صدفه بالجامعه ❤️

تعارف و اعتراف ❤

بقلمي الاميره الموسويه👑
ما احلل لاي شخص ياخذ كتاباتي وينشرهم (ذمه)

ليث: ماشي عمي بعد مااستفزج وعد بس انتي انطيني جواب ريحي كلبي شكلتي ؟!!
ندى: انطيني وقت افكر بكلامك والي كاتبه الله يصير.
ليث : ماشي اخذي وقتج بس خلي ابالج انتي الي وحدي وبس برضاج او غصباً عنج انتي (مالتي ) .

ندى: اني صار لازم اروح حتبدي المحاضره الثانيه.
ليث: وين ترحين خلي اعزمج على شي ع الاقل هذا اول لقاء النا
ندى: لا شكرا مااكدر لازم اروح بس قبل مااروح اريد اطلب منك طلب !!
ليث: كلتلج انتي تأمرين واني انفذ لتكولين طلب
ندى: خجلت و دنكت راسها .. الي اريده انو لتتصل بيه بعد مااريد تسببلي مشكله بالبيت
ليث: لعد اشلون اسمع صوتج اشلون احجي وياج اشلون حتتعرفين عليه ؟!!!!
ندى: والله مااعرف اني اخاف اهلي يعرفون وتصير مشكله
ليث: يا عيني اول وتالي اهلج حيعرفون لان اني راح اجي واخطبج فليش الخوف !! وبعدين اذا متردين هسه اهلج يدرون لحد متتعرفين عليه فأني ما عندي مانع مااتصل الا برضاتج انتي حددي وقت دزيلي مسج واني اتصل بيج ع الاقل لحد متتعرفين عليه وتحبيني
ندى: انت هواي واثق اني راح احبك 
ترى كولتلك افكر مكلتلك موافقه
ليث: ههههه اوعدج وعد اخليج تحبيني وانتي اللي تجين وتكولين ليث اني احبك ❤
ندى : انت هواي تحلم عزيزي
ليث: اوك اذكرج بهذا كلامي
ندى: ماشي اني لما يصير عندي ومجال اكدر احجي وياك حرسلك مسج بس انت لتتصل من كيفك
ليث: تمام اتفقنا
ندى: يلا باي
ليث : وين باي امشي كدامي اوديج للقسم مالتج اخاف واحد يضوجج
ندى: انت اكيد انجنيت شنوو توديني للقسم اتريد العالم اتشوفني شيكولون عليه ؟!!
هذا صديقها !!
ليث: اولا لتحجين هيج اللقاب ع نفسج صديقها ومااعرف شنوو ، حاليا انتي حبيبتي و مرتي ام جهالي مستقبلا
واللي يجيب سيرتج بحرف اللسانه اكصه
وثانيا اني مراح امشي وياج لان سمعتج تهمني قبل لا تهمج راح امشي وراج من بعيد وان شاء الله من تصيرين الي نمشي ايد بأيد
ندى: هههه يا ربي انت خيالك هووواي واسع بسرعا صرت حبيبتك وام جهالك شنو هي بكيفك ؟!!
ليث: اي نعم بكيفي ويلا كوومي كدامي بلا نقاش ترى اني مااحب احد يجادلني يلا بسرعا
ندى: اصلا اني اتأخرت ع المحاضره صار دقيقتين يلا حكوم وانت لما تمشي خليك بعيد عني
ليث: ماشي تأمرين يلا كومي .

ندى...
رحت للقسم وهو بقي يمشي ورايه ويراقبني من بعيد ..
بصراحا حسيت احساس محاسته بعمري كوله
حسيته من صدوك خايف عليه ، من كلامه وتصرفاته واهتمامه حسيت صدوك يحبني و رايدني
يا ربي انت تعرف اني طول عمري ماشيه عدل وما عصيتك ابد اذا هذا الشخص بي أذيه الي ابعده عن طريقي ..
وصلت لقاعتي انداريت باوعتله وابتسمت بمعنى خلص وصلت اني دخلت وهو راح.