واختارك ثلج نارك

البارت 8..اختبار ثقه

واختارك ثلج نارك
البارت 8 :
بقلمي روسكان
لبيج قصص روسكان
محمد ..
عيوني ..
اريد اعترفلك بشي ..
اي گولي..
بس قبل لا اعترفلك راح اطلب منك طلب وطلبي هذا اختبار الك اعتبره واريدك توعدني متخلف وعدك اليه.
ماااشي ..شنو الطلب ؟
ماريدك تدور عليه .
شلون يعني مافهمت وين راح تروحين ؟
ماراح اروح لمكان ..بس الي ردت اكوللكياه انو اني وياك بجامعه بغداد.
حسيته انصدم..
صدوووك؟
وشايفتك وشايفني بس انت متعرفني وع اكثر متتذكرني .
شلون يعني شايفج ؟
يعني متشاوفين بس حباب لاتسال بعد ..وطلبي هو ابد لاتدور عليه ولاتحاول تعرف شكلي او توصلي .
ليش ؟
بدون ليش اعتبرة اختبار ثقه الك.
فكر محمد شويه وجاوبني..
اوك موافق.
فرحتني .
دوم يارب .
استمرت احاديثنه كتابه لساعتين او اكثر ومانتبهنه للوقت من مرر.
رفل ؟
نعم..
راح اتصل اذا عندج مجال .
اوك.
واتصل بيه محمد..الوو..
مرحبا ..
مراحب ياهلا بيج.
ضحكت اني بخجل ممتعوده احجي ويه ولد بالفون غير ويه بابا ووسام ..ظليت ساكته..
احجي ليش ساكته ؟
شاحجي؟
اي شي ببالج.
ماببالي شي.
صوتج حلو.
بخجل ..شكرا ..
العفو..
اي شلونج بعد .
تمام التمام الحمدلله وانت ؟
بخير،اذا انتي بخير .
امممممم.
لاتأمأمين .
ليش ؟
اكره هاي الكلمه عود شنو معناتهه ؟
اني من استخدمهه يعني دا افكر .
بس هي الهه غير معنى.
شنو معناهه تعرفه ؟
اي سامع بي .
كووول .
اممممم معناهه احبك .
لاااا.
والله شبيج.
ماصدك.
لا صدكي.
ههههه لعد بعدماكولهه.
اي احسن .
عندي اعتراف ثاني الك .
اويلي ..كوليلي شنو اعترفييي.
اليوم جنت لابس بدي رصاصي وبنطرون كابوي اسود وحذاء اسود وشاد السترة مالتك ع خصرك.
اي شمدريج ؟
اني كتلج صح ..
لا ابد ..اني شفتك..دخلت النادي وانت تراسلني واني جنت موجوده بالنادي ..
لالالالا..
والله ..
صفن محمد شويه وكتب بخباثه..
عاد طالع حلو جنت ؟
جاوبته ..

عين الله عليك.
فدوة لگلبج..بس ترة حرام ..
هو شنو الحرام ؟
موعدل هذا ميصير هيج.
ليييييش ؟
انتي شايفتني ويمكن يوميه تشوفيني واني لا .
هههههه هيج احسن.
لا مو احسن .
هااا انت وعدتني .
وكد وعدي بس بعدني اكول هاي مو عداله .
عاد وصفيلي شكلج .
اوصفلك شكلي ..
اي مابيهه شي ترة.
اسأل واني اجاوبك.
لا انتي وصفيلي خاف تنحرجين من اسألتي .
وليش انحرج ؟
لان ..لان اني مو حباب .
شلون يعني ؟
بعدين حتعرفين شلون .
اوك اني بيضه عيوني كبار بنيات وجهي دائري.
خدود لو غمازات ؟
خدود .
فديييت ..كملي .
قزومه طولي 154سم.
ياويلي ليوين توصليلي يعني اني 182سم.
لاتقلد محمد ..
ماقلد كملي.
كملت .
شنوكملت لعد وجسمج ؟
محمد!!
زمخت بي !
مو كتلج مو حباب .
رشيقه.
رشيقه. بمعنى معصعصه لو رشيقه بمعنى مربربه؟
محمد شنو هالاسئله  ترة دتحرجني ..
يعني هسه خجلتي ؟
حاجيته بغضب ..
محمد راح اسده ..
وهو كمل ..
وخدودج صارن حمر؟
راح اسده كتلك !!
هههههه فدوة لا يله بطلت بطلت لاتسديه .
سكتنه شويه ..سمعته تنهد وكال..
اتمنه اشوفج ..
سكتت اني ..حسرته الي جرهه انجرت بكلبي هو انعجن بكلبي دااضعف كدامه اتمنه يبادلني نفس مشاعري حجيتهه ويه نفسي..
كوليلي شي محد يعرفه غيرج عن نفسج يعني نكجر نكول سر.
تريد تعرف اسراري ؟
اي ياريت.
امممم.
هم امأمتي !!
قصدي دا افكر .
وشطلع وياج.
ماعندي اسرار.
معقوله .
اي معقوله ..كتاب مفتوح اني .
حلوو ..واني اريد اقرة هذا الكتاب.
منو مانعك؟
ماعندج اعتراض يعني ؟
ماعندي اطلاقااا.
سكتنه شويه ..
راسي يوجعني ..
سلامتج ليش .
يمكن فلاونزا لان بلاعيمي هم توجعني .
شلون صار هيج ؟
سبحت ونمت بدون حته ما انشف شعري.
اممممم ليش بله .
جنت تعبانه.
شعرج شطوله .
يوصل لحد نص ظهري.
حلو شنو لونه .
بني مثل عيوني .
اممممم فديت .
باجر تداومين مو ؟
ان شاء الله .
باوعت للساعه اخترعت شبسرعه هيج مر الوقت .
يااا ساعه 3:30الفجر..
اي وشكو بيهه ؟
شلون شكو بيهه غير عندي دوام .
واني هم عندي دوام ..بس ..بس محسيت بالوكت وياج .
واني همين محسيت ..
كلتهه فرحانه ..
معبالي هلكد صارلنه نحجي ..باجر شيكعدني للدوام.
اني اكعدج بس بقي النت مفتوح ..بيش الساعه يوميه تكعدين ؟
ب6:30اكثر شي .
ههههه وتلحكين ؟
الحك ع شنو ؟
مكياج وشعر وتبديل وبعد مكياج ..
شسالفه شدعوه هلكد مكياج ههههه لا اني ماحط مكياج وشعري سرح يعني ميحتاج بس اسبح وانشفه وامشط وملابسي احضرهن من الليل .
حلو هيج اول مرة اسمع بنيه متتاخر بالتبديل .
اني غيييير.
ماشي لعد سته ونص اضبط المنبه مالتي وادوك عليج علمود تكعدين خاف تاخذج نومه .
اوك وراح ابقي النت مفتوح.
يله عيني تصبحين ع خير .
وانت بخير.
باي .
الله وياج .
اعرف بارت قصير بالليل ان شاء الله هم انشر وتتدللون ..تحياتي .