البارت الرابع عشرررر
.....عروسه كل البنات يفرحن من يصيرن عروسات ومجرد. كلمت العروسه تخلي عدها شعور انو هي راح تروح لحياة جديدة
تحس بسعادة بس اني حسيت نفسي انتهيت
وحسيت الحلقه الي بيدي جمرة
كلام سيف يدك بكلبي رجعت لغرفتنا ودمعتي على خدي
جنت مختنكه مجربين شعور من تحبون انسان بكل الي اتاكم من قوة وبكل ذرة بيكم ومن يبتعد تحسون الهوى واكف
ومددكدرون تتنفسون هذا جان شعوري تمنيت يرجع الزمن
بيه تمنيت ارجع مخطوبه لسيف تمنيت ارجع اشوف الاهتمام بعينه تمنيت بس شنو الفائدة الي راح عمرة ميرجع والزمن ميوكف يظل يمشي
ميوكف عليه ولاعلى سيف ولا على غيرنا ياخوفي اعيش حياتي
مثل الورقه الذبلانه الي وكعت من الشجرة بعز الخريف
اخاف من فكرت حياة مابيها سيف ياريت لو ماراجع
ومزيد عذابي
ياريت لوظال غايب عن عيني وحاضر بس بكلبي
اوف يادنيا شكد بعد تريدين تحركين بكلبي لشوكت
المهم
انو بعد يومين رجعنا لبغداد وبيت عمي كانو مو على بعضهم
وجنت حاسه بيهم انو هما مزعوجين من خطوبتي
وحسيت الكل جانو محابين فكرت الخطوبه بس محد يكدر
يحجي محد يكدر يكول شي
رجعت لبغداد رجعت وكاانما اني غير الي سافرت قبل كم يوم
رجعت وعندي كومت مشاعر محطمه
وبعد مايقارب خمس ايام على رجوعي لبغداد سمعت انو سيف
سافر هو وزوجته
حسيت روحي سافرت وياة بس بقى جسدي
وجان سامي مستعجل على الزواج لان جان متاكد اني مااحبه
بس راد نزوج لان جان يخاف انو اغير رأي
حسيت الادوار نقلبت هالمرة سامي مهتملي مو سيف واني مامهتمه
يمكن مجنت اجرحه مثل سيف بس مجنت حاسته
مجنت اكدر اشعر بي
وبعد مايقارب شهرين على خطوبتي وتقريبا شهر وخمسه
وعشرين يوم على سفر سيف هو وزوجته
صار حفله مال المهر مالتي صحيح رحت للصالون ولبست بدله
وخليت مكياج بس شنو يعني قابل كلشي نسوي احنا نحبه
سويته حتى اظهر بمظهر العروسه السعيدة ولكن هي بداخلها
مقتوله
كم عروسه لبست البدله وابتسمت وضحكت بس هي ميته
كم عروسه معاشت الحياة الي تريدها
واني كنت منهن غريب الانسان ليش هيجي يسوي بروحه ويعذب نفسه بيده
حفلتي كانت بالنسبه لوحدة سعيدة وفرحانه بزواجها حلوة
وسامي صرف وسوة كلشي طلع بيدة
وجان هوايه اكو ناس بس اني جنت اشوف الدنيا خاليه
فارغه مابيها احد بس اني
وجوي بيت عمي واخت سيف اجتني بوستني وكالتلي
......سيف البارحه بالليل رجع لبغداد
فتحت عيني وكلبي كام يدك بسرعه
....انتي ليش هيجي سويتي ريمان
....ماادري
.....انتو اثنينكم مخابيل
وراحت وعافتني واني ظليت كاعدة على نار
وبدت الحفله وخلصت واني بالي يم سيف
ولمن خلصت الحفله بيت عمي جانو بعدهم مرايحين ودك تلفون
ايمان اخت سيف وكالت
.....ماما يله سيف واكف برة
رحت بسرعه عليها
....ايمان حبابه خلي ينزل كوليله بس شويه
.....هسه اكله بس مااصور يقبل
....حبابه
خابرت سيف وظلت تحجي وياة
....راح ينزل يباركلج روحي للمطبخ واني راح اخلي امي تتاخر شويه يله تطلع لسيف زين يله روحي
ورحت واني اجر البدله مالتي وشفت باب الشارع نفتحت ودخل
سيف وجان يباوع عليه من بعيد وجان يمشي على كيفه
وآجى وفتح الباب السيم مال مطبخ وكف وجانت عيونه تلمع
كتله
......سيف
....مبروك ان شاءالله تعيشين حياة سعيدة
وطول ميحجي جان ميباوع عليه جانت عيونه على الكاع ميكدر يرفعها
.....شلونك
.....تريدين اكلج زين
.....ياريت ادكلي زين
....لامو زين دادكطع داموت بس على كيفي
.....اني ،،،،،،،،وسكتت خانتني العبارات لان جانت دموعي اسرع من لساني ومن كلماتي
.....ليش تبجين وانتي الي وصلتينه لهاي المرحله
......اني مداتنفس سيف مخنوكه
....واني من زمان وكف عندي النفس اني ميت
....اني سجنت نفسي بيدي
....واني سجنت نفسي بيج من زمان من جنت صغير
من جان بااستطاعتي احب واعيش بس ماكدرت
ظليت احبج واحبج لحد مانسيت شلون احب وحدة غيرج
.....شسوي سيف كلي كلما داريد اخطي خطوة احس نفسي دادخل جوة الكاع وديسحبني الطين اكثر شنو الي داسوي بحياتي
ماااعرف
سيف اذا غمضت عيني وفتحتها يرجع بينا الزمن ويطلع كل هذا
كابوس
....لا ريمان هذا موكابوس ماكو واحد يجي كابوس وهو
مينام ابد
.....انت متنام متغمض عينك
....من يوم الي عفتج
......ليش رحت ازوجت
....نفس السبب الي خلاج هسه تزوجين
وجان كل شويه يجر حسرة ومن يجر حسرة احس وجعها بكلبي اني وطلع باكيت الجكاير وشعل جكارة وبدة يشرب بيها
ويباوع عليه
.....طالعه حلوة المفروض محد يشوفج غيري لان من انتي صغيرة
جنت اضرب الجهال الي يباوعون عليج وجنت ابعدج عن كل
الاطفال الي يلعبون وياج تذكرين
جنت اكول ريمان مالتي مستحيل احد يجي ياخذها مني
وتاليتج راح تروحين تنامين بحضنه
غمض عيونه وكال اويلي اويلي شلون بكلبي غير يقنع وينساج
اجتي مرت عمي وكالتله
....ها سيف نروح
...يله
باوعت مرت عمي عليه وباستني وكالتلي
....شايفه كل الخير
وباوعت على ابنها وشلون جان يباوعلي وخلت يدها على جتفه
....يله ابني خلي نروح
وطلع سيف واهله واني جنت بعدني واكفه بمكاني اباوعه شلون
ديبتعد
وجتي امي كمشتني من ورة
...ها ماما ريمان شبيج ياكلبي ولج انتي راح تموتين
....ياريت ماما ياريت
....اني جنت قبل اسمع اكو يحبون وينتحرون ويتخبلون علمود
الي يحبوهم بس مجنت اصدك من شفت وجعج صدكت
كوليلي شسويلج واني مستعدة اسوي بس لااشوف
هذا الوجع بعينج
...اني تعبانه راح اصعد ارتاح وياليت لو تكون راحه طويله
كلش
يتبع ....
#الكاتبه #روجمان
