البارت الخامس
....مااصور انو حياتي راح توكف عليك
....اي صحيح لانج ماعندك ذرة من الاحساس
....اني ماااسمحلك
.....اذا سمحتي ولا لا شنو يعني الي داكوله حقيقه مدكدرين تنكريها
....هذا الكلام انت دكوله
....انتي متتوقف حياتج بس اني توقفت حياتي عليج
من اني طفل شفتي الفرق بين الانسان الي يحب بصدق
والي يحب بكل جوارحه وبين الانسان الي ماعندة مشاعر
مثلج
....منوكلك ماااحبك
....صدك من شوكت اني داعوفج حبيتيني لو صار
عندج تعود انو سيف موجود بحياتج ههههه والله ضحكين بس اني جنت مخدوع بيج
جنت اشوفج احسن من كل البنات بس هسه من بديت احب من جديد عرفت انو هوايه اكو احسن منج
حسيت طعنه اجتي بكلبي من كلي بديت احب
....انت دتحب
....اي ليش لا عبالج راح اكعد ابجي من تروحين
ههههه والله صايرة اضحكيني هوايه
وعافني وراح
انصدمت من سيف كلش مجنت مصورة هو هيج كام ينظر
الي هذا الي جان مينام اذا ميسمع صوتي
وجان يكلي اني اعيش واموت باانفساج
جان يكلي عيني مشوف غيرج واذا شافت غيرج كون تعمى
عيني شلون هيج صار
خيم عليه الحزن وجنت مخنوكه ومذبوحة احساس
وبعدها اني واهلي رجعنه للبيت وماما جانت تعرف بيه ضايجه
لان حجيت ويا سيف
ولمن وصلنه للبيت صاحتني ماما ودخلتني لغرفتها
كالتلي
...شكلج سيف
...مكال شي
....احجي عد حتى اعرف شلون اصرف لان راح يسافر
الولد
...ليش شتريدين اسوين تكمشي جلبين بي دكوليله عفيه
لتعوفها تموت بدونك
...شوفي لظلين تستغبين انتي صارلج شهر متخبله مثل
الي مضيعه شي ليش عبالج مداحس بيج ولج اذا عافج
تموتين
...لاماموت اني خلصت منه
...ولج ليش تعاندين والمن تعاندين نفسج انتي ليش هيجي
ليش ياامي تسوين هيج بروحج جم مرة نبهتج وحذرتج وكتلج
هسه يعوفج بس انتي جنتي مطمئنة انو هو ميتخله عنج
وتالي عافج وراح يسافر وانتي كلبج راح يوكف
....لا ميوكف كلش عادي هوشويه وانسى كلشي
مجرد اني متعوده على وجودة وبس
....سكتي احسلج كوليلي شحجيتي وياة
...اذا حجيت ولا لا هو ممهتم وكاعد يكلي اني داحب وازوج
ومن هالكلام ويكلي ماعندج ذرة من الاحساس
.....اي والله مايلام بيج اوف هو احنا ماعدنا حظ الي يحبنا منريدة والي يشلع كلبنا نجيبه
وج هذا ابوج صار كم سنه ويايه ميكولي احبج بس بالمناسبات
ومافديوم سوالي اجواء رومانسيه
وانتي. سيف جان يوميه مسويلج شي وجايبلج شيً
بس شحجي كلبي تعب من الحجي
.....اي شسوي بعد خلي يروح يزوج
.... اوف منج ريمان والله حركتي كلبي حرك
،.....اهووو راح اصعد انام كافي ترة ضجت كل شويه وكايليلي
سيف بعد خلص راح الله وياة
...دروحي يله طلعي
وجان تدفعني وسد الباب
ظليت واكفه صفنت كلت هاي انتي هم صرتي عليه
اشو الكل كلبو عليه
ورحت نمت ومن بعدها بيومين سمعت سيف سافر راح لدبي
لان هو يشتغل مدير قسم بشركه مال اتصالات وهو طالب انو
يكون بالشركه مالتهم الي بدبي
حاولت اتعود على الوضع الجديد واسوي نفسي ممهتمه
بس سيف بالي وميروح ابد من بالي
وكمت كل فترة اسمع اخبارة لو ادخل على الصفحه مالته بالفيس
واشوف صور الي ناشرها وجان ناشر كلام وكاتب بقلمي
كلش اتاثرت وبجيت من قريته والصورة كانت صورة
للمرجوحه الي جانت بيت جدو
هاي المرجوحه لمن كنت صغير ة جان عندي ادمان على العب بيها
كلش احبها وجنت لمن العب بيها افتح شعري وجان شعري
طويل فلمن افتح شعري شعري يكوم يطير ودائما جان سيف
يدفعني ويضحك على ضحكتي
وجان يكلي بصوت طفولي وبنظرات تلمع
الله ريحت شعرج تخبل كل مرة
جان يكلي نفس الكلمه
فالصورة كانت للمرجوحه بس مكان اكو احد كاعد عليها
وكاتب عبارات هزتني جدا ولمن قريت الكلمات الي مكتوبه اذكرت
الي جان يصير لان هو كان كاتبه بتفاصيل وبكلمات رائعه
((نبعد ونغادر نحب ونحن صغار ونعتقد باان كل الذي
نريدة سوف يتحقق ولانعلم باان كل شيء يتغير
مع مرور الوقت انظر
انظر الى هذة الصورة وأتذكر تلك الفتاة الصغيرة التي كانت تجلس على تلك الأرجوحة وكانت ترتدي فستان يكون اما يكون لونه احمر او زهري وكنت دائما أنا أقف خلفها وكانت تفتح شعرها الطويل وكانت رائحته زكيه وكنت احاول أن ادفعها بقوة وكنت اضحك بصوت عالي على صوت ضحكاتها لم اكون أعرف لماذا اضحك ولكن كان يكفي أن أرى الابتسامة على وجهها ذلك كان يولد لديه شعور إن اضحك بصوت عالي وضحكات رنانه كبرت أنا وهي ايضا ولكني مازلت متعلق بذكريات طفولتي معها كبرت وأنا أحبها كبرت وكبر معي حبها كبرت وما زلت اقرأ عينيها ولكن الان ايقنت بأني لم اتغير وأنا كنت دوما احبها ولكن هي لم تعد تحبني كبرنا وتغيرنا واصبح ماضينا آخر همنا كبرنا ونسينا باان حب طفولتنا اصدق مافينا
ما زلت أحبها وما زلت اتنفس عطرها سوف يتغير ما في داخلنا وسوف نسلك طرق مختلفة ولكن سوف تبقى هي اجمل شيء في حياتي لم أنسى تلك الطفلة الصغيرة المشاكسة لأني مازلت كااني صغير ومازلت اسمع صوتها في داخلي ومازال اسمها يتردد على مسمعي احبك وهل للحب عنوان آخر وهل يتغير الزمان
وهل استطيع أن أمحي ماضي جميل وأنا دائما أود ان احتفظ بهي كصورة
صورة تحمل معاني كثيرةً رايتها وكتبت عنها
ذكريات من الماضي الجميل وحاضر أليم نعم فاانا عنها اكتب ))))
من جنت إقرا هاي الكلمات جان كلبي يدك وعيوني تدمع
وكلبي موجوع
كلماته وجعتني ولمست صميمي
يمكن لااول مرة اعترف لنفسي انو سيف يحبني هوايه
واني ماقدرت حبه
لااول مرة اعترف انو اني غبيه وماعندي عقل
وظليت بحاله من الاكتئاب
وكامت تصير عندي عادة انو كل كم يوم اذكر شي واضوج
اسمع كلمه واضوج وكل وقتي احس اني مهمومه وحزينه
دورات نحس انو احنا نخسر انفسنا ونعيش على الهامش
وهذا الي صار ويايه عايشه يومي مجنت اعتقد انو ممكن حياتنه
وسعادتنه تكون مرتبطه بشخص
واليوم بعد مارجعت من الدوام شفت البيت مخبوص وتنظيف
سئلت ماما
كالت اجايج خطابه بيت صديق ابوج ديريدوج لاابنهم
امير والولد شايفج وابوج كللهم تفضلو يمنه
...وشلون تسون هيج شي بلا مدكولولي
...والله روحي احجي وياابوح لان انتي مامنج بس المشاكل
...... اي زين
ودامشي وكالتلي
...عود حضري نفسج الناس يجون العصر
ومر الوقت وصار العصر والناس اجوي
واني عبالك عندي ميت وشايله هم
بس ماردت اخجل اهلي واستعديت وصاحتني ماما
ونزلت جوة حتى ادخل للخطابه
يتبع...
#الكاتبه #روجمان
