ريم الي حاربت عشان بنات مش بناتها قعدت ام لهن صاح مش بناتها من بطنها لاكن هنا بناتها من روحها وحياتها لينا كانت كل حاجة بالنسبة لها ووعدتها انها اتربي بناتها كيف امهن ووفت بوعدها ريم الي حطت كل ظالم في الحبس وطلعت كل مظلوم ..
بعد فترة ريم داخت اخرى شالوها للمستشفى والمعجزة قالولها انك حامل كلهم انصدمو وهيا من الصدمة داخت وابراهيم قعد يعيط روحو للحوش ودارو حفلة وجو سمح وسمعوها الناس كلهم بعد 9شهور ريم قعدت اتعيط
ريم. ابراهييييم
ابراهيم. كنك شن في
ريم. نوض بسرعة
ابراهيم. كنك
ريم. شكلي نبي انجيب نوض
ابراهيم. احلفي
ريم. جيب المصحف نحلفلك نوض يامصيبة
ابراهيم. نضت نضت
شالوها للمستشفى وجابت توأم عيلين اول ماجابتهم داخت بعد ماناضت جابوهم لها
ريم. ابراهيم
ابراهيم. نعم حبيبتي
ريم. وين عيالي وينهم
ابراهيم. ماتخافيش قاعدين
ريم. وينهم جيبهم
ابراهيم. باهي غير وسعي بالك
خشتلها حياه والاء وامها وخواتها وخوتها وووووو... الدنيا شايلة هذي تحكي من هنا وهذي من هنا بعدها الممرضة جابتهم ريم اول ماحقتهم قعدت تبكي
ابراهيم. عليش تبكي
ريم. مش قادرة😢😢 كيف انشوف الملاك هذيما ومانبكيش
ابراهيم. اوووه بديت انغار
الاء. القنك بارد يا راجل اختي
ابراهيم. من امتة قعدت راجل اختك
الاء. نبي انغير شوية وانا ديمة انقولك برهوم
ابراهيم. ههههههههه
حياه. اسكتو شوية ريوم نبوكي اتسميهم هيا
ريم. هضا كرم
ابراهيم. وهضا عُمر
الاء. الله يعني عيال اختي اسمهم كرم وعُمر
كملو حياتهم سعيدة وضحك ولعب...
العبرة من الرواية ان في عمرك ماتستسلم ماتوقفش واتقول خلاص تعبت خلاص مش ح يصير مني خلي ايمانك بربك قوي خليك شاطر واهم حاجة خلي عندك امل وطموح في الحياه حارب الحياه ماتخليهش اتفوز عليك انت فوز عليها خليك اقوى منها ماتخليش سلبيات الناس تأثر عليك يقولك انت فاشل مايصيرش منك لااااا انت انسان ومن حقك انت تحاول واتحارب وماتسكرش الباب في وجه من يحبك لأن الحب حلو والي يحب احلى....
النهاية....😘😘
السلام عليك😍😍😍😍
أنت تقرأ
همسات**انثى حزينة *
Roman d'amourهذه الرواية مأخوذة من قصة حقيقية** بإضافة قليلا من قطرات الخيال* القصة تحكي على بنت عندها اختين وثلاث اخوان* حبوها ثلاث اشخاص ♥ كل واحد سبب لها مشكلة في حياتها ** بس في النهاية تختار واحد منهم ** في الحلقات الجاية ح تعرفو اكثر **قراءة ممتعة للجميع...
