واختارك ثلج نارك

البارت 1..مقدمه

واختارك ثلج نارك
البارت 1
بقلمي روسكان
لبيج قصص روسكان
ابو لمار..لمورتي باجر اول يوم الج بالجامعه ..مستعده متحمسه ؟؟
لمار..اي بابا كولش مستعده ومتحمسه وبنفس الوقت خايفه..
ابو لمار ..من شنو حبيبي؟
لمار ..يعني لان ماعرف شينتظرني وحياة جديده ماعرف عنهه اي شي وصديقاتي ماكو بس بسمه وياي وهيج يعني مشاعر متضاربه.
وسام ..اسمع يابه بعدهي مادخلت جامعه وتسولف بالمشاعر المتضاربه ..
لمار بغضب ..
وسام اسكت لاتقلد موزين احجي فصحى ولو انت مو مال واحد يحجي وياك فصحى.
وسام.. اي عيني سندس خليت الفصحى الج ..
ابو لمار ..عوف اختك ولاتضوجهه .يله ع النوم باجر وراكم دوام..
وسام ولمار ..تصبح ع خير بابا ..
ابو لمار ..وانتو بخير .
وصاح ورة وسام بنبرة امرة..
باجر توصل اختك وياك للجامعه.
وسام.. صار بابا.
ورحنه نمنه كلمن بغرفته..
اوكفو قبل لايصير الصبح خلي اعرفكم شويه بعائلتي..
اني لمار باجر ح اصير طالبه جامعيه مرحله اولى كليه هندسه قسم مدني عمري 19سنه جمالي عادي بيضه بس مو ثلج عيون بنيه لحظه قصيرة يطلع طولي 154سم ووزني 49كيلوو شعري بني سرح يوصل طوله لنص ظهري وسافرة بدون حجاب.
عائلتي متكونه من الماما والبابا واخوان 2ولد تعرفتو ع وسام هذا اخويه الصغير بس اكبر مني ب3سنوات عمرة 22سنه مرحله ثالثه كليه ادارة واقتصاد قسم ادارة اعمال شخصيته حلوة سبورت ومتفهم وحشاش اصلي ووجهه يضحك وقريب مني كولش رغم يضوجني ويطلع روحي من ينصب عليه .
فلاح اخويه الاكبر مني ومن وسام عمرة 25سنه يعني اكبر مني ب 6سنوات متزوج من سنتين وعنده طفل اسمه عبدالله فدوة لعمرة بس فلاح مو يمنه تزوج وسافر خارج العراق هناك شغله هو استاذ جامعي مخلص علوم بايولوجي وماستر ويدرس بالامارات وكل عطله يجيب زوجته وابنه ويجينه وزوجته حبابه بس بحكم البعد مو هلكد علاقتي بيهه وهو هم فلاح من النوع القافل ومو اجتماعي  مو مثل وسام.
ماما موظفه بالزراعه وبابا مهندس معماري يشتغل بشركه ووضعنه المادي الحمدلله جان حلمي اصير مثل بابا مهندسه معماريه بس ماطلعلي هالقسم صرت مدني وعموما الهندسه بالعراق مالهه مستقبل خاصه للبنيه ورغم هذا استقتلت علمود اطلع معدل ياهلني ادخل كليه هندسه والحمدلله صار الي ردته وباجر اول يوم دوام بالكليه ..
هاي بس المقدمه البدايه وتعريف بالشخصيات وبالليل بارت ثاني