عقبات حياتي

😰 تحرش 😰

بعد ما جواد وصلهم لصالا و رجع لدار دخلو هوما للاصال لقاوها كبيرة بزاف و واسعة و شابة و ميكس معمرة بقلاوات

رهف : اويااااا كي شااابييين😍😍😍
فرح : وااه سيغتو كراسا خادمينهم بدونتاال😍
رهف : راني على هاديك جماعة تاع ليجان😒
فرح : صااييي بديتيها 😂.. هيا نحكمو بلاصة حدا لبونكي باش نشوفو لين غاية
رهف : واه واه 😉... سڨمي لمشيا خير ما طيحي ڨدامهم 😇
فرح : هههه بلعيي😁

راحو جمعو شوية حتى دخلت العروسة مع لعريس💑 و بدات دير في عرض الازياء بلبستها تقليدية و فرح مع رهف يضحكو و يڨصرو مع لموسيقى و العرسان و حانت اللحظة التي ينتضرها الجميع وماذا سيكون غير الاكل 😋

فرح : رهف ختي حمبوك ما تحشميناش كولي غي بشوية 🙏
رهف : لهاي في روحك انا كلشي ولا لماكلة تعرفيني🙍
فرح : صحا خليني نجي ڨدامك ندرڨك خيرما يشوفوك هادوك ليجان😅
رهف : علاه باغي ناكل انا ماغاديش ندير حاجة وحدوخرة 😒
فرح : واااه مشفتيش نتي تفقدي الانوثة كي تبدي تاكلي 😂
رهف : درڨيني و سكتييي😒

بعد ما كلاو و عمرو كرشهم مليح دخلت لعروس بلباس تقليدي و جات لغنية لي تموت عليها رهف

رهف : هياا فرح والله يلانبغيها نوضي ترقصي معايا
فرح : باغي تكشفيني 😒... جامي
رهف : هاييااااا 🙏
فرح : روحي روحك 😒

راحت رهف عند العروس و نوضتها بدات ترقص معاها حتى لي شبعت💃 و كي جات راجعا لبلاستها حبسها واحد بقلاااوة معسله حطلها نيميغو تاعه في يدها و رجع لبلاسته هيا راحت و المشاعر مخلطة ( فرحة مع خلعة )

فرح : ماله هاداك شا بغا عندك ؟؟😒
رهف : عطاني هادي 😉
فرح : ونتي باغي تعيطيله 😮
رهف :منيش عارفة امبعد نشوف😳
فرح : علابالكي بلي جارنا حسام شافك 😶
رهف : ما تخلعينيييش حمبووك 😧
فرح : والله العظيم 😞
رهف : اوياااا راحت علينا لپارتيااا 😨.. خميلي في كاش كدبة 😰
فرح : حنا وينتا فرحتنا كملت حمبووك😣
رهف : اففففففف 😤

بعد شوية لبست العروس الفستان الابيض و راجلها الكوستيم و جابو پياسمونتي كانت شابة بزاف نهاية العرس😍 .. عيطت رهف لجواد باش يرجعهم لدار .. جا جواد ركبو

جواد : كي فوتو لعرس ؟؟😐
فرح و رهف : فونتاستيك😇 ... ( وبداو يحكو من a حتى z )

وصلو لدار بدلو قشهم و صوالحهم و بداو يحكو لامهم راح جواد برا مع صحابه و دخل الاب منارڤيييييي

الاب : فرااااااح .. رهاااف وين راكم😬
فرح و رهف : وي بابا شاكاين😦😧

الاب حكم فرح و رهف مشعر و بدا يسحب فيهم و يعيط و يعاير و يسب😠 و هوما ما فاهمين والووووو 😭و الام تسلك و تبعد فالاب و هوما يعيطو و يبكو 😭حتى دخل جواد تشوكا 😲من المنظر و راح يسلك لبنات ..... جواد بعد الاب و خرجه برا و بدا يهدأ فييه😶 و باغي يفهم شاكاين و لبنات ڨاعدين مع مهم و شعرهم مخصر و يبكو ولخناين😭😪😢 ...

فرح : جااامي فرحتنا تكمل جااامي 😟
رهف : بصح علااه شا درنا حنا 😧
فرح : هادييي و الله ما عيشا رانا عيشينها 😤
الام : باينة درتو حاااجة باااينة
رهف : والله ما درنا حاجة يا ماما والله 😩
الام : صحااا روحو دوشو و مبعد كي يجي نفهم منه

فرح طالعة و تبكي و تعاير و رهف موراها ... شوية حتى دخل جواد و معاه الاب

الام : شاكاين فهمونييي ... 😟

غمزلها جواد زعمة دوك نحكيلك ... و طلع الاب عند لبنات

الاب : فرح وين راكي ؟؟؟ 😠
فرح : وي پاپا رانا هنا 🙇😫

الاب دخل عند فرح وهو معصب ومشي منجم يشوف فيهم 😡

الاب : شوفو انا دروك نوصيكم وهدراتي منعاودهاش .. تسڨمو رواحكم صحا و بها خير ما تسڨموش رواحكم تڨعدو فدار و مكانش قرايا راكم تسمعوووو 😠
رهف : علاه پاپا و الله ما عرفت شادرنا😥
الاب : يااااك زيدو لعبولي على المورال زيدو 😬
فرح : صحا پاپا سمحلنا اي حاجة مشي مليحا بلاك مقصدناش درناها اسمحلنا 😢
رهف : متأسفيين پاپا 😥

خرج الاب قريب ما طير لباب لقا الام تسمع برا ... دخلت عندهم

الام : هادي هي لي وصيتكم يااك
رهف : شادرنااا 😧
الام : سيغتو نتي غي بلعييه 😒
فرح : هياا ها ڨولي ماماااا 😟
الام : علاه تهدرو مع لولاد فلعرس علااااه ؟؟؟
رهف : ما هدرتش معاااه هو جا عندي مدلي نيميغو تاعه انا مادرت والو 😖
الام : بصح شافك جارنا لي مايتسمااش و جاب لخبر حاميي لپاپاك🙍 .. و لوكان مشي خوك جواد لوكان لافاك نحرمت عليكم
فرح : اوووفففف😥 و جواد شا ڨال
الام : جواد هو لي هدأ پاپاك و قنعه بلي ممكن هدرت هاداك حسام كذب و مشي نيشان 😑
فرح : اوكي اوكي 😩
الام : بناتي علابالي هاد لاج صعيب و المرأة تكون فيه حساسة بصح صبرو حتى يجي صاحب النصيب و متوسخوش شرفكم و شرف عائلتكم
رهف ( عنڨت ماماها ) : سمحيلي ماما جبتلكم لهدرا 😖
الام ( بادلتها لعناق ) : هاد لخطرة حمد لله فاتت على خير مي خطرة جاية و الله پاپاك يقتلكم 😟
فرح : اوكي ماما ديزوليي 😔

(يتبع ..... )

======================

رايكم فلپارت ؟؟؟
راني نشوف بدا اعجابكم لجوااد هههه