من لقاء الاء مع ابراهيم هنا تبدأ قصة ريم مع الحب..
الاء . انا اول ماطلعت لفت انتباهي جمالة ايجنن جاني انا قعدت مصدومة قالي .
ابراهيم . الاء شن الجو
الاء . حي علي امة هضا من وين يعرفني . من انت
ابراهيم . انا ابراهيم
الاء .هههه بلا بصارة
ابراهيم . ولله الله واخرى كنتي اتقعمزي في الدرج الثاني وقدامك ريم
الاء . لا ولله صاح هضا انت حي علي امة كنك قعدت هكي شن غيرك
ابراهيم . لكي 5سنوات ماشفتينش لا انتي لا ريم ولا حياة كنت نقرى برة
الاء . اها انا اتقول جسور العيل سبحان مغير الاحوال
ابراهيم . نبي نسألك تحكي مع ريم
الاء . اها اكيدة
ابراهيم . شن جوها ؟
الاء . تمام الحمد لله
ابراهيم . باهي سلميلي عليها
الاء . يوصل
ابراهيم . اسمعي عادي تعطيني رقمها
الاء . باهي نسألها قبل ولله مانقدر
ابراهيم . لالا ماتقوليلهش اني شفتك بكل
الاء . عليش كنك؟
ابراهيم . هكي مانبيهش تضايق
الاء . من شنو تضايق بالعكس
ابراهيم . لالا ماتقوليلهش
الاء . باه براحتك
ابراهيم . باهي عادي تعطين رقمك انتواصل انا وانتي .ماتفهمينش غلط لاكن نبي نعرف اخبار ريم
الاء . اكيدة عطيني تليفونك نكتبة لكي
ابراهيم . شكرا
الاء . العفو .تبي حاجة اخرة
ابراهيم .لالا شكرا
الاء . ابراهيم اسمع
ابراهيم .نعم
الاء . نبي نسألك
ابراهيم . تفضلي
الاء . وين كنت تقرى
ابراهيم . انا كملت البتدائي ومشيت ل بريطانيا قريت ثلاث سنوات والسنة والسنتين الي فاتنن قريت في ماليزيا والسنة هذي انشاءلله نقراها هنا
الاء . اهاا ماشاءلله . باهي بعدين نحكي معاك
ابراهيم . باي
هضا كلة كانت الاء تحكي في ل ريم
ريم . باهي عليش تحكيلي انا شن دخلني وبعدين مش قالك ماتقوليلهش اني شفتك
الاء . اسمعي فكيني من الحناطة امتاعك
ريم . حناطة شنو
الاء . لالا سلامتك
ريم . ع المهم انا بكرة طالعة انا وحياة للسوق عشان اتجيني نمشو مع بعضنا
الاء . اكييدة الساعة 5 تلقيني قدام وجك
ريم . شورك عاد الطلوع والسوق
الاء . تي امالا شنو خليني انعيش حياتي
ريم . حالات انتي من واحد لواحد وديمة برة شنو هضا
الاء . كان ماعشتش حياتي توة امتة نبي انعيشها
ريم . هه ولله صدقتي
ريم . الاء انا خايفة السمستر الثالث قريب مايبدا ونحنا في ثالثة ثانوي حي علينا
الاء . باي انتي مشاءلله انتي شاطرة امالا انا شن اتقولي علية
ريم . هههه انسي توة باهي بااي نبي نرقد
الاء . باي
واليل كلة ريم اتفكر شن جابة بعد السنين هذينا
وانا شن دخلني بيه جا ولا ماجش شن دخلني
خلاص توة بلة تفكير نبي نرقد
وجا ثاني يوم وريم راقدة رنت عليها حياة
حياة . نوضي ياخميرة
ريم . هاا شن تبي في حد يرن من صباح ربي
حياة . اين صباح ربي الساعة وااحد
ريم . انا عندي صبح الساعة واحد
حياة . طيح سعدك نوضي
ريم . تي باهي خلاص نضت
انا ماعرفتكمش على شخصية ريم ...
ريم بنت عندها شخصية قوية اتحب افلام الاكشن وماتحبش الرومنسي وتكره حاجة اسمها حب هيا عمرها مادارت علاقة لاكن ماتحبش وعندها كرامتها اهم شي عندها وتحب القانون وهيا شااااطرة بكلل ديمة الاوائل على مدرستها واهم حاجات اتحبهن النوم، الاكل ، التلفزيون ، الممثلين خاصةالاتراك ، اتموت في اجة اسمها شوكولاطة ، وتعشق افلام الاكشن .يعني ريم قوية ماتخافش من شي اتعيش كيف ماتبي لاكن ربي دارلها اختبارات وقدرت تجتازهن بقوتها ،وانا فكرتي في القصة انك ماتفقدش الامل جازفي استمتعي لاكن خلي ايمانك بربك كبير وانشاءلله ح انوصللكم الفكرة في الحلقات القادمة....
يتبع....
أنت تقرأ
همسات**انثى حزينة *
Romanceهذه الرواية مأخوذة من قصة حقيقية** بإضافة قليلا من قطرات الخيال* القصة تحكي على بنت عندها اختين وثلاث اخوان* حبوها ثلاث اشخاص ♥ كل واحد سبب لها مشكلة في حياتها ** بس في النهاية تختار واحد منهم ** في الحلقات الجاية ح تعرفو اكثر **قراءة ممتعة للجميع...
