كورهان. باهي تو نحكي معاها
رانيا. وراس امك اقنعها
كورهان. حاااضر
كورهان. ريم يوم الخميس عشان اتجي هنا باهي
ريم. وعليش انشاءلله
كورهان. عمتك جاية وتسأل عليكي
ريم. يسأل عليها عزرائيل انشاءلله هضا وين تسأل عليا
كورهان. ماتحكيش هكي علي عمتك
ريم. هذي مش عمتي
كورهان. باهي عمتك ولا مش عمتك اتجي ولا لا
ريم. لاااااء
كورهان. عليك راس يابس
ريم. خلااص قلت لااء
كورهان. باهي شن قتلك انا
ريم.😂😂
كورهان. تضحكي اخرى
ريم. شن تبيني اندير نبكي مثلا
كورهان. هيا ياثقيلة
ريم. شنوو
كورهان. وافقي
ريم. لاء يعني لااء خلاص
كورهان. انديرلك الي تبيه غير تعالي
ريم. الي نبييه😉
كورهان. ااه ولله
ريم. تمام نبي ايفونx وصندوق نوتيلا ولابتوب
كورهان. ماتمشيش خلاص
ريم. مش قتلي اي حاجة خلاص جيبلي هذينا
كورهان. وراس امك ماني جايبلك واتجي غصب عنك
ريم. تو انشوفو
كورهان. كان ماجبتك مايقعدش اسمي كورهان
ريم. تم
ريم وهيا امصبية داخت
كورهان. ريم ريم كنك
رانيا. رشا جيبي امية
وحطولها امية علي وجها بيش ناضت
كورهان. انشيلك المستشفى
ريم. لالا غير راسي داخ
رانيا. امسي امية وسكر
شربت ريم ورن كورهان علي مراد
كورهان. الو مراد
مراد. الو كنك
كورهان. تعال ريم داخت نبو انشيلوها المستشفى
مراد. وين وين داخت احكي
كورهان. داخت وناضت لاكن ضروري انشيلوها
مراد. باهي وينكم
كورهان. في حوش عمي سراج
مراد. هي 10 دقائق ونوصل
كورهان. هيا ريم نوضي انشيلوكي المستشفى
ريم. لالا مانبيش اكيدة هبوط بس
كورهان. نووضي قتلك
ريم. اففففف باهي
كورهان. بسرعة مراد جا
ريم. تي باهي قتلكم ولله مافيا حاجة
كورهان. هيا
نزلو وشالوها المستشفى خششوها
الدكتور. اتحسي في حاجة
ريم. لااه بس مرة مرة ندهش بروحي ومرات نقعد مش لاقية النفس
الدكتور طلع
مراد. دكتور شن صار كنها
الدكتور. هبوط بس ماتخافوش
الدكتور وجة مش تمام
كورهان. متأكد هبوط اصلا نزل دم من خشمها
مراد. دمم😱😱ليش ماقتلي
كورهان. انسيت
مراد. كيف تنسى معقولة هكي
الدكتور. معليش تفضل معايا شوية
مراد. انا.
الدكتور. ااه
مراد. قولي شن عندها
الدكتور. نحنا مازلنا مش متأكدين بس..
مراد. بس شننو احكي
الدكتور. احتمال يكون عندها سرطان
مراد.😦😦كيييف؟؟!!
الدكتور. مش اكيدة احتمال بس انشاءلله انكونو غالطين
مراد. دكتور وراس امك شوفها كويس
الدكتور. معناها توة ناخذوها للأشعة
مراد. باهي بسرعة بس ماتقولولهش باهي
الدكتور. باه
كورهان. شن قال الدكتور
مراد. وهوة مصدوم ... قال احتمال عندها سرطان
كورهان. جاتة الصدمة 😨😨
شالوها للأشعة
مراد. ها شن صار قول كلامك غلط
الدكتور. للأسف طلع عندها سرطان الرئة
مراد قعد يبكي وكورهان من الصدمة لين معش تحرك من مكانة
مراد. كييف هكي لالا مستحييل.. وهوا يبكي
الدكتور. ماتخافوش له علاج لاكن استعجلو فيه لأن حالتها اتقدم
كورهان. طاح في مكانة وقعد يبكي
مراد رن علي خوتة جوه في المستشفى
جود. كنك كنها ريم
جهااد. احكوو
مراد.وهوة يبكي عندها سرطان الرئة
جود. كيييف؟؟😦😦كيف يعني سرطان كييف ..قعد يعيط
خذو ريم وعدو وماقالولهش
ريم. عليش جيتو كلكم ولا خفتو عليا😳😳
جود. اكيدة حبيبتي خفنا عليك
ريم. جود كنك
جود. ماكني شي
ريم. كنت تبكي
جود. تي لاه عنجد نبكي
ريم. تي كنكم
جهاد. مافيش شي ماتخافيش
ريم. كذابين شن قاللكم الدكتور
كورهان. قال هبوط بس
ريم. كورهان بحت فيا
كورهان. هااه كنك
ريم. تكذب قاعد
كورهان. عليش نبي نكذب
ريم. قولولي شن فياا
جهاد. شوية ونوصلو نحكيلك كل حاجة
وصلو لحوشهم ومسكتهم
ريم. هي احكو
جهاد. كيف ماقلنالك هبوط بس
ريم. تحكو ولا لا
مريم. كنكم
ريم. ماما قوليلهم انا دخت وشالوني للمستشفى مايبوش ايقولولي شن فيا
مريم. كنك ياعمري انتي شن عندك
يتبع....😍😍😍
أنت تقرأ
همسات**انثى حزينة *
Romansaهذه الرواية مأخوذة من قصة حقيقية** بإضافة قليلا من قطرات الخيال* القصة تحكي على بنت عندها اختين وثلاث اخوان* حبوها ثلاث اشخاص ♥ كل واحد سبب لها مشكلة في حياتها ** بس في النهاية تختار واحد منهم ** في الحلقات الجاية ح تعرفو اكثر **قراءة ممتعة للجميع...
