طلعت رشا من الحمام
رشا . ريوم حبيبتي عندنا😘
ريم . رايفت عليكي ياقردة
رشا . معلش انتي ماتبش اتسقمي اسلوبك شوية شن قردة يا حمارة
ريم . ههههههههههههه قالتها المؤدبة
رشا . امتة جيتي
ريم . من امبذرييييي
رشا . بايتة هنا اليوم صاح
ريم . امالا شنو تبيني انبات في الشارع
رشا . مش هكي لاكن نحسابك بايتة في حوش هلك
ريم . حتى هضا حوش هلي ولا نسيتي
رشا . معقولة ننسى ريومتي
ريم . باهي ع المهم عزا من عدتلا ماما
رشا . عزا خو مراة عمك
ريم . مراة عمي من
رشا . تي الثقيلة اسماء
ريم . اول حاجة هذي مش مراة عمي انسيتي شن دارة فية
رشا . مانسيتش لاكن مهما كان هذي مراة عمك
ريم . وعليش ماشيتلها ماما
رشا . جتك قالتلها
ريم . هضا الي شاطرة فيه جتي هما لعند توة مايحكش معايا
رشا . باهي خلاص اهدي
ريم . رقيتولي الضغط
.
.
ريم قعدت تضكر بعد ماردت لهلها بأسبوع مشت لحوش جدها بات باتها سراج الي رباها عماتها وجتتها وصبايا اعمامها الاثنين مابنش ايسلمن عليها
قعدن ايقوللها انتي مش بنتنا. لدرجة انهن يقوللها انتي بنت غير شرعية
هيا عندها 4 اعمام و5 عمات صبايا اعمامها الاثنين مايحبنهش ويقلبن في راس جتتها يقوللها لزيها من الحوش هذي بنت غير شرعية . وكانو مزال ماتعرفو علي هلها الحقيقيين واعمامها الاثنين الاخرين كويسين بكللل معاها هما وصباياهم
بعد ماردت ريم لهلها دارولها حفلة اقرباء هلها الحقيقيين ناس راقيين بكلل وخالاتها وخوالها خوت بسمة امها حتى هما طيبين وراقيين على عكس اهل باتها بعد ماعرفو انهم فلوس بكل بكل قعدن صبايا اعمامها الاثنين يحبنها ويتلصقن فيها ويجنها في الحوش وهيا اتلز فيهن ومن كثر ماعذبنها هنا وعماتها وجتتها قالتلهم لانعرفكم لاتعرفوني حتى جتتها لزتها
في يوم جتها جتتها هيا وصبايا اعمامها الاثنين الحقيرات في حوشها الكبير جنها يبنها اتسامحهن
رن الجرس فتح كرم وخششهن. نزلت ريم وانصدمت قعدت اتقول شن جابهن هذينا
خديجة جتتها . ريم حفيدتي حبيبتي
ريم . صباح الخير هضا وين عرفتي انة عندك حفيدة اسمها ريم
خديجة . انا جتك سامحيني
ريم . كيف صار مش كنتي اتلزي فيا من حوشكم واتقوللي انتي مش بنتنا
خديجة . سامحيني مش عارفة كيف طلعت من فمي
ريم . خوذي الي وراكي (قصدها صبايا اعمامها) واطلعي برة ولاجيتيني عشان مصلحة.
خديجة . انا جتك كيف اتلزي فيا
ريم . كنتي جتي لاكن توة لااا انتي توة وحدة غريبة مانعرفهش تقرب لهلي الي ربوني
خديجة .انا لعند توة مازلت جتك
ريم . انتي حتى ولدك تبريتي منة عشان مزلت نمشيلهم واتقوليلي مازلت جتك . وعلي فكرة انتن الي لاورة وصلن الكلام هضا لرجالتكن وقوللهم انا ماعندش الا عمين محمد ومحمود هذيما الي صبو معايا ومتسيبونش
ريم . حرام عليكم انا الوحيدة الي كنت مانحكش بكل ومااناقشش فيكم لاكن ضلمتوني ربي يسامحكم لاكن تأكدن ان انا سامحتكن عشان خوفي من ربي لاكن من قلبي ماسامحتكن
لزتهن ريم وطلعن من الحوش وحاولن ايتواصلن معاها هضا كلة عشان فلوس لاكن ريم شاطرة ماخلتهنش ...قطعت ريم علاقتها بأهل باتها ولها توة 4شهور ماتحكش معاهم ..
رشا . اوييي ريم وين سرحتي
ريم . لالا كنت نضكر في حاجة
رشا . تضكري في عيت جدك صاح
ريم . مازلت مقهورة لعند توة
رشا . خلاص انتي قطعتي علاقتك بيهم ونحنا مانمشولهمش وماما عدت عشان عمي بس
ريم . عمي!على اساس هوة الي كويس
رانيا . خلاص حبيبتي تعالي في الدار خلينا نكتبو شن نبو نشرو على العرس
ريم . تعالي هي
قعدن يكتبن شن يبن يشرن
ريم . اسمعي انتي ماما اول امس كانت تسأل فيا علي عرسك قالتلي امتة مايطلعو العرس قوليلي لأن القاعة منها
رانيا . غير بلا سماطة
ريم . مادخلنش احكي معاها
رشا . باهي اسمعي ريوم المصممة الي اتصمم في الفساتين صاحبة امك شن اسمها
ريم . مش قاعدة هنا امسافرة
رشا . باهي شن اسمها ؟
ريم . جوليا
رشا . عربية ؟!
ريم . لالا اجنبية
رشا اهااااا باهي امتة اتجي شوفي امك عشان انصممو عندها فساتين .....
يتبع.....😘😘
أنت تقرأ
همسات**انثى حزينة *
Romanceهذه الرواية مأخوذة من قصة حقيقية** بإضافة قليلا من قطرات الخيال* القصة تحكي على بنت عندها اختين وثلاث اخوان* حبوها ثلاث اشخاص ♥ كل واحد سبب لها مشكلة في حياتها ** بس في النهاية تختار واحد منهم ** في الحلقات الجاية ح تعرفو اكثر **قراءة ممتعة للجميع...
