مشت ريم هيا وحياة للسووق
جو الخطاب وحياة قاعدة اتوتي في روحها قعدت شوية وطلعت وكااانت هناااا الصدمة
ام العريس من صدمتها قعدت تضرب في بنتها مسكينة
ريم . حياة حبيبتي خشي سلمي
سلمت حياة وقعمزت .
المراة جتها صدمة قعدة نص ساعة وروحو ومسكين العريس يستنة
خشت حياة بدلت دبشها وقعمزت هيا وريم قعدن يضحكن .
ركب بات حياة.
احمد . يابنات شن درتن في العرب العزوز وصلت للسيارة وطاحت
ريم . ياعمي هذي سر المهنة
وقعدن ريم وحياة يضحكن
ثاني يوم جو اهل ريم عشان يخطبو حياة وطلعتلهم حياة
ريم . حي على امة هذي الي امس قريب ماقتلت العزوز بشكلها .سبحان الله مغير الاحوال
قعمزت حياة ودايرة روحها متحشمة
بسمة . خلاص نحنا خطبنا عارفينكم ماتحكو شي حياة بنتنا وعارفينها
فاطمة . بس اسمعي يابسمة انتي كيف اختي نبي البنت اتكمل قرايتها واتخرج
بسمة . اها عارفة غير نبو نحجزوها خايفين حد ياخذها
فاطمة . خلاص توة حياة قعدت بنتكم
وحياة تحشمت وخشت ل دارها وريم خشتلها
ريم . ياااااي حياة قعدت مراة خوية الله عليك جو
حياة . حي قزدك تقعدي صبيتي
ريم . بلكي مش عاجبك
حياة . تي لالا ماقلت شي لاكن خايفة عيالي يطلعو طايشين كيف عمتهم
ريم . حبيبتي اكيدة يطلعو عيال خوية كيفي . وبعدين انا طايشة ياقردة
حياة . ههههه حبيبتي انتي كم عندي ريوم اناا معقولة انزعلها
ريم . باهي خلاص بكرة نطلعو للسوق نشرو دبش
حياة . باهي تعالي خوذيني
ريم . شحاتة وتشرط
حياة . حرام عليكي من بيجيبني
ريم . عليك قصة عارفة عيون البرائة هذينة مانتحملهنش .ربي يعيني باهي خلاص تو انجيك بس الساعة 6 اتكوني واتية
حياة . من عيوني ياعيوني انتي
ريم . باهي هياا باي وليد خوية حبيبي جاا
حياة . وجهها انخضر وانصفر . اه شن قلتي
ريم . سلامتك ياحبي خليكي فكري في وليد
وطلعت ريم وركبت السيارة وامها في السيارة تحكي مع وليد
بسمة . ماشاءلله عليك حياة اتهبلل
وليد . اه اااااه . قعد يغير في الموضوع .باهي انا ماشي نبي انتغدة عند صاحبي باهي انوصلكم للحوش ونمشي
ريم . يا وليد اتسلم عليك حياة . وقعدت تضحك
وليد . ااه باه وفعد يبحت فيها فر المراية ويفنص ويغمزلها
ريم . تي كنك اتفنص وتغمزلي عيونك فيهن حاجة
بسمة . ريم خلاص اسكتي
وليد . ااه ولله الله مكثر هرجتك اتقول زامطة راديو
ريم . باهي سكتت
ووصلو للحوش ريم غيرت دبشها وقعمزت ع النت شوية واترن عليها صاحبتها اسمها الاء
ريم . الو الاء شن الجو
الاء . تمام ريوم
ريم . الاء كنة صوتك هكي
الاء . ياريم امس وانا ماشية للسوق في عيل القيتة قدام الحوش وهوة عليد جمال عليك وفلوس شكلة وسيارتة جيب اتهبلللللللل وهوة ابيض وعيونة زرق ولبسة يهبل وانا انقول مش غريب علية العيل
ريم . باهي انا شن دخلني عليش تحكيلي شن لابس وشن سيارتة عطيني الزبدة
الاء . تي ياحيوانة تو نحكيلك
ريم . قليلة ادب هياا احكي
الاء . قولي من طلع
ريم . من
الاء . انتي قولي من
ريم . هيا يابقرة حرقتيلي اعصابي قوولي
الاء . هوة تعرفيه وحياه تعرفة و اسراء تعرفة وانا نعرفة
ريم . تبي تحكي ولا لا
الاء . ابراهيم
ريم غطست راحت
الاء . ريييم ريوم اويييي وين رحتي
ريم . قزدك ابراهيم الي كان معانا
الاء . لالا الي كان معاهم امالا من اكيدة الي كان معانا واخرى الي كان ديمة من الاوئل الي انتي وهوة ديمة اتعاركو ع الترتيب الاول
ريم . حي علي امة مزال عايش
الاء . عايش وجايبتلك اخبار منة
ريم . احكي بااه
الاء . سألني عليكي
ريم . نعمممم؟سأل علية انااا ؟كنة شن يبي ؟احكي ياحيوانة ؟.
يتبع.........
أنت تقرأ
همسات**انثى حزينة *
Romanceهذه الرواية مأخوذة من قصة حقيقية** بإضافة قليلا من قطرات الخيال* القصة تحكي على بنت عندها اختين وثلاث اخوان* حبوها ثلاث اشخاص ♥ كل واحد سبب لها مشكلة في حياتها ** بس في النهاية تختار واحد منهم ** في الحلقات الجاية ح تعرفو اكثر **قراءة ممتعة للجميع...
