واختارك ثلج نارك
البارت 13
بقلمي روسكان
لبيج قصص روسكان
وخرررر ايدك عني محمد ..
نفضت ايده مني ..صفن عليه ..شلون عرفت اسمه ..
صارت هوسه يمنه الجامعه كولهه التمت حسيت بروحي انفضحت بدون سبب ولاذنب ..
والولد تدخلوا ووخروه عني ويسكتون بي المصيبه مو هنا المصيبه الاكبر اخويه وسام اجه ركض وهجم ع محمد وتعاركوو دك بوكسات وكوه الولد فاككوهم واني منهارة بس ابجي ..
ووسام يكولي احجي شسوالج واني بس ساكته ودموعي تصب عشرة عشرة وكل عقلي افكر يعني و وسام ميدري ولاسمع شي من كلام محمد وقررت اوصل للبيت واعترفله لوسام بكولشي صار .
وسام يسوق سيارته راجعين للبيت ع اعصابه وكل شويه وضارب ع الستيرن وبسمه تهدي بي وصلهه ع السريع لبيتهم ورجعنه للبيت ..اول مادخلنه جرني من ايدي وصعدني فوك لغرفتي ..رعب ..خوف ..ماعرف بشنو جنت احس ..كولشي بيه يرجف خفت خاف وسام يمد ايده عليه ..والله ممسويه شي ..
قفل باب غرفتي عليه ودخل واشوف عيونه حمررر وتجدح نار من الغضب البيهه ويقبض ع ايده ويكورهه وحته اباوع الشرايين من كثر مقابض ع ايده تريد تطلع من مكانهه .
كعدني ع جربايتي وظل يفتر بالغرفه يروح ويجي مثل واحد يريد يهدئ بنفسه ميريد يتسرع ويظلمني ويتصرف تصرف طايش يندم عليه بعدين.
وكف كدامي ..وباوعلي بعيوني ..
لمار احجيلي هذا السافل شعنده وياج ؟
ظليت ساكته خايفه شاكول ..شلون ابدي اسو لفله ..
صرخ بوجهي ..
لمااار ..سكوتج يستفزني ويخليني افكر بشغلات موزينه .
وسام فدوة لعينك بس اهدا والله مامسويه شي ولاعندي شي وياه بس خايفه منك ..معكود لساني ..اهدأ واحجيلك الله يخليك ..
يمكن كلامي هدأه ويمكن حس بخوفي منه وعرف هو ديخوفني ومدا اكدر احجيله وامن شويه لان حلفتله ماعرفه للولد وماعندي شي وياه.
كعد يمي ع السرير ..
وهاي هدأنه..يله سولفي لمار .
قبل فترة ..شعر او اقل ..ولد اسمه مصطفى من كليه الصيدله اجه صارحني .
اي ؟
وعادي يعني رفضته ..
وظل يتردد للكليه مالتنه ..واجاني مرة ثانيه وهالمرة يكولي نيتي شريفه وانتظرج لمن تتخرجين ياله اخطبج وطيني امل عوزه بس شويه ويتوسل ..وهم رفضته وماجاز مني واخر شي قبل يومين هم حاجاني وكال يحبني ومن هالسوالف اخر شي وكع الولد كدامي بالكاع اغمى عليه يمكن .
يطبه مرض ..كملي ..
اجه صديقه هو ووياه ولد شالوه للمركزالصحي بس صديقه ظل يتوعد بيه ..
وكمت ابجي واشهك انهاريت ..
عله صوته ..
وليش اني ماعرف بهذا الحجي كوله ؟؟
لمار مو اني حاسب نفسي صديق مقرب الج قبل لا اصير اخوج ليش ماحجيتيلي ؟
بين شهكاتي كمت اكوله ..
خفت والله خفت ..
شنو ؟ من شنو خفتي ؟
كمت اكول كلام ميكدر يفهمه وسام لان زاد البجي مالتي كمت اختنك وماكدر اسحب نفس اتنفسه اختنكت ..
لمار كافي بجي ..رفعي راسج وحاجيني ..
عله صوته عليه شويه ..
لمااار شدا احجي اني ..كافي بجي وحاجيني ..جاوبيني من شنو خفتي ؟
خفت تبطلوني من الكليه ..خفت يوصل الكلام لبابا وانت تعرفني وتعرف الهندسه حلم حياتي ..
وليش هيج فكرتي اذا انتي معندج شي وياه ؟
والله وداعه ماما وبابا مااعرفه لمصطفى ولاعندي شي وياه وحته من اجه صارحني رديته بكل ادب وماتجاوزت حدودي وياه ولا تماوعت ولااطيته امل بشي ..بس خفت ..خفت حيل ومافكرت غير بس بدراستي وكليتي لذلك ماحجيتلك .
واليوم شصار ؟ منو هذا الجان يصيح عليج ؟نفسه مصطفى ؟؟
لا هذا صديقه ..
شرايد الثاني انوبينه ؟
افتهمت من كلامه مصطفى محاول ينتحر من ورايه واهله كوة لحكوه وهسه هو بالمستشفى ..اجه تعارك وياي يكولي من وراج وعلساس اني مأملته .
يطبه الف مرض هالسكط هذا ..بشر ميريدك يعني هي كوة .
اسكتي كافي لاتبجين ورمت عيونج من البجي .
ش
اي اي..
مسحت دموعي وهدأت شويه ..
شراح تسوي ؟
راح تكول لبابا ؟
لا ..ابوج اذا عرف يسويهه عشاير ويجوز تنجبرين تبطلين من كليتج .
بس اني ممسويه شي والله ماغلطت .
هذا مجتمعنه التعبان يذبون الصوج بالبنيه حتلو مغلطانه بشي ويمكن حته انتي الي تبطلين لان متكدرين تتحملين كلام الطلاب ونظراتهم الج .
والحل ؟
الحل بااااجر ..للحكايه بقيه ..تصبحون ع خييييير .
أنت تقرأ
واختارك ثلج نارك
Romansaلمار بنيه تنعجب بشاب وياهه بالجامعه وتتعرف عليه ع الفيس بدون ميعرفهه وشاءت الصدفه انو صديقه للشاب يحبهه تتعقد القصه وتتشابك الاحداث ويفترق الحبيبين ويستمر الغموض لان الشاب لسه ميعرف شكلهه . سوء الحظ وسوء الظروف كوله راح يلعب دور بفراقهم هل يرجعون ين...
