البارت السابع
مااعرف ليش لبست الحلقه كاانما ردتها تكون قريبه من كلبي
كاانما ردت شي يبقى ذكرى من سيف عندي
احنا كبشر كل يوم نمر بمرحله جديدة كل يوم نتغير شويه
ونتوجع اكثر مكنت مصورة انو اني راح ابجي على سيف فد يوم
بس فعلا الكلام الي كاله الي سيف
هو انو اني تعودت على وجودة لحد مافقدت الاحساس بوجودة
لحد ماشفت انو اني اذا حبيته او لا او اذا بينت مشاعري الا
لولا هو مراح يتخلى عني ميعوفني
جنت اعتقد دائما وجودة بحياتي مستمر
دائما متوفر دائما موجود حتى يسوي الي اريدة
ولمن فجأة حسيت بغيابه حسيت بقيمته
وحسيت انو اني جنت احبه طول الوقت بس مكنت احس
او مكنت اعرف اظهر مشاعري وبرودي وياة خله سيف يمل
مني ويعوفني وغيابه خلاني احبه اكثر واريدة
اكثر بس للاسف منعرف ثمن الشي الا من نفقدة
واني خلص فقدت سيف وفقدت الامل باانو يعودلي هسه
لازم اعود نفسي انو خلص بعد ماكو شي اسمه سيف
بحياتي هو زوج وصار عندة حيات واني هم لازم ازوج ويصير
عندي حياة مختلفه وقررت ادعي الاهمال والا مبالاة
حتى اكدر استمر وامشي بحياتي
وفعلا هذا الي كمت اسوي واول شي سويته كمت مااحجي بااسم سيف ومن يجي اسمه كدامي
مااهتم وبديت عادي
اتظاهر بعدم الاهتمام والحب بس اكذب لو اكول نسيته اكذب لو اكول ميجي على بالي
لان هو دائما بالي بس لازم الانسان يتعود على انو فقدان الامور
يصبح عادة
وبعد مايقارب اسبوعين على جيت سيف للعراق اتفق والدي وعمي وعمتي انو يسافرون لشمال العراق يعني سفرة.
عائليه وتغير جو اني ماقبلت اروح بس اهلي ماقبلو
ورحت وكلت لنفسي خلي اغير جو احسن من هالخنكه الي اني بيها
المهم اتفقنا على يوم السفرة وجانت تحضيرات السفرة
لان العوائل العراقيه يحيرون شيحضرون للطريق مع العلم
انو الطريق كله مطاعم وسوبر ماركتات
بس لا احنا مانقتنع بحيث والدتي حضرت الكرزات والجبس
والفات هههه وغيرها
دكولون دنسافر لدهر مو طريق ست ساعات
اوشويه ازيد طبعا احنا كنا مجموعه احنا بسيارة وبابا كان يسوق
كنت اني وياة وماما وبت عمي سارة
وسيارة مال بيت عمو جان سيف يسوق وعمي ومرته وزوجته لسيف وياهم
واخت سيف وزوجها واطفالها بسيارة
وبيت عمتي جنه مجموعه حلوة بس اني جانت فرحتي ناقصه
وتخيلت نفسي اني وسيف بسيارة وحدنا وكامش يدي وديضحك ويايه ويسولف وكل شويه يرفع حاجبه بالحركه الي معروف بيها
ولمن يضوج من شي وهو لابس مناظر ينزل المناظر ويرفع حاجبه
وبعدين يرجعها هاي الحركه مالته جانت اضحكني كلش
وجنت سارحه بخيلاتي والسيارة كمزت بينه واتاري بابا نزل
على التراب يمشي لان الطريق من كدام جان مسدود
فاالسيارات كلها نزلت على التراب
واني كومه صاير حجي واني مامنتبه وداتخيل ومن كمزت السيارة
جفلت
وظل بابا يمشي على التراب لمده نص ساعه وبعدين
مشينا على طريق عدل وصلنه يم استراحه واشر عمي انو خلي نوكف شويه ونزلنه وجان سيف بعدة
بالسيارة ونزلت زوجته وجانت لابسه بنطرون وبدي والمناظر بشعرها
والجنطه صفح
وسيف جان يخبل طبعا هو بهاي السنه وخمس اشهر كلش متغير ومطول شعرة وضعفان فشكله صاير احلى بهوايه من
قبل وحتى طريقة ملابسه متغيرة
عد نزلو الكل من السيارات مالتهم ورحنا للحمامات احنا النسوان
وبعدها رجعنه وكعدنه وزوجت سيف جانت كاعدة كدامي وشويه
وكعد سيف بصفها
وجان كل شويه يباوعلي واني جنت احاول مااباوع عليه
وادير وجهي
وسمعت الكلام الي بينه وبين زوجته وهي جانت ادكله
،.،،،،حبيبي شوكت نوصل
.... بعد اكو طريق كدامنه
....اووو حبيبي تعبت ماادري ليش برغم انو اني متعلمة على الطريق الطويل
.....يله بس نوصل نامي وارتاحي
.....حبيبي اني من يمك اكون مرتاحه
هو باوع عليه وبعدها ابتسم الها
وهو يباوع عليه ويحجي
....اني هم من انتي يمي ارتاح هوايه
واني جنت اسم الحجي وادكلب مثل السمجه الي مطلعيها من المي
هذا جان شعوري
وبعدها كلتلي زوجته لسيف
...ريمان ليش داحسج ممستمتعه
...لابالعكس كلش اعتيادي ومتونسه بس هم على كولتج
طريق طويل ومتعب
....اي صحيح بس صراحه احسج دائما حزينه
....لاموحزينه وابتسمت وصارت عيني بعين سيف
..لاحزينه مو صحيح سيف
....اي حزينه
شنو سبب حزنج بنت عمي
....ماكو سبب
....هههه عوفيها لازم محرجه تحجي
...وعلى شنو الاحراج
...انتي كولي
....اي صحيح حزينه
...على شنو
.....على نفسي
....شبيها نفسج اعرفج طول عمرج مشاعرج باردة وماتهتمين لااحد بس لنفسج
.....لا بديت اهتم
....اي استمري هيج حلو الانسان يشعر بغيره ويشعر بوجع شخص ما
......اي حسيت اشكرك على النصيحه الي نصحتنياها زمان
....ها زين مذكرة شنو جان زمان
...اي اكيد ابن عمي اذكر احنا طول عمرنا كنا اصدقاء واخوان
رفع حاجبه وجه صار احمر وسحب الكرسي وكام
زوجته ظلت تباوع عليه بااستغراب
كالتلي
....ليش احس بينكم مشكله
.....لاماكو اي مشكله احنا من اصغار سوة واحد يعرف الثاني
كلش زين
....لعد ليش هيج كام وصار عصبي فجأة
.....لا عادي احنا متعلمين واحد يداهر الثاني ويضوجه
مجرد نشاقه بينا
....عجيب سيف ميشاقه وياااحد ابد دائما ماخذ الامور
بجديه
يتبع ....
#الكاتبه #روجمان
