واختارك ثلج نارك

البارت 10..اعجااب متبادل

واختارك ثلج نارك
البارت 10
بقلمي روسكان
لبيج قصص روسكان
ورة الغده رجعت نمت ..واول نا اجه وسام من كليته صعد لي يمي يطمئن عليه.
ها لموشه حبيبي شلون صرتي ؟
بتعب حاجيته..
احسن .
وج شبيج متستحملين شويه برد.
هو برد لو الصخونه هدت حيلي فلشتني تفليش.
وهسه فكتج ؟
اي ماما قاست حرارتي 37.7.
يله عندج العافيه كلبي ..ميت من الجوع رايح ابدل وانزل اتغدع وراجعلج .
لااا لاترجع.
ليش ولج ؟
نعساااانه بس اريد انام .
وج من الصبح لسه نايمه .
الدوة ينوم والابر همين .
ياعيني حبيبي يله ان شاء الله سلامتج.
شنو هاللسان العسل ..اليوم مدللني .
اي غير مريضه وندللج لو متردين .
لاعيني اريد اريد ..معوزة دلال اخويه حبيبي .
اوووف فديتج .
كام وباسني من كصتي وطلع لغرفته يبدل.
رجعت نمت وللساعه 8بالليل وعيت ع ماما تنده بيه وكاعده يمي وجايبه شوربه دافيه كعدت ع حيلي ووكلتني وضربتني ابرة بالكانوله وبابا حبيبي هم اجه شافني ووسام وكولهم كاعدين يمي بس يصنفون عليه يكلولي الجهال احسن منج يضربوهم ابرة وحده وعلاج ويكومون يلعبون كولشي مابيهه الا انتي ماصدكتي تمرضتي من الصبح لليل نايمه لكيتيهه حجه واني مالي خلك اضحك ولا ارد بس دافنه راسي بحضن بابا واباوعله بتوسل علمود يرزل وسام ويكف عني تحشيشه والله مابيه حيل اخر شي حسيت روحي صدوك صرت زينه بس بعدهي عظامي توجعني وابرة الصبح همين هههههه طلعو وعافوني صحت ماما..
ماما حبابه هاج اخذي جهازي شحنيه ..من الصبح لسه طافي مابي شحن .
ماشي ومن تريدين شي صيحي اخوج ترة بعد كاعد .
صدوك اليوم خابرت بسمه وكالت باجر راح تجي تشوفج بعد ماتخلص دوام حاجيه الصبح ويه اخوج لان تاخرتي ع الخط ووسام كايللهه مريضه وكالتله راح تمر عليج بالرجعه بس الظاهر متاخرة بالمحاضرات ومامرت .
اي هلا بيهه .
بسمه ماكو منهه حبابه خوش بنيه .
اي والله ..هسه بس يشحن جهازي الكاهه حاركه الفيس حرك اتصالات ورسائل .
يله حبيبتي ارجع لشغلي .
راحت ماما شحنتلي الجهاز..
ماما عفيه دزيلي وسام.
ماشي حبيبتي ولاتطولين بالسهر ولو اليوم نمتي هواي .
ماشي حبي .
شويه واجاني وسام .
هاحبي شلون صرتي ؟
احسن ..
خله ايده ع كصتي فزيت ايده بارده.
شبيكم اليوم ماخذين كصتي كباله شو ياهو اليجي وكبل حط ايده ع كصتي وكمزني وايد ابرد من الثانيه  شجاكم.
ههههههه اذا تفزين من نحط ايدنه معناتهه بعدج مصخنه .
لاماما كالت طبيعيه صارت حرارتي راحت الصخونه.
اي بس شويه بعدج دافيه كون تعركين حته تر وح فد مرة.
ان شاء الله هسه افتح صوبه .
ههههههه صايرة حشاشه.
لا بس هاي الصخونه دتحجي مو اني ..
خوووش.
اي ماما كالت اليوم جايه بسمه سولفلي .
اي عادي مصار شي مثل ماسولفتلج ماما سالت عليج وكتلهه مريضه .
يعني ماضوجتهه بسوالفك ؟؟
يااضوجهه ياسوالف ..وج هي غير صايرة كيكايه .
هههههههه ولك مو هاي بسمه ام فليس ام الفلافل تكول عليهه .
لاعمي اني ابو الفلافل بطلنه نقلد راح نبدي نزحف.
ههههههه لايا ملعون ..اكول جياتك هنا كثرت اليوم ولازك يمي وحنين وشلون صرتي ماشلون صرتي تاليتك مو خالي .
وج اكولهه كيكايه صايرة .
كافي كافي افتهمنه.
ماطولج افتهمتي نسقيلي وياهه .
شلون يعني ؟
رقم ،فيس،فايبر.
لالا اني معليه .
وج لعد عليمن اعتمد هي مو صديقتج.
وتريدني اخسرهه من وراك هي متقبل بهيج سوالف .
يايمه فديتهه المتقبل ..اني اخليهه تقبل بس شمريلي رقمهه .
اي يعني شوف جارة لروحك وطلعني من حساباتك بس هاا جارة مال اوادم مو دروب عوجه .
اي اي افتهمنه بس ساعديني .
اي بس شويه راح اساعدك .
شلون ؟
هي باجر راح تجيني ورة الدوام من وكت .
اهاا يعني باجر ماتداوم .
لا ليش هسه افتح نت احاجيهه واشوفهه بيش الساعه تجيني لان باجر عدنه بس محاضرتين .
هاا خوش.
ومن تجي عود انت حاجيهه واني لهنا وخلصت مساعدتي بعد معليه ..
عمي انعم الله بس شوفيلي شوكت تجي باجر.
ماشي ..صدوك باجر تروح تودي الاجازة المرضيه مالتي للقسم .
اي بعيني .
تطيهه لمقرر القسم مو تنسه .
اي اي افتهمنه.
يله هسه اشطح اريد اخابر بسمه.
اوك عيني راح نشطح بس لاتنسينه.
غمزتله ..ابد بعيني ..
طلع وسام وكمت اخذت مبايلي من الشحن زين شاحن رحمه الله فتحته وفتحت نت .
رسائل ركع من محمد..
يايمه ياويلي..
72رساله ..ههههههههه.
طلع عنده نشط وتمت الرؤيه .
راسا دزلي ..
ويييين جنتي لخاطر الله ؟؟
ضحكت فرحانه بخوفه عليه ..
كتبتله ..
الناس تسلم بالاول ..
كولي وين جنتي واسلم .
مرريضه ..
ياستار شبيح ؟
فلاونزا بالعظام ..وصخونه  ..حرارتي علكت ودخلوني مستشفى الصبح .
الف سلامه عليج ..بيه ولابيج ..وهسه شلون صرتي ؟
تسلم ..هسه صرت احسن بعد الابر وبعد ما زرفو ايدي بالكانوله.
هههه خطيه وحرارتج ؟
نزلت صارت طبيعيه .
الحمدلله.
طكيت صورة للكانوله الي بيدي ودزيتله .
شوف ..كانولتي  بعدهي بيدي.
محمد ..من دزتلي صورة ايدهه والكانوله بيدهه ..صفنت ..ايدهه بيضه وناعمه