج وترديني بكل بساطه احذفه ؟!!!
اسمعي يا بنت الناس راح احجي الي عندي وانتي اسمعيني وبعدها انطي رأيج ماشي؟!!
ندى: تحجي ويا نفسها .. يا ربيييي هذا شديحجي اكيد مخبل هذا ...
ماعندي اي كلام ويااااك ولا حسمع اي شييي منك و....
قاطعها ليث بصوت عالي وهو يصيح...
ليث: تسمعين وغصبا عليج ولتخليني اشوفج الوجه الي ميعجبج من اكولج كلمه تسمعيها وتنفذيها وبس لتجادليني ولا تناقشين نفذي وبس احسنلج، ترى انتي متعرفيني بعدج اني مخبل  ممكن اسوي اشياء متخطر على بالج اصلا .
ندى : شنو تهددني حضرتك ،!!
ليث: موو ليث ابن حجي ريسان الي يهدد مره وابيع مراجل براس بنيه اني كووول وفعل واللي اكوله اسوي فلتستخدمين وياي اسلوب مستفز احسنلج لان اللي اريده اخذه غصبا عن اللي يرضى واللي ميرضى.
ندى: كلبي وكف من الخوف يا ربي شنوو هذا شنو هالورطه السوده الي وكعت روحي بيهاا.. بس زين عرفت اسمه ليث وابو ريسان اكيد اذا وياي بالجامعه اسمه موجود واعرف هو منووو .
ندى: مكلتلي اللي تريده شنووو اريد ارووح اناااام باجر عندي دواام .
ليث: ماشي روحي نامي وباجر نلتقي اشوفج ونحجي وتعرفين اني شنو رايد.
ندى: انت اكييييد عقلك بي شييي شنووو نلتقي شنو تشوفني اخي انت مجنون شي ؟!!
ليث: اني شنووو حجيت وياج على هذي اللفاظج شنو مجنون لتعصبيني ندىىىىى
ندى: ياااا ربي و يعرف اسمييي هم !!!
انت من وين تعرفني واشون عرفت اسميي ومنوو انطاك رقميي هسه اتكولي يلا اريد اعرف كولشي حالآ.
ليث: تردين تعرفين ؟!!!!
ندى: اييي اريد اعرف اشون تعرف كل هذي الاشياء عني؟!!!
ليث: اذا تردين تعرفين اشون اعرف عنج كل هذي المعلومات باجر تجين للنادي مالت الجامعه ب8 ونص اني انتظرج .. يلا تصبحين على خير مااريد عيونج تتعب من السهر وباجر عندج امتحان وموووعد لتنسييي انتظرج...باي ...
ندى : سد الخط هذاا اكييد موو صاحي يا ربيي اشوووون يحجي
خلت ايدها على كلبها وكلامه يدور بعقلها وصوووته يرن بأذنهاا .. اشون يكدر يحجي بكل هذا الهدوووء والثقه واني كلبي حيوكف من الرعبه معقوووله هذاا بشر يااا ربي شنووو هذا الصووت لويش ميرووح من عقلي جسمي كوله يرجف كلامه وصوته واسلووبه مووو طبيعي ...بقيت افكر بكلامه وقاطع افكاري صوت مسج اجاني فتحت الموبايل لكيت المسج منه مكتوب بيي....
(تصبحيييين على قطرات الندى مثل  صفاء عيونج واني اصبح عليج انتي 🥀 )
اني : يا اللهي صبرني على هذا البني ادم حيخبلني..بقيت افكر بيي وبكلامه وبالمسج وبالموعد ارووح لو لاا شسوي يا ربي اشوون واشووون لحد مااا غففييت من كثر التفكير ونمت