البارت الحادي عشرررر
.....سيف ليش دائما تحاول تتقرب من عندي ليش كلي
باوع بعيوني
.....لان شعور القرب يمج يخليني دورات احس انو اني بعدني اتنفس
....انتي تحبني بعدك
.....ماحبيت غيرج ولاخليتي مكان بكلبي انو احب وحدة بعدج
ابتسمت وعيوني لمعت
....بس هسه كرهتج
....الي يحب ميعرف يكره
.....بالعكس الي يجب وينجرح وكلبه ينجوي بنار الحب يكره
.....تذكر من جنت ادكلي على كولت رائد جورج
حالي من بعدج يكون بس هم وسكون
....اي صحيح
..... ويكول ياما كلتي شلون انسى وانتي نسيتي
وتالي عفتيني بجروحي
....اني مانسيت انت الي رحت وزوجت ونسيتني
.....انتي نسيتي حبي الج زمان
....انت متحبها ليش ازوجتها
....منو كلج مااحبها
.....اني اكلك بدون مااحد يكلي مبين
.....بعدج مغرورة وبعدج تعتقدين انو الدنيا تفتر بس عليج
...لا تغيرت هوايه
....لا بعدج مثل ماانتي
تصبحين على خير ريمان
وجان يمشي وبعدها وكف وندار عليه كلي
....ريمان بعدة صوتج حلووو مثل قبل
......اي بعدة بس بي حزن
نزل راسه وباوع على الحلقه الي بيدة وكام يلعب بيها
وهو مدنك كلي
.....جنت اتمنى من نزوج تخلين راسج على صدري وتغنين
الي
بس عرفت انو الاحلام تبقى احلام ومتتحقق والواقع
دائما يبين الناس والجانب السىء بيهم
والطفوله بينا لازم في يوم ما تموت ومشى سيف وكتله بصوت ناصي
....احبك
وكف بس مندار عليه وبعدها كمل طريقه
بدون ميحجي شي
من بعد كل كلام يصير بينا سيف يعوفني ويروح لمرته وينام بحضنها حتى اذا محتاج احد يهون عليه فمراح اكون اني
راح يحتاج حضن دافي يذب بي همومه واكيد مراح اكون اني
للاسف موبيدنا انو منحب موبيدنا انو منسيطر على مشاعرنا
موبيدنا نتحكم بنفسنا كلشي بينا نكدر نسيطر عليه الا قلبنه
هو الي يسيطر علينا
هو شافني حلم طفوله وكبر وياة الحلم بحبي
بس احنا منبقى اطفال احنا نتغير ومشاعرنا تتغير
صحيح جرحت سيف واذيته يس عمري ماكرهته
وعمري مافكرت أذي لان الشخص الوحيد الي منفكر ناذي
هو الانسان الي نحبه
مثل كل ليلة اكضيها وخاطري مكسور ودمعتي محبوسة بسجن عيني هاي الليله هم كانت هيج مر الليل
وثاني يوم طلعنه الصبح بس اني كنت كلش مالي واهس وتعبانه وضايجه والكل سئلوني وحسو بيه وطلعت عذر انو مريضه
وراسي يوجعني وكان الوحيد الي نظراته ادل على الشك بكلامي هو سيف
وامي الي جانت تحس بيه بلامتحجي
ويايه
وهنا ممكن نكول
دائما الصدف تلعب دور بهوايه امور ومنها الي صار اليوم
من بعد سفر سيف بكم يوم آجى تقدم لخطوبتي ابن صديق والدي اسمه سامي ولكن بوقتها اني رفضت بحجت انو اريد اخلص دراسه وماااريد ازوج حاليا
وبعد فترة سمعت انوصديق والدي اخذ عائلته وخلص كل امورة بغداد واجى عاش بشمال العراق حسب قول والدي يبحث عن الامان ولمن اجينا هسه للشمال والدي اتصل بصديقه وعزمه هو وعائلته على الغدة والرجال قبل العزيمه واجى
هو وزوجته وابنه
واول مااجوي والدي كام استقبلهم باوعت على سيف تغيرت ملامحه وضاج اظاهر يعرف انو ابن صديق والدي خطبني من قبل
كلت بكلبي زين خلي شويه العب بااعصابه قابل بس هو يلعب بااعصابي ويدمر نفسيتي
كمت وكفت كدام سيف وعدلت ملابسي وكلت لمريم بصوت عالي
.....اروح اخلي حمرة وغمزتلها
هو ضاج وجه صار احمر ودفع الكرسي ليورة وظل يطكط على الميز بصوت عالي
بحيث زوجته سئلته ليش ضايج
كال
....مابيه شي
وكمت من يمهم ورحت للحمام خليت حمرة ورجعت كلت لمريم
....لعد وين اهلي والناس
....كعدو ليجوة
...ها اوكي اروح يمهم من رخصتكم
ونزلت وتمشيت على كيفي وصلت يم ضيوف والدي وسلمت عليهم
وكعدت وظلو يسئلون على انو ليش متوظفتي
وسوالف بس سامي جان كلش معجب بيه بحيث من اول ماكعدت
لحد هسه هو يباوع عليه ماشال عينه
واني بكوة متحملته
ورة شويه حسيت واحد خله يدة على ظهري من جوة
وكرصني قوي ردت اعيط بس استحيت وكمت اكحكح
ونداريت شفت سيف واكف ورة الكرسي مالي ورفعلي حواجبه
وكال
....السلام عليكم
وردو عليه كلهم
.....وعليكم السلام
بابا كله تعال سيوفي اكعد اكيد انت تعرف ابو سامي وسامي
من انتو اصغار جنتو تلعبون سوه انت وسامي
....اي عمو اكيد اعرفه
وباوع على سامي كله
.....شلونك سامي
.......سامي يعرف انو سيف جان خطيبي سابقا
فجان يباوعله بنظرات غريبه
كله لسيف
.....الحمدلله انت شلونك
.....تمام بخير
وباوعلي وابتسملي ابتسامه رقيقه وكاانما جان ديريد يكول لسامي انو ريمان بعدها مالتي
وسامي هم كل شويه يباوعلي ويضحك
واني بينهم كاعدة وبابا جان مشغول يحجي وياصديقه
وماما ويازوجته صديق بابا
واني بين سامي وسيف
وخايفه لاصير مشكله لان جان بينهم نظرات ناريه كلبي
راد يوكف
....اي سيف كالو ازوجت
باوعله سيف
....اي ازوجت يم الي الك
....ان شاءالله عن قريب
....لازم لكيت عروسه
.....اي والله شلون عروسه خلقه واخلاق وعائله
باوع عليه سيف
.....الله يوفقك اعرفها لا
....ان شاءالله رح تعرفها
وجان سيف يمد رجله من جوة الميز وضرب رجلي اني جفلت فتحركت
جان يكلي
....ها ريمان تريدين تروحين للحمام
......لا
جان يخنزر عليه
.....عبالي تريدين تروحين
وظل الكلام الي بين سيف وسامر بسامير واحد يذب حجايه للثاني
واني كل شويه ابتسم خفت لا يتعاركون ويكلون تعاركو من ورة
ريمان وصير حجايه عيب فجنت احاول الطف الجو
بس ردت سيف يكوم يروح يم مرته بس طول مااني كاعدة
هو مراح يكوم وراح يظل كاعد
اترخصت من سامي وكمت وسيف هم كام ويايه ومن كام
كله لسامي
...عود مر بينا لتكطع وضحكلي
ومشينا اني وياة ورجعنه يم بيت عمي كعدنا
وهو كعد بنصي وبنص مرته يعني اني جنت كاعدة من هاي الصفحه
وهي جانت كاعدة من هاي الصفحه وهو بالنص
بس مرته صدك متستحي كل شويه وكامشته
وتمد يدها وتكمش يدة وكل شويه شاورة عبالك
متقصدة دضوجني
وهو جان يضحكلها كمت وخرت من يمهم ومناك واجى بابا وبيت صديقه وكعدنا كلنه على ميز جبير وسامي كعد بصفي
وكل شويه وحاجي حجايه واني ابتسم بس الولد كان كلامه
جدا محترم ومجاوز بس هو كان معجب بيه
وجان يتصرف ويايه بشكل طبيعي
بس سيف جان ديتكلب على نار هاديه
يتبع .....
#الكاتبه #روجمان
