واختارك ثلج نارك

البارت 2..لقاء

#واختارك_ثلج_نارك
البارت 2
بقلمي روسكان
لبيج قصص روسكان
صباح يوم جديد ..
لمار..اول يوم من العام الدراسي بالنسبه الي.
كعدت من الصبح ساعه 6ونص تقريباواخذت حمام بارد انعشني وزاد حماسي جففت شعري ولبست زي موحد تنوره سوده طويله وضيقه وقميص ابيض اكمامه مرفوعه والكم مطبك شكم مره وواصل لمرفق الايدوكان همين ضيق خاصه من الصدر الي يبرز بطريقه لطيفه وجذابه وكان كل هذالبسي ذوق الماماورتبت شعري لان سافره وسرحته وتركته حرولبست حذاء كعب عالي اسودباصرار من ماماواخذت جنطه ايدتلائم ملابسي ولفكس خليت بي دفتر للمحاضرات باوعت لنفسي بالمرايه واااو اناقتي ببساطه وبدون تكلف واخذت مبايلي واللفكس وطلعت من غرفتي بوجهي للمطبخ علمود الحك اتريك.
لمار..صباح الخير
كانت انظارهم موجهه عليه ماما وبابا ووسام وجاوبوني ب صباح النور
ام لمار ..تعالي حبيبي تريكي
لمار ..اي مامابس اول شوفيني شلون طالعه؟
باوعتلي ماما من راسي لحد حذائي وكانه ماشافتني وتفحصت ملابسي شبرشبرمن نزلت من الدرج
ام لمار ..كمر طالعه مابيج ولاغلطه الله يحميج من العين ويستر عليج حبيبتي.
لمار..ههههههه ماما خجلتيني.
ام لمار..حبيبتي الله يحفظج.
وسام..شلون يعني مابيهه ولا غلطه؟
ام لمار..يعني كمر طالعه تخبل.
وسام ممقتنع بكلام امه مو عن شي بس هيج خباثه وجكاره بلمار.
وسام..وراح تحطين طحين شويه بوجهج؟
لمار..لا عيني ماحتاج..
ام لمار ..اي فعلا متحتاجين لان بيضه ووجهج صافي متحتاجين للطحين
وباوعت لوسام صفح وكلتله وانت كافي خباثه ويه اختك مو تريد تضوجهه من الصبح.
لمار ..عوفيه ماما هذا مضغوط مني لان احلا منه
وسام ..اي ام خشم احلا مني من خشمج الي جنه كبايه
لمار..والعباس حته خشمي احلا من خشمك
وسام ضاااج لان لمار وامه متفقات عليه وحده تكبس ووحده ترفع.
وسام..ديله هسه كملي ريوكج لاتاخريني عندي محاضره ب 8ونص.
لمار..عساس هسه انت شلونك همزين جماعتك هالسنه يتخرجون ياكسولي.
وسام ..وج هي سنه رسبتهه شنو ابتليت ع عمري
لمار..نشوفك هالسنه تطلع من اول دور لو هم بالدفرات
وسام..فضيني ولج لاعوفج واروح
لمار..شحدك بابا موجود يسويك 4وصل ههههههههه
وسام ..اني اعلمج تخوفيني بابويه
لمار ..لاتخوفني ولا اخوفك من باجر اشوفلي خط علمود ماحتاج منيتك
وسام..خفةوراحه
#واختارك_ثلج_نارك
لمار..تريكت ع السريع وودعت امي وبستهه وبست باباتي ووصوني ادير بالي ع نفسي ووصوا وسام الخبيث عليه وهو هم يرجعني الظهر وياه بين مااستقر بالدوام واشوفلي خط واصلا وسام عنده سياره يعني ماكو مشكله.
عندباب الجامعه انفصلت عن اخويه ووصاني اذا صار شي او احتاجيت لشي اتصل عليه راساومن تخلص محاضراتي هم اتصل وانتظره يم مكان نتفق عليه وعافني وراح لكليته واني رحت لكليتي.
جنت متفقه ويه صديقتي بسمه انتظرهه ببدايه الكليه مالتنه واني اندل هذا المكان لان بيوم التسجيل ثنيناتنه اجينه نسجل وافترينه شويه واندلينه مكانات بكليتنه.
المهم ربع ساعه واني واكفه انتظرهه يم شجره وهي بسمه تاخرت عليه كولش فاتصلت عليهه لان نرفزني تاخيرهه والجاي والرايح يباوع عليه ومبينه عبالك متيهه يعني مبينه مرحله اولى..
لمار..الو بسمه هاي انتي وينج؟
بسمه..جايه جايه..