البارت الخامس عشررررررررر
اول ماصعدت لغرفتي نزعت بدلتي وفتحت تسريحتي وظليت
امسح بمكياجي بقوة وكنت اتمنى لو اشلع هذا وجهي واصير بغير وجه او اشلع كلبي او اخلي غير قلب
تلفون دك وجان سامي سويت التلفون صامت ومجاوبته
وظليت كاعدة وافكر وبعدها بشويه نزلت جوة
وجنت دامشي على كيفي ولمن وصلت لنص الدرج سمعت صوت امي تحجي ويااخويه مهند وكان صوتهم واضح وجانت ادكله
.....ريمان مو فرحانه وكلبها ديحترك اليوم اجى سيف
وشافته وجانت دتموت
....هو ليش رجع موجان مسافر
.....والله مااعرف ياابني بس هو هم ديتعذب ماااعرف شنو هالحب والشلعان قلب هو زوج وهي ازوجت وخلص بعد شكو
....انتي تعرفين شنو انسان من فتحتي عينج على الدنيا هو الج والكل يكلون فلان يزوج فلانه تعرفين شنو تكبرين وهذا الشخص يكبر وياج اني داشوف ريمان دتموت ومابيدنا شي
يمه ترة ريمان اذا زوجت هذا سامي تموت
....شنسوي يااابني اشو اثنينهم راكبين راسهم هي مدنك راسها اله وهو يكللها جرحتي رجولتي والسالفه صارت سالفت كرامه
ومنا راح ازوج
....اي وانتو اجيتو دتكحلوها عميتًوها يعني مدتحسون انتي وابويه بعذاب بتكم
....ياابني غير نريد سعادتها وراحتها
...شنو سعادتها تعالجون جرح بجرح اكبر تصلحون غلط بغلط اكبر ابويه مفكر بسرعه راح خابر وسوا الخطوبه وحتى مكلتولي
لان تعرفون جان ماقبلت وظليت احجي
شكللكم بعد سويتي مصيبه انتو وهسه بعد منكدر نحجي
صارت مرت هذا سامي الهبل
....يمه سامي خوش ولد
....شنوالفائدة اذا متحبه واذا مامقتنعه بي واني هذا سامي ماارتاحله ابد
اني راح اروح احجي ويا سيف لان ماااكدر اوكف واباوع
هاي المهزله كدامي
.....بعد شنكدر نسوي خلص ازوجت عوف السالفه خلي تمشي
والناس دكوم تحجي علينه وحتى اخوك الجبير من كلتله كال لادربالكم تخربطون الزواجه ونصير بحلك العالم
....صدك ماعدكم احساس واخويه الجبير واحد اناني عايش لمرته ولجهاله لسمعين كلامه لظلين بكلشي مدخلته اشو من نحتاجه ميجي بس من يعرف حاجه ضد مصلحته يطلع لسانه
...يمه قابل ميحب اخته
...لاميحب احد بس نفسه وجهاله وبيته وانتي صوجج ظليتي
تكبرين براسه علينه بعد لدخلي بحاجه وريمان بعد محد الا دخل
بيها ياناس حسو اني لو اعرف مسويه علاقه ويا واحد وتحبه جان موتتها بس هذا سيف ابن عمنه وهذوله بينهم حب طفوله
وسيف نعرف شنو اخلاقه وشلون جان محافظ عليها
جنت اسمع الحجي وبعدين نزلت ورحت يمهم جان مظهري
وبجامتي الطويله والجبيرة عليه وشعري المفتوح واثار المكياج الي على وجهي عبالك طفله ضايعه
وبدون اي كلام رحت على اخويه وحضنته
كلي
....ولج ياغبيه ليش هيج اسوين
باوعي وجهج عبالك ميته وتالي ويا المزعطه مالتكم شنو هالمكابرة
ترة ماكو هيج حب بس اذيه وجع كلب
بس باعيني شتريدين كوليلي
....مااريد شي
....شفتي وين وصلج اعنادج
اجى بابا جان يشوفني ابجي
....شكو هنا شصاير
اشرلي مهند اسكت
.....يابا ترة هذا الزواج غلط
.....يازوج
....زواج ريمان وهذا سامي
.....ولك شنو الغلط الي بي ها احنا ماجبرنها هي اجتي
كالت اني موافقه وكتلها متاكدة وكالت اي بعد شكو
لو هو لعب جهال كل شويه بحجايه
سدو هذا الموضوع وانتي باعيني كافي عد راح تزوجين
سامي وكافي انتي تلعبين بينه يوم سيف مااريدة خلي
يروح خلصت منه وبعدين سامي اريدة وبعدين مااريدة
شنو تلعبين بينه وكاعدة تبجين النهار كله
.....يابا انت المفروض تعرف هي دتتهرب من شي بشي
...من شنو تتهرب ها كلي
....يابه تعرف انت لتسوي نفسج متعرف بنتك
...شوف اكلك انت لاتدخل وتقويها خلص
هي صارت مرت سامي واي تفكير بغير موضوع وشخص
مامقبول اني هوايه انطيتها فرص كافي بعد ماااريد حجي
زايد
...يابه الله يخليك ترة خطيه
......اسكت كتلك ولتفتح حلكك بعد كافي تريدون دكصرون لساني ويا العالم
....بس ترة يابه غلط الي دسوي
....معاجبك اسلوبي اطلع من البيت وروح انت عيش براحتك
.... انت مقتنع بتصرفك هي موبيع هذا زواج ليش دسوي هيج من اجتي كلتلك موافقة المفروض متقبل لان تعرف جرحها
ومن شوكت يابه بديت متحس بينا جنت تعرفنه من عيونه شبينا
لو ماانت جنت دائما ادكلي هاي اختك امانه يمك اختك حبها اكثر من نفسك ودائما دافع عنها ومن تحتاجك انت يمها
ومن تغلط صحح غلطها دائما وكون سندها اني داشوفها دتتعذب
.... تغيرت من يوم ماخلتني بموقف محلو ويا اخويه وخسرت سيف الي مو يحبها يعبدها وبعدين كامت تحبه ولك حتى عيب نكعد اني وياك نحجي بهذا الموضوع ولك شتريد اكول بنتي تحب
ولك مواني ندمرت من ورة هاي اختك فشلتني وهسه كلهم عرفو بموضوعنه تعرف اخويه شكلي كلي ترة سيف مزوج وصعب يترك زوجته وطول ما ريمان كدامه هو مديكدر يحب زوجته
صرت بنص هدومي ماعرفت شجاوبه
....الله يخليك يابا فدوة لعمرك لزوجها لسامي هاي متفتهم
ترة بعدين متكدر تعيش وياه وتطلك
....موعلى كيفكم راح تزوج وحجايه بعد ماااسمع
اني هوايه نطيتج فرص ودست على نفسي علمودج
بعد مامستعد انطيج فرصه بعد نعدلي وصيري ادميه
وزوجي سامي
وسامي يحبج وخوش ولد وشاريج
سمعتيني زين ولظلين اسوين مشاكل
سمعتيني جاوبي
.....اي بابا
وجنت ابجي
وجان مهند يكول لوالدي
....بس انت المسؤول عن تعاستها وانت الغلطت من البدايه
من يوم ماجبرتها تنخطب لسيف وهي مجانت هلكد تريدة
من كامت تريدة مدخلت وصححت شي ظليت تتفرج
ومنعتني ادخل وهسه تكرر نفس الغلط
انت الملام
وطلع اخويه من البيت واني صعدت بسرعه لغرفتي
وسمعت صوت والدي يعيط ويكول لاامي
جهالج راح يموتوني
واني نمت وتغطيت وظليت ابجي جوة الغطه مثل الطفل من يعاقبو
ويدخل جوة البطانيه مالته ويبجي
نمت من التعب والحزن وكعدت الصبح جانت عيوني مورمه
ونزلت دخلت للمطبخ والدي والدتي جانو كاعدين يتريكون
كلت صباح الخير
والدي مارد عليه وكام وطلع للحديقه
امي كالتلي
....تعاي كعدي تريكي
رحت كعدت بس شربت جاي مجنت اشتهي
كالتلي امي
.... باعي عيونج شلون مورمه عبالك مضروبه
...اي شسوي هسه شويه وتصير احسن
.....اخر مرة راح اسئلج وجاوبيني بكل صراحه وبلا كذب
حتى اعرف اصرف انتي تريدين سيف لو تريدين
تزوجين سامي
....سكتت
....احجي المن تريدين مواحنا صارنا بالسنتين حياتنا مكلوبه
من وراج احجي لظلين تكذبين علينه وعلى نفسج
....اريد سيف
.....غبيه لعد ليش قبلتي بسامي ودخلتينه هسه بسالفه
شلون راح نخلص من هاي الورطه وشلون راح احجي وياسيف وهو مزوج
اوف منج شسويتي بينه صدك البنيه بس قهر متريح اهلها
....عندج رقم سيف
...لا بس مريم عدها
...دخابريها لان علااساس هو اجاي بشغل كم يوم ويرجع
حتى فد شويه من يطلع ابوج اخلي يمرلي
خابرت على مريم وطلبت رقم سيف منها وكتلها لدكولين لااي احد ولمن دزته مريم دكيت عليه وانطيت التلفون لاامي وراحت فوك تحجي ويا حتى لايسمعها والدي ورة شويه جتي
كالت شويه ويجي كتله علما يطلع عمك وتعال
.....يعني كال اجي
.....اي وشبيج الروح هيج ردتلج بسرعه
....لا عادي
وانتظرنه بابا يطلع بفارغ الصبر وصدك ورة ماطلع والدي بنص ساعه اكثر سمعنه صوت سيارة كامت ماما راحت فتحت الباب
واني جنت كاعدة وكلبي كام يدك يس حسيت بخطواته
وشميت عطرة بالهوى
دخل وكال
....صباح الخير
...صباح الخيرات
ماما كالتله
...اكعد سيوفي اي شلونك شخبارك
...عايش
.....سمعت راح اسافر
....اي بعد كم يوم
وجان يحجي ويباوع عليه
.....سيف باع راح اكلك شي واني اعرف انت وريمان راسكم
يابس وكاعدين تكابرون كلش ويوميه دسون بينكم فجوة اكبر
يعني اني هسه بموقف لايحسد عليه بنتي المفروض بعد كم يوم تزوج بس داشوفها اخذت قرار طايش وممدروس ومداكدر
اشوفها كدامي ذبلانه
فقررت ادخل ومهما كان الثمن
..مرت عمي وين تريدين توصلين
....شوف سيف انت تحب ريمان لولا
....باوع عليه
....عندج شك بهذا الشي
.....اذا تريد الصدك لاوالله اشك بنفسي وماااشك بحبك الها لان اعرف من انت اصغير تحبها اني مربيتك سيف واعرفك شنو انت
وهي هم تحبك اذن لازم تنهون هاي المسأله وهسه حتى اعرف شلون اصرف
....البارحه مهند هم اجاني وحجه ويايه
....اي سودة عليه كلبه صاير دم على اخته تعرف مهند شلون
يحب ريمان ويخاف عليها
...اي اعرف
.....لعد شنو الحل هسه كلي ابني حتى نلحك قبل ميمشي الوقت
....شتريدني اسوي
....انت تريد تزوج ريمان
....اي اكيد بس بعد ميرهم
....ليش ميرهم ماكو شي منكدر نسوي كلشي بالارادة والقوة
يصير بس انتو بطلو عنادكم
...اني استسلمت بعد مداكدر اتحمل وجع ثاني لهذا السبب
بعد ماااعاند
....ريمان
....نعم ماما
...سمعتي الحجي
....اي سمعت
....زين لعد اني احجي ويا سامي وامه واشوف ابوج شلون اقنعة بعد واشوف هاي المصيبه شلون راح تخلص
سيف زين مرتك شلون
....لا مرتي خلص كلشي وياها ماعاد الها وجود بحياتي
..... زين لعد تحاجو انتو بينكم واتفقووو واني اروح اخابر مهند
باوع عليه وابتسملي
......شبيها عينج جنتي تبجين
....اي
....اني احبج وتعبت اصدج وتعبت اكلج ماااسامحج
لان مااكدر
......اني جنت ابتسم
والدنيا مدتكفي فرحي وسعادتي بمجرد ماحسيت اكو امل انو اكون
وياسيف نسيت كلشي نسيت زواجه ونسيت سامي ونسيت حتى زعل والدي
....سيف
.....شنو ريمان
.....تتصور راح نزوج ومرح صادفنه مشاكل
.....مااادري
...عابت دفرحني كلي اي كلشي راح يصير تمام
....ضحك ان شاءالله راح يكون كلشي مثل منريد
بس جسمي كله يرجف من اذكر انتي نخطبتي لهذاك الغبي
سامي
....اني هم كلبي يشتعل بنار من اذكر انت جنت مزوج
بس سيف انت ظلمتها لزوجتك واني هم خربت حياتها وياك
....هي تعرف اني ماااحبها وتعرف احب غير وحدة
....اي قصدك حبيبتك الميتة
....هههه اني ماكلتلها ميته وهذا دليل على انو هي تعرف بيه احبج وحاولت تبين الج انج انتي ميته بنظري
....بس هي كالت بينكم حب
....تعرفين كمت اكللها احبج شوكت
...شوكت
....من شفتج كمت اريد اضوجج لهذا السبب هم هي اتاكدت اكثر انو
انتي الي احبج وكامت تتاكد يوم بعد يوم
صحيح هي تحبني بس اني ماكدرت احبها وضحت لها هذا الشي من البدايه بس هي رفضت تقتنع
...ليش ازوجتها لعد
...جنت مجروح وحيد ردت اشعر انو اكو نفس ويايه
بس مكان اكو شي مشترك بينا
....ها
....ههههه شو ممصدكه اعرف وين راح بالج
...اي لعد شلون دكول ماكو شي مشترك بينكم
....ههههه مو كل شعور شعور
...اي
....صدكيني
....اي اصدكك امري لله
.....اني جنت اتخايلج بيها
....اني خجلت وابتسمت
.....البارحه حجيت ويا اخوج مهند صار فجأه أمل عندي
وكاانما نولدت من جديد واليوم من خابرتني امج هذا الامل زاد
وهسه مداستوعب بعدني اخاف انتي سراب واني من كثر حبي الج كمت اتخيل
احبج وعلى كولت كاظم الساهر(( انتي امراة لااحسبها
بالساعات والايام انتي امراة تسكن جسدي قبل ملاين الاعوام
انتي امراة صنعت من فاكهه الحب وذهب الاحلام)))
...جنت اضحك من كل كلبي
وجنت فرحانه ومجنت مصدكه الي صار تصورته حلم لان معقوله هيج الدنيا راح تضحكلنا فجأة وتنحل كل الامور بدون
تعقيد معقوله فرحتي راح تكمل
هذا جان تفكيري يس للاسف دائما كلبي جان يكلي
ماكو شي يكمل ويكون سعيد وحلو للنهايه لان عمري مااجاني شي بهيج سهوله
والي. صار اليوم مامتوقع
وياريت لو فرحتي كملانه .
يتبع .....
