البارت العاشر
....شنو شكلت
.....كلت خلي نروح قبل ماافكر اخذ منجً هوايه امور اني مماخذها من قبل مثلا احضنج
.....شدتحجي انت
....استغربتي مني لويش
....انت هوايه متغير سيف
....اكيد يابنت عمي متعير لو نسيتي اني رجال مزوج
وغمزلي
.....يله تعاي دروح وجرني من يدي وعبرني الشارع
وجان كامش يدي وحسيت لمسته وقربه مني عافيه اني فاقدتها
وغيري متهني بيها
وصلنه يم اهلي وبيت عمو ورجعنه للفندق لان اليوم جان كلش
طويل ومتعب
ولمن وصلنه للفندق اتصل عليه صديقتي نور بس مجنت
اكدر احجي شي لان والدي والدتي ويايه بالغرفه فسويت
عود الانترنيت ديكطع وكتله لوالدي
.....بابا راح انزل جوة احجي ويانور لان هنا الانترنيت كلش ضعيف بس احجي وياها واصعد
....انزل وياج
....لابابا هسه شويه واصعد
..يله بس لتتاخرين
وكمت نزلت جوة وكعدت ودكيت على نور شو مجاوبت
كتبلتها وينج مو اني جوة نزلت حتى احجي وياج جاوبي
وسمعت صوت بعصبيه يحجي
....هاي شدسوين هنا
....شفت سيف وجانت هدومه مخربطه وعبالك نازل مستعجل
....داخابر
...انتي مخبله
.....ليش تحجي هيج ويايه
....ولج اني عبالي بيج شي ونزلتي بهالليل جوة
طلعتي دتخابرين
...وانت شعليك
....ليش مخابرتي فوك
.....ماكو نت
....كذابه هسه جنت قبل شويه داحجي بالنت
.....ويامن تحجين ونزلتي هنا
.....وانت شنو دخلك بيه والله حلوة هاي هسه اني اكلك ليش انت ومرتك بنفس الغرفه
.....هو هذا الي مضوجج وجودي ويا زوجتي بنفس الغرفه
....واني شعليه وانت معليك بيه
...موعلى كيفج انتي بت عمي ومحسوبه عليه مااريد احد يتعرضلج وعمي يدخل بمشاكل من وراج
.....لتخاف محد يتعرضلي
ودك التلفون وجانت نور واني سديته
.....ليش سديتي ليش مجاوبتي ها
....اهو وو عوفني شعليك انت ومناك الناس عيب ديباوعون علينا
.....صعدي فوك ريمان بسرعه
....ماااصعد اريد اخابر
،.....لتخليني اجرج كدام الناس صعدي فوك وبعدين راح ادكوليلي هذا منو الي يدك عليج ويريد يسمع صوتج وانتي ميته على سماع صوته
ضحكت وجتي فكرة بالي انو اضوج سيف
.....اي ماااكدر اذا مااسمع صوته
...وج سكتي احسلج
.....يعني عايف مرتك ونازل هنا شنو
.....لتخليني هسه اكوم احجي واعيط واحجي على مرتي
معليج بيها
.....وليش تحجي عليها البنيه تحبك وانت تحبها وهي اخذت مكان حبيبتك الماتت
...شنو حبيبتي الماتت
....اي
....منوكلج
.....زوجتك كالت انو انت جنت تحب وحدة بس ماتت
.....هي كلتلج هيج
....اي
.....سكت
.....سؤال بله شمدريك اني نزلت جوة شنو جنت مراقب الباب مال غرفتنا
....لا بس النفنوف الي اشتريتي صاير بغراض زوجتي واجيت اجيبه الج وابوج كلي ريمان نزلت جوة وعد اني اجيت بسرعه
.....لويش اجيت
....بكيفي
....كوليلي راح اظلين تعاندين واني تعبان اريد انام
....مترح تنام
....اي وانتي
.... أبقى احجي بالتلفون
...امشي صعدي احسلج دنيا لليل وشوفي هذا شلون يباوع عليج
....ههههه والله شكله حلو كيوت
...لاحول ولاقوة الابالله شلون راح ارتكب جريمه
.....كافي عد ريمان راح ابدي اصير عصبي لحد الان كامش اعصابي
....وانت شنو ابويه امي
...لاابن عمج اني وكافي عد ترة تعبت
....يله روح اني اصعد وراك
..امشي كدامي
ومشيت كدامه وصعدنا بالمصعد اني وياة وجان واكف بصفي
وجتفه طاخ بجتفي برغم انو اكو مكان بس كان متقصد انو
يكون بصفي
ولمن وكف المصعد ونفتحت الباب داس الدكمه مرة ثانيه
.....هاي شدسوي مووصلنه
....اي اعرف
وجان يخلي يدة وحصرني مكمت اكدر اتحرك لامنا ولامنا
جانت المسافه بينا صغيرة كلش
كلي
....ريمان
وعيونه جان بيها كلام
...نعم سيف
وعد وكف المصعدمرة ثانيه
....سيف تعبت اريد انام
عد جان يوخر من يمي
يتبع....
