همسات**انثى حزينة *

*الحلقة 8*

بسمة . مسكينة تبكي .... قالتلها انتي البنت الي القيتها قدام الشقة
طاحت ريم على ركبيها وقعدت تبكي واتعيط
ريم . ويين هلي باه ..وهيا اتعيط
مريم . انا امك ياحبيبتي
ريم من الصدمة دفت امها
ريم . كذابين تكذبو عليا كلكم انتم هلي
ريم . بحتت في مريم وقالتلها .كان انا بنتك ليش عزقتيني قدام الشقة
مريم . مش مني انا اول ماجبتك قالولي انك متي جبت كورهان الي هوة توأمك
وانتي متي وانا ماعندش بنات عندي انتي بس
ريم خشت تجري لدارها وسكرت علي روحها الباب وقعدت تبكي دق عليها خوها كورهان
كورهان . ريم اختي افتحي الباب خلينا نحكو شوية
ريم . وهيا اتعيط.. سيبوني مانبش نحكي مع حد
قعدت في الدار لين ماجتها الاء هدتها
الاء . ريوم حبيبتي افتحي الباب شوية
ريم . مانبش سيبوني
الاء . باهي انا نبيكي افتحي شوية
ريم فتحت الباب وخلت الاء اتخش وسكرت الباب وقعدت تبكي
ريم . وهيا تبكي ...شفتي يكذبو علية انا متأكدة ان الي قاعدة عندهم انا هما هلي
الاء . خلاص حبيبتي معش تبكي .باهي اطلعي عشان تعرفي الموضوع
ريم . وهيا تبكي .. مانبش نطلع سبيني
رقدت ريم على الاء وتبكي المسكينة
بعد ماناضت تحسابة حلم لقت الاء راقدة حداها
ريم . الاء نوضي
الاء . كنك حبيبتي
ريم . كنك راقدة هنا
الاء . قاعدة معاكي
ريم سكتت شوية ..يعني الي صار مش حلم
الاء . لالا لاكن اسمعيني....
ريم . وهيا تبكي يعني الي تربيت عندهم 18 طلعو مش هلي
الاء . حتى هما هلك الي ربوك
ريم لبست وطلعت برة لقت خوتها ال7 وامها مريم ..باتها الحقيقي متوفي. وباقي خوتها وخواتها
ريم . وهيا تبكي ..يعني انا توة عندي 7 خوت وماعندش خوات
مريم . اها ياحبيبتي عندك 7 خوت
ريم . انتم كذابين ..اطلعو من حوشنا
بسمة . ريم حبيبتي غير اسمعيني
ريم . مانبي نسمع شي قوليلهم يطلعو من حوشنا ..انتي ماما مافش حد اخر ياخذ مكانك
بسمة تعنقت فيها وقالتلها
بسمة . وهيا تبكي .. عارفة ياحبيبتي عارفة
وهلها الحقيقيين طلعو من الحوش
وفي اليوم الثاني جوها هلها وماصار شي مزالت امسكرة راسها
قعدت ع الحالة هذي مدة اسبوع يجوها كل يوم واتلز فيهم لدرجة انه صارلها اكتآب... وفي يوم من الايام يبي يطلع وليد وبياخذ معاه ريم
وليد . ريوم تطلعي معايا
ريم . لالا مانبش
وليد . غير هيا غيري جو
ريم . مانبش نطلع
بسمة . اطلعي مع خوكي
ريم . مع خويا؟مافهمتش وين خوتي
وليد . ريم صاح انا مش خوكي لاكن تربينة مع بعضنا
ريم قعدت تبكي
وليد . غير نوضي البسي
ناضت ريم لبست وطلعت مع وليد
شالها للكفي وقعد يحكي معاها
وليد . ريم اسمعيني امشي شوفي امك وخوتك حرام
ريم . انتم خوتي وماعندش خوت اخرى
وليد . حتى انتي اختنا لاكن شوفيهم بس
وهما امقعمزين خوتها جو طلع وليد امكلمهم جو هما ال7
ريم . انت الي كلمتهم
وليد . اها نبيكي تحكي معاهم خوتك هذيما
جو خوتها وسلمو عليها وعلي خوها وقعمزو وقعدو ايتعرفو علي بعضهم قعد بالواحد ايقوللها في اسمة الكبير مواليد ال91 اسمة مراد والثاني مواليد ال92 اسمة مروان والثالث مواليد ال94 اسمة جهاد والرابع مواليد ال96 اسمة جود والخامس مواليد ال97 اسمة جواد والسادس مواليد ال98 اسمة كرم والاخير توأمها مواليد 2000 اسمة كورهان
....... ريم قعدت اتبحت فيهم وعيونها دمعن في النهاية بحتت فيهم واضبطتهم
ريم . وهيا تبكي .... انا اسفة ياخوتي
مراد . يبكي .... اختي حبيبتي 💔
بعدها مشو لأمهم وتعنقت فيها وحبتها وقعد جوهم تمام ... بس ماتباتش معاهم وهلها فلوووووس💸💸 ومشن ايام وشهور وعلاقتهم تحسنت واجد
وفي يوم كانت قاعدة في حوش هلها الحقيقيين رن الجرس فتحت الباب طلع 😨😨.......
يتبع.....