صدفه بالجامعه ❤️

اتفاق

بقلمي الاميره الموسويه👑

ما احلل لاي شخص ياخذ كتاباتي وينشرهم (ذمه)

ليث..

واخيرا عرفت شي عنها اسمها (ندى) ❤
اوووف شسويتي بيه يا بنت الناس ربج خلقج وكلبي ابتلى بحبج
رجعت للبيت تعبان من كد ما افتريت الجامعه فر ادور عليها رجليه اتكطعت بس من شفت عيونها بالنادي راح كل التعب .
دخلت سبحت وتغديت وكلتلهم بالبيت راح انام لحد يكعدني تعبان. خليت الموبايل صامت جوه راسي لان مازن كال باجر يلا يحصل الرقم فستبعدتها انو يكدر يجيبه اصلا او يرسليا اليوم فخليته ع الصامت ونمت .
كعدت العصر اريد اشوف الساعه اشكد جريت الموبايل من جوه راسي فتحته لكيت مسج من مازن.. ضجت كلت اكيد حيتعذر ويكول مكدرت احصل الرقم
فتحت المسج وجان كلبي يرجف وعيوني وحلكي انفتحوو من الصدمه ممصدك اللي دااشوفه معقوله هذا رقمهاااااا لا مااصدك لك مازن اشلون اجازيك على هاي البشاره
حفظت الرقم بسرعه بالجهاز واتصلت عليها رن رنتين الثاله جان اتكول...
الوووو
اني بصراحه تفاجأت ممتوقع انو ترد على رقم غريب
مره ثانيه كالت..
الووو ..منووو
اني رديت عليها .. مرحبا
جان اتسد الخط بوجهي
رجعت اتصلت مره مرتين ثلاثه ماكوو مترد
دزيتلها مسج جاوبي لا انشر الرقم.
انتظرت دقيقه واتصلت طلع الجهاز مغلق
بقيت ارسل واتصل ماكوو .
للساعه ب١١ بالليل اجاني اشعار من الشركه انو خطها انفتح ، بسرعه اني اتصلت بيها رن هم كم رنه ردت ..
حجيت وياها وطلبت تعرف منين اخذت رقمها؟!!
كلتلها: مو مهم المهم اني رايدج الي
اشو هاي عصبت وسدت الخط بوجهي ثاني مره تسد الخط بوجهي اني اعلمج ندى خانم بسيطه
ردت اتصل بيها بس خفت اسببلها مشاكل او احد يمها فدزيتلها رساله حذرتها بعد اتكرر هذا التصرف وياي وكتبتلها ملاحظه (صوووتج يموت )
مردت عليه بعد.
بقيت الصبح منايم صوتها يرن بأذني فدووه لربها اشلووون صووت هادئ ورقيق اتكول ملاك مو بشر يحجي وكلماتها تصدح بعقلي اووووف شسوت بيه هذي المخلوقه معقوله اني احب من أول نظره طول عمري اضحك على شي اسمه حب وخصوصا اللي يكول حب من أول نظره تاليها اني اوكع بالحب واشون وكعه مااكدر حتى اطلعها من بالي لحظه وحده
بقيت اتكلب بفراشي.

ندى...

يمعودات شدتحجون انتوو اني واكعه بمصيبه مو بالحب

ايه وياسمين : يا اسم الله ولج يا مصيبه هاي احجي شكووو
ندى: حجتلهم القصه كولهااااا
وبقن صافنات عليها
ايه : يمعوده ترى انتي مغلطتي بشي شكو خايفه
ياسمين : كلام ايه صحيح ندى انتي لويش خايفه قابل ارتكبتي جريمه رقم بالغلط اتصل عليج كولي لاهلج وهم يتصرفون ويا

ندى: ولجن انتن شدتحجن دااكوللكم ديهددني ويكولي اعرفج كولش زين حتى كالي شنو كنت لابسه البارحا اشون اكول الاهلي غير يذبحوني اخواني مستحيل يصدكوني ومحمد بالذات حاجيتلكم عنه اشون شكاك واول شي يسوي يخلي بابا يبطلني من الدوام واني اذا تركت دراستي اموت
ياسمين: بما انوو يعرفج لدرجه يعرف شنو كنتي لابسه البارحا اكيد هذا ويانا من الجامعه ومراقبج.

اني: والله مااعرف اني عقلي تعب من التفكير كولولي شسوي

ايه : اني عندي حل"

اني: كولي دخيلج شنو هو الحل ؟!!

ايه: تتصلين بي وتحجين ويا وحاولي تقنعي يكولج هو منوو واذا طلع من الجامعه انروح نشتكي عليه بالعماده وهم يطيحون حظه وبعد ميتقربلج .
ياسمين : والله خوش فكره بس ندى ثوله مااعتقد اتدبرها وتحجي ويا هاي من ظلها تخاف
اني: اي والله مااكدر اني حجيت ويا مره وحده كلبي حسيته حيوكف حتى نفسي انكطع اشون احجي ويا بعد
ايه : ماكو غير هذا الحل احسن ميعرون اخوانج ويسوولج مشكله
اني : لاااااا مستحيل اتصل بي اني اخاف يحفظ المكالمه ويلزمها دليل يكول اتصلت بيه بس اذا هو اتصل ححاول احجي اللي اتفقنا عليه وان شاء الله اخلص من هذي البلوه والله حمووووت من الخوف من وين طلعلي هذا الغضب يا ربي .
ياسمين يلا كومن اتأخرنا ع الخط هسه منتظرنا
ندى وايه : يبوووو ولجن راح عليه الوكت واحنا نسولف .

ليث..
اليوم مرحت للدوام لان البارحا الليل كله منمت من سمعت صوتها بقيت كاعد لحد ما طلعت الشمس يلا غفيت وكعدت الساعه ب10 الصبح فايت وكت فما داومت كملت نومتي
لحد ما كعدتني امي..
يمه كووم الدنيا الظهر وراح انصب الغده وانته بعدك نايم.
اني: ليش هسه بيش الساعه
الام: الساعه بالوحدة يمه كوم اخلك حمام وصلي على ما نصب الغده ويجون اخوانك من دواماتهم ونكعد نتغده
اني: كمت بستها براسها كلتلها تدلل ست الحبايب جاي وراج.
الام: الله يوفقك يمه ويرزقك بنت الحلال الي تريحك مثل ما مريحني وتفرحني بيك قبل لا امووت
اني: هههه يمه مو بديتها دعوه حلوه ليش كلبتيها حزن بالنهايه هههه عمرج طويل ست الحبايب ان شاء الله اتزوجيني وتشوفين احفاد احفادج بس انتي ادعيلي
الام: يوم عيد يمه يوم اللي اشوفك عريس الله يريح بالك ويحقق اللي ابالك يمه
اني : اييي هذي الدعوه الحلوووه فدوه لعمرج حجيه
الام: يلا اني رايحه اساعد اختك بالغده وانت كوم
اني: صار حبيبتي جاي وراج .
طلعت امي واني رحت غسلت وصليت واجوي اخواني من الدوامات وكعدنه اتغدينه
وطلعت العصريه ويا جماعتي رحت للقاعة مالت الحديد وطلعنا افترينا بالسياره للساعه ي11 بالليل رجعت لكيت الاهل كاعدين كعدت يم الحجيه سولفنا اشويه وبعدين كلتلهم اني داخل انام باجر عندي دوام تصبحون على خير.
الاهل : اجمعين .. وانت من اهل الخير
دخلت لغرفتي واول شي اجه ابالي اتصل ب (ندى) بس اترددت خفت اسويلها مشكله فكرت هوااااي بعدين مكدرت مشتاق اسمع صوتها مو كافي اليوم ممداوم و مشفت عيونها.. اخير شي سحبت الموبايل وطلعت رقمها واتصلت بيها ....
_________________