همسات**انثى حزينة *

الحلقة الثانية**

وائل .هههه طبعا ياحبيبتي انتي غير انشطي شوية
رانيا .تمام خليك علي قد كلامك بس يعني بعدين ماتقعدش عيل
وائل .باه خلاص من توة ح انجيبلك صناديق راوخ
ريم . هاي انت وهيا خلاص نبو انقيلو شنو هضا ✋
رشى . اسمعو الي نسمع صوووتة نهاارة اسود
وائل . اسكتو حي علينا من رشروش
رشى . معش اتقولي رشروش خيرلك
وائل . باهي خلاص اسف
رانيا . مش تبي ترقدي يارشروش
رشى . ااه نبي نرقد لاكن نسمع صوت واحد منكم انجيكم
وائل . انا فمي صكرتة من توة
ريم . ايوه اسكتو عشان بعدين وليد حبيب قلبي ايشيلني ل حيوتة (حياه) صحبتي

طبعا وليد ايحب حيااه ويموت فيها

وليد . اه شنو تبي تمشي ل حياه .. قالها بصدمة😱😱😱😱😱
ريم . ااه ماشية ل ايوتة كنك انجيبلك امية كنك شرقت

ريم زارقة عليه وعارفتة يحبها وطلعت حتى حياه اتحبة

وليد . لالا شي غير .. يبي يغير الموضوع . باهي الساعة اربعة ونص تكوني واتية
ريم جاتة في دارة وقعدت تحكي معاه

ريم . حبيبي ياخوية ماتعرفش تكذب بذات علية عيونك فاضحاتك وقعدت تضحك هههههههههههه 😂😂😂
وليد . اه شنو قزدك؟
ريم . حبيبي تحسابني غبية مايمشنش علية الحركات هذينة
وليد . تي كنك انتي شن هنة الحركات الي مايمشنش عليكي
ريم . عارفتك اتمووت في ايوتة وتحبها مووووووووت
وليد مسكين تغير وجه قعد الوان الوان . اه شن اتقولي انتي شن انحبها من جدك تحكي
ريم . باه تمام انت ماتحبهش وانا غلطانة وهيا البس بسرعة عشان نبي نمشي ل ايوتة حبيبتي صحبتي وصديقة عمري
وليد . شن الحب هضا كلة
ريم . ولله ايوتة تنحب واي حد يحبها اصلا تخش للقلب دغري
وليد قعد بارم وجه ومبش يبحت فيها
ريم . كنك انصفرت وانخضرت بسم لله
وليد . ماكني شي
ريم . باهي هيا انا نزلت
وليد . اصبري انتي تبي اتصوقي ولا انا
ريم . باهي هيا شنو هضا مسكينة الي تبي تجوزك مسكينة صحبتي تقعد تجري وراك
وليد . صحبتك ؟صحبتك من ؟
ريم . خلاص ياقلبي انسى الموضوع
وليد . هيا انزلي
ريم . نزلت غير انت خف رووحك
ريم قعدت تحكي في سرها . مسكينة حياه صحبتي الله غالب عليها
وليد . اركبي في السيارة
ريم . باهي معش اتهزب

ريم قعدت اتفكر في راسها قالت كيف نبي انقربهم من بعضهم ياربي كيف؟
قعدت اتفكر ولقت حل مناسب
ريم اتدير في حناطة . حي نبي نسأل ايوتة انشوفها شن صار معاها
وليد . في شنو ؟
ريم . شن دخلك كلام بنات
وليد . باه ماتبش تحكي احسن

ريم قعدت اتفكر قالت حي هضا ماسألنش ومازرش علية شن اندير

ريم . ايوتة مسكينة انشاءلله ماتوافق
وليد . علي شنو
ريم . جوها خطاب المسكينة
وليد . شنو😱😱😱😱

وليد مسكين وقف السيارة قريب مادار حادث
ريم . شفت ماصدقنش اول ماقتلك انت تحبها
وليد . باهي هيا وافقت ؟مسكين قالها بصدمة
ريم . لالا قالتلهم انا نبي واحد اخر مانبش هضا

زاد انصدم اخرى مسكين
وليد . اتحب واحد اخرى !من هو؟
ريم . احبك انت ياباشا
وليد .شنو😱😱😱😱😱😱😱
ريم . وحق ربي اتحبك هيا حرام عليك وقالتلي ماتقوليهش له لاكن ماقدرتش نسكت وقالتلي انا معش نقدر نرفض خطاب اخرى قالتلي كان جاني واحد اخر ح توافق من باتها قاللها لازم تجوزي توة وهو الي يجيبلها في العرسان يعني كان ماجريتش علي روحك تقعد راحت عليك و.......... قاطعها وليد
وليد . ااااااااااه خلاااص صكري فمك خليني انركز شوية
ريم . في شن اتركز
وليد . انفكر في مستقبلي
ريم . اوووووووووووو تبي تخطبها اااييييي واخيرا تقعد ايوتة مراة خويا
وليد . صكري فمك شوية
ريم . ياقلبي انا قاعدة يعني كان تبيني انقوللها بكرة انجو ونخطبوكي عادي
وليد قعد يضحك
ريم . كذاااااااب يعني انقوللها خلااااص
وليد . هزلها براسة
ريم . قعدت اتزغرت للللللللللللللللللللللللللللللي.

يتبع....😍😍