البارت الثالث
سيف سيف
ومشى سيف ومجاوبني واجتي نور كلتلي
....شكوشصار
..... سيف شافني كاعدة ويا صباح عباله عندي شي وياة
واخذ الحلقه من يدي وراح
....عزة بعينج ريمان ومنا انتي البارحه متحجين وياة
ولج هذا شنو الورد الي بالكاع هذا سيف جايبه
....اي
....اجاي ديصالحج خطيه وجايب ورد
دروحي لحكي
...لا عوفي
...انتي لشوكت اظلين هيجي الولد اجاي ديصالحج
.....اوف كافي عد الله يخليج اني ضايجه
....وتمشيت رجعت للميز الي جنت كاعدة عليه وجان صباح واكف
كلي
.....شكو شصار كوليلي ريمان
نور كلتله
....خطيبها شافها كاعدة يمك وصارت مشكله بينهم
...لا موخوش سالفه كولولي وينه او وين يداوم اروح احجي
وياة وافهمه
....كتله
.....لاماكو داعي عود اني احجي وياة يله اني راح اروح
وعود احجي وياة
وشلت الجنطه مالتي وكمت
كالتلي نور
....منو يوصلج
....اني اخذ تكسي
.....تعاي اني اجي وياج اوصلج
...يله كومي
وباوعت على صباح كتله
........اني اسفه لتواخذنه
...لااني الي اعتذر طلعت من وجهي بس الله شاهد انتي مثل اختي ولو اعرف راح اسببلج مشكله فلااحجي وياج
ولااجي اصلا للكليه
....ولايهمك هو صار سوء تفاهم وان شاءالله ينحل
يله عن اذنك عود نتلاكه بغير وقت
...الله وياج
وطلعت عالسريع اني ونور وكفت تكسي وصلتني نور للبيت
وهي راحت
طبعا جنت مترددة وخايفه انو اهلي هم يفهمون الموضوع غلط
بس لمن دخلت للبيت جانو طبيعين عرفت انو هما ميعرفون شي
سلمت على امي بسرعه وصعدت فوك وسديت باب الغرفه
وطلعت تلفوني من الجنطه وخابرت على سيف
ظل يدك وماكو رد وبعدها دزيتله رساله كتبت بيها
(سيف اتمنى اجاوبني واذا تحبني وعندي خاطر يمك
احجي ويايه خليني افهمك الموضوع شنو واذا تريد روح اسئل
واتاكد بنفسك)
ودزيتها وبعد مايقارب الساعه اجتني رساله
مكتوب بيها
(شوفي اني وياج منرهم بعد ولتخافين مراح احجي شي لااهلج
وعالعموم اني العصر اجي واحجي وياعمي
وانتي لتحجين شي)
كملت قرايت الرساله وشمرت التلفون على الجربايه
وظليت كاعدة وصافنه مايقارب النص ساعه
وسمعت الباب تندك
كلت
....منو
....اني بنتي
....دخلي
....ها حبيبتي شو راجعه من وكت شنو الموضوع
...ماكوشي
...اشو وجهج مديتفسر احجي شكو شصاير لتخوفيني
....ماكو شي موكلتلج
...والله دتكذبين احجي
خليت يدي على راسي كتلها
....اهوو الله يخليج ماما كافي ماكوشي واذا اكو شي بعدين
تعرفين
....وين حلقتج
....ماادري
...شلون متدرين بله اذا سئلج سيف شدكوليله والله العظيم
اذا معافج فديوم الاطلع اني كلشي ماافتهم
....لاتفتهمين وعافني والحمدلله خلصت منه
.....ولج مصخمه شدتحجين
...الي سمعتي بعد ماعندي شي يربطني بسيف خلصت القصه
....عزة العزاج احجي شصار
....هو هسه فد شويه راح يجي ونحجي عود
.....احجي هسه
....ماااحجي شي وهو كلي لتحجين
...فدوة شكد اسمعين كلامه مو لو سمعين كلامه وتحترمي
مجان وصلتي لهيج مرحله
بس شحجي بعد وياج راح تخلينه بحلك العالم فوك كل هالقهر
راح تخسرين انسان يحبج بصدق
.... اي افضل هيج خلي نخلص من هاي السالفه
....والله انتي ,,,,,وسكتت ماكملت وكالتلي بكيفج
بس راح اذكرج شلون راح تتندمين وهوايه وتاليتج تبقين
بس بالحسرة
اني راح انزل جوة ومراح اكول لاابوج انتو عود تفاهمووً
بينكم اني مالي دخل بيكم
.....اي براحتج
ولمن نزلت امي كمشت التلفون وكعدت اكلب بي وشفت
النت بتلفوني مسدود وفتحته وجانت اجايتني رسائل على الفايبر
لان البارحه من تعاركت بالليل ويا سيف سديت النت والتلفون
بس الصبح لمن فتحت التلفون مافتحت النت
ومفتحته بعد بس هسه شفت رسائل واصلتني من سيف
اول رساله كاتبلي
(اني كمت اضوج من برودج واهمالج المستمر الي )
الرساله الثانيه كاتب
(انتي ليش تستغلين حبي ليش دورات احسج تحبين ضعفي
وياج حتى من عرفتي اني نفقدت ومن رجعت للبيت مشفت الهفه
بعينج حسيت نفسي شي اعتيادي بالنسبه الج
طلب منج دكوليلي احبك حتى اشعر بيها بس
للاسف ماحسيت بشي مالمستي روحي )
واخر مسج واصلني من سيف كان شعر مكتوب بي
(لاتجرحيني ان كنتي غير قادرة على دوائي
لاتعشقيني كذب لاتوذيني لاان انا لم اوذيك يوم
لاتستغلي شوقي اليك ان لم تكوني تحبيني لاتوعديني
ان لم يكن قلبك لي يكفي ان تقوليلي
بااسم الهوى ارحميني وارحمي وقلبي
وانيني)
وداز صورة قديمه اني وياة بالصورة جنت صغيرة وهو هم
وكاتب (يليتنا نعود الي من حيث توقفنا)
لمن قريت كلمات سيف حسيت بوجع فضيع حسيت
بألم حسيت بفراغ متوقعت انو فد يوم كلام سيف
يااثر بيه بهذا الشكل
وكلت لنفسي
معقوله اني هيج جنت اتصرف ويا سيف بحقارة واني
مجنت محاسه على نفسي
لو شنو ليش فجاءه تغير اني اعرف سيف يحبني ومتاكدة
من هذا الشي بس شنو الي تغير
وظليت افكر واحجي ويا نفسي وبعدين
نمت وكعدت العصر على دكت الباب جان اخويه كلي
....يله كومي سيف جوة جنج مسويه مصيبه
....يله هسه انزل
كمت كعدت ورحت على المرايه مشطت شعري وبدلت ملابسي
لبست جينز وبدي
ونزلت شفت بابا واكف وجان مبين عليه صاير عصبي
واشرلي انو ادخل للصاله
ودخلت اني ووجان سيف كاعد
سلمت عليه مجاوبني اشرلي اكعد
كعدت وكلي
.....اني حجيت ويا عمو وفهمته انو احنا اتفقنا اني وياج
وماتكلمت عن اي سبب وانتي ايضا راح تحجين نفس الكلام
وديكوم وكتله سيف
.....خلي احجي وياك
وكمت من مكاني ورحت كعدت بصفه
....مابيني وبينج كلام خلص ريمان انتي
يادوب جنتي
خطيبتي وهسه راح تكونين بت عمي وبس افهمي هذا الكلام
وبعد لتحجين بي
.وكام وطلع من البيت
اول مرة احس سيف غريب عني ومااعرفه متصورت انو
هو واصل لهاي المرحله
مجان يباوع عليه ولااتاثر ابدا من جنت بقربه
فجاءه صار عبالك صخرة
ومااعرف ليش اني هسه مهتمه وشعوري مابين الرغبه وعدم الرغبه
بس الشعور الوحيد الي متاكدة منه هو الفراغ بس
مااعرف شنو سببه هل بسبب سيف ام بسبب تعودي
على سيف
يتبع ...
