البارت الرابع
دورات نشعر باانو احنا نريد شي ونملك شي اخر اني من اول
لحظه حسيت انو الى انتهي بيني وبين سيف
كاانما ولدت عاصفه بداخلي حسيت انو راح شي مني
شي مالتي شي كان دائما موجود يمي دائما كان كدامي
شنو الي ديصير ويايه مااعرف وحسيت اكو دموع بعيوني
بس مااعرف شنو سببها وحسيت نفسي مخنوكه وكمت طلعت بالحديقه وكعدت وشفت بابا آجي كعد كدامي وظل يباوع
عليه
كلي
.....شبيج ضايجه مو هذا الي جنتي تريدي ليش ضايجه
دنكت راسي ومجاوبت وحسيت دموعي جانت تنزل بهدوء
....ليش ريمان سيف يحبج اني متاكد من هذا الشي
شنو السبب كوليلي
.....ماكو سبب
....اني اعترف بوقت ماخطبج سيف اني اصريت عليج
وقنعتج بي وهذا غلطي
بس كنت اقنع نفسي انج راح تشوفين الشغلات الجيدة
بسيف وراح تحبي بس مانجحت اني بهاي المهمه
....اني اسفه بابا
...على شنو ريمان اسفه الي صار صار خلص
من هاليوم موضوع الخطوبه صفحه وانغلق وراح يبقى
سيف ابن عمج وراح اكلج شي اني مااكدر اقاطع اخويه
وهو هم فعودي نفسج على انج يمكن اتصادفين
سيف اتصرفي بشكل طبيعي
....حاضر بابا الي تريدة يصير
.... الي اريدة ماصار
وعافني ودخل جوة وسمعت صوت اخويه مهند
شافني كاعدة اجى عليه طبعا مهند كلش يحبني وعلاقتي بي مختلفه
مااحسه اخويه احسه صديقي
من شافني اجى جرني من شعري وضحك ,,,كلي،،،،،
....شبيج ضايجه
...مابيه شي
...علمود سيف ضايجه
....لا مضايجه
......اكيد ريمان
...اي
ريمان رفعي راسج شو
ولمن رفعت راسي كلي
....ليش عيونج مليانه دموع
....لا هيج شويه ضايجه ماكو شي مهم
....تريديني اروح احجي وياسيف
....لااخويه عوفه خلص خلي يروح يشوف دربه
....ماادري شكلج بس ترة سيف يحبج وكلنا نعرف هذا الشي
....الله وياة ويسعدة
تعاي يمي ورحت كعدت بصفه وكلي
....لتبجين اختي ام المشاكل اني موجود
باوعت عليه ودموعي كامت تنزل بسرعه وحضنت اخويه
وغمضت عيني وحسيت بوجع
ماادري ليش هيج اني ابجي وضايجه
وبعدها دخلت اني واخويه وتعشينه بس مكنت اشتهي بس حاولت ابين كدام اهلي انو اني كلش طبيعيه وبعدها صعدت للغرفتي واتصلت نور وحجيت وياها
وبعدها نمت ومن نمت لحد ماكعدت احلم
وحلم ورة حلم ومر فترة على انفصالي عن سيف
وبدت فترة بحياتي مختلفه حياة مابيها سيف
مابيها واحد يجي ياخذني الصبح قبل ميروح للدوام
وبعدها ينتظرني اطلع من للدوام حتى يرجعني للبيت
حياة مابيها احد يهتملي مثل سيف ويعرف كل الي اريدة
بدون مااكول حياه خاليه من اسم سيف
ولكن حياتي هيجي هيجي ماشيه
واليوم عمي اتصل على والدي وعزمنه على العشه. وذلك حتى
ليكون اكو مشكله بين والدي وعمي
والدي قبل واكيد جبرنه كلنا نروح حتى لايصير حجي
واني اضطريت اروح وفعلا رحت ويااهلي
مجان سيف موجود وبعد ماكعدنه وكملنه العشه
سمعت صوت سيف دخل مباوع عليه ابد
واجى وسلم على اهلي
وكعد كدامي بس مجان يخلي عينه بعيني كلما اندار عليه يدير وجه
واني ظليت ساكته وكاعدة مااحجي شي
وبعدها صارت فرصه انو احجي ويا سيف لان عمي والدي كامو طلعو لان صديق عمو اجى عليهم وبقت ماما
ومرت عمي وهمين شويه وراحو للمطبخ
وظليت اني وسيف كاعدين باوعت عليه طلع الباكيت مال جكاير
وشعل جكارة وبدة يشرب ويا كل نفخت دخان
يجر حسرة كتله
.....انت متشرب جكاير
باوع عليه ومجاوبني
....سيف داحجي وياك جاوبني
....شتريدين ريمان
...انت متشرب جكاير ليش هسه كاعد تشرب
موزين عليك
.....ههههه ليش تهمج صحتي
....اي اكيد تهمني
.....ليش
....لاانك ........وسكتت
....لااني شنو
....ابن عمي
......انتي كلتيها ابن عمج
....ليش هيج تغيرت سيف
....لان هوايه انطيت واني مااخذت فقررت انو اصير اناني
اعيش لنفسي شويه
....مصورت فديوم هيجي راح نوصل لهل المكان
كام وكف واني هم وكفت
....سيف اكعد رجاءا خلي نحجي
ومشيت وكفت يمه
......ريمان كافي اني كتلج خلص بعد ماكوشي بينا
.....سيف. رجاءا
وخليت ايدي على يدة شفته غمض عينه وجر حسرة
.....تعرفين شكد احبج
اني سكتت
....متعرفين شكد احبج موصحيح لان مجربتي فديوم تفكرين
بيه اعتبرتيني موجود وشسوين اني راضي
بس بكد حبي الج كرهتج
....مداصدكك
....انتي ليش تريد تعذبيني ليش دتحسسيني انو
تحبيني انتي شنو انتي ماعندج احساس
جنت بقربج ويمج واتنفسج وجنتي متهتميلي
وجرحيني واني اسكت لخاطر حبج وهسه من بعد
ماعفتج رجعتي تخليني اتوجع رجعتي تحسسيني
انو انتي تحبيني شنو انتي شنو هلاانانيه الي عندج
ريمان كافي
مكدرت اجاوبه عفته ورحت كعدت لان حسيت مداكدر اوكف بعد
ولمن كعدت هو هم كعد
كلي
....راح اسافر لان ماانكر انو وجودج مدينطيني الفرصه اتغير
لان حياتي كانت متوقفه عليح وهسه لا
لهذا السبب راح ابتعد اريد احب وانحب اريد اعيش
اريد وحدة تشوفني بس اني وحدة تحس بيه وحدة
احبها وأكون وياها عائله واريد انساج
واطلعج نهائيا من حياتي واني اوعدج من بعد مااسافر وارجع
مراح تعرفيني راح اتغير كليا
....اني اسفه سيف
....الله الاميرة ريمان تتنازل ودكول اني اسفه شلون نزلتي من
برجج العالي
بس للاسف ميفيد الاعتذار بعد صعب من نحب انسان
وبعدين نكتشف حقيقته
....سيف
....كافي سيف سيف سيف لصيحين اسمي
....ليش
.....ريمان كافي كتلج اني راح اسافر بعد باجر
.....بس مراح تنساني اني متاكدة انت دتخدع نفسك
....انتي وحدة حقيرة
......لاموحقيرة بس اعرفك زين
.....طلعتي كلشي متعرفين
......اعرفك الك واعرف انو شلون وجودي بقربك يخليك
ضعيف
باوع عليه بنظرات احتقار
...اني شلون وكفت عمري علمود وحدة مثلج
ماعدها احساس وبلامشاعر بس راح اخليج
تندمين على هذا كلامج
وكام وكف وباوع عليه وكلي
......لتخافين راح احب وازوج واعيش حياتي وانتي
اذا كدرتي عود سويلج حياة ولو اني مااعتقد دكدرين
يتبع ....
