عقبات حياتي

🌊الرحلة 🌅

بعد ما كانو ساكتين و كل واحد لهاي في ماكلته حتى ينطق الاب

الاب : بنسبة لنزهة تاع لبحر راني وافقت و وجدو رواحكم غدوا نشالله نروحو لسكنة لي باغي نكريها 😑

فرح و رهف شافو في باعضاهم نظرة فرح و راحو عند پاپاهم يعنقو و يسلمو عليه😘 .. الاب تشوكا ماكانش يقارع فردة فعلهم😮 ... شاف فيهم جواد

جواد : هيا نوضو عاونو ماما باركو ما تورنوو 😒
الام : ليوم انا نغسل القش و نتوما وحدة دير نتواياج و وحدة دير لماكلة
فرح و رهف : اوووكيييي ماما كيما تبغييي 😊

ناضو لبنات فرحانين و كل وحدة لشغلها الاب راح يخدم و جواد طلع لشومبرا تاعه ... بعد شوية جا نازل جواد بلحطة😎

رهف : پاپاپاپاپاااا الله يبارك شاهاد زين😍
جواد : خمسة في عينيك😒
فرح : ما تڨوليش باغي ترندف ؟؟😏
جواد : صااييي بداو تقرعيج تاعهم 🙍
رهف : سلم عليها كي تشوفها 😏
فرح : اوووه راها في ڨلبي نشوف مرت خوياا 😇
جواد : بعداااا ولات مرت خوووك😐
فرح : ههههه واه على بالك مبعدا توالي هي تعاونا في شغل دار 😂
جواد : هادا ما تعرفووو 😕.... بعدو مطريڨ 😒

راح جواد ...و كملو صوالحهم لبنات و بداو يوجدو لصوالح غدوا بويسك كانو متحمسييين .... راحت الام دير لاسياست حتى دخل جواد طلع لشومبرته و يلحقوه لبنات

رهف : يادرا جواد كي كان نهار 😏
فرح : شاكانت لابسة 😃
جواد : روحو بعدونيييي 😑
رهف : ڨولنا كي سموها .. هياااا 😁
جواد : جمعو نحكيلكم ديجا راني باغي نعرف وحد صوالح عليكم نتوما لبنات 😅
فرح : احنا تحت امرك 😉
رهف : هيا هيا ڨووول 😄
جواد : البنت سموها رغد و عندها ١٨ و شابة عليكم لزوج 😂
رهف : خطينا من هاد الاستفزاز كل وحدا وزينها ... ڨولنا شا كانت لابسة 😒
جواد : نوغمال سروال دجينز و كونڤارس و تريكو مع ڨاغديڨون و خيمار 😳
فرح : مممم و يادرا عقليتها مليحة ؟؟😃
جواد : على هادي بغيت نسقسيكم .. كيفاش نعرف لبنت بلي راها سوريو معايا ؟؟
فرح : بااينة كي تكون تهتم بيك و ماتشوف حتى واحد من غيرك و تغير عليك و تسمعلك الهدرة و تحتارمك
جواد : الله يبارك عندك الخبرة 😒
رهف : مي نوصييك ماتبينلهاش بلي تبغيها بزاف پاسكو تولي تعفس عليك😶
جوااد : ههههه بدا شونطاج 😂
رهف : شونطاااج ؟؟... نتا مشي مليح واحد ينصحك😒
فرح : جواد ما تلعبش بلبنت اذا كنت تبغيها شوف عقليتها و روح خطبها و يلا ماعجباتكش ما تأديهااش
جواد : جامييي ختيتي انا كيما مانبغيش عليكم ما نبغيش على بنات ناس 😉
رهف : نعرف خويااا راجل و سيد رجال 😘
جواد : اكيييد هههه 😏
فرح : وينتا نشوفو ست الحسن و الجمال 😋
جواد : نهار لي يجي لوقت ... ايا روحو و خلونيي نريح
فرح : نزل تاكل و مبعد ريح😉
رهف : فرح علاااه نتي غبية كيما هااك باااينة كلاا معاها 😏
جواد : هههههه هيااا ها روحو 😅

فات هاداك النهار كيما كان لحال و جاء ليوم المنتظر صباح و جدو لبنات ڨاع صوالحهم باش يروحو بلوطو و في وسط طريق دارو حااالة

الاب : بن عمييي نتوما نساا شعال طولووو 😡
الام : انا لا زدت خرجت معاكم هااا وجهيي😤
فرح و رهف : هاااصايي باغي تخرجوها منا هاد لفرحة 😩
جواد : الله ينعل بو ليتمشى معاكم 😕

وصلو لهاديك دار كانت شابة بزااف و واسعة الام و الاب داو شومبغ و فرح مع رهف شومبغ و جواد شومبغ خملو صوالحهم في هاديك الدار و جاو نازلين لبحر

الاب : ويييين ويييين ؟؟
رهف و فرح : هاودين لبحر 😅
الاب : رجلكم على رجليي 😑
رهف (في قلبها ) : هاااحي كملتتت😥
فرح : تنزل ماعانا پاپا ؟؟؟😅
الاب : راني عيان دروك خلي حتى مور لعصر 🙍
جواد : يهودو معايا پاپا 😇
الاب : ايا اوكيي 😉
الام : حرزهم ملييح😉
جواد : يحركو عينهم هاك ولا هاك نعميهم 😶
فرح و رهف : امشي مشي 😒

نزلو لبحر و كراو طابلة شابة و جمعو و بداو يڨلعو في صوالحهم

فرح : شوفي لبنات ڨاع بلپيكيني و لمايو .. ولمتحجبات بلبيغكيني وحنا بلبدعية رانا نبهدلو
جواد : وااقيل راكي باغية تلبسي مايوو ؟؟؟ 😨
فرح : لالا شا لبسني مايووو 😰
رهف : شكون يعرفنااا .. خلينا نزهاو ونديفولو هاد ليامات ما يتعوضوش 😉
جواد : ادخلو تعومو نتوما و انا ني ڨاعد هنا فطابلة
رهف و فرح : احرز كاش ما يخونولك دوك شوية ونرجعو 😇
جواد : هههههه راكم تسينيالو بهاد لبدعيااات هه😂
رهف : الها غي في رغد تاعك بزااف عليك 😒

راحو لبنات يعومو و هو مجمع يكونيكتي مع رغد لي خايفاته يلا يكحل على لبنات و هو ينارڤي فيها خطرة خطرة يڨولها ويااا زلة فاتت علياا ... بعد ساعة و نص خرجو لبنات بردانات و يحوسو على سرابيت و هو يضحك عليهم

جواد : سبحاان الله تڨول جامي شفتو لبحر 😆
رهف : جيب سارڤيات و مدخلش رووحك😒
فرح : اوووو لبحر كي يجوععع😫
جواد : اڨعدو نتوما وانا ندخل دروك ندير غطسة و نخرج
فرح و رهف : ما طولش باش نعاودو ندخلو😏
جواد : مازال ما قنعتوووش😮 ... الله يهديكم 😌

دخل جواد و لبنات ياكلو و عاجبهم لحال و يدير سالفيي حتى يشوفو ناس رايحيين من جيهة وحدة

فرح : شوفي ناس ڨاع راهم رايحين من هاديك جيهة باينة كاش واحد غرق 😮
رهف : وييين رااه جوااااد ..... 😨

( يتبع ...... )

======================
اعطوني رايكم فلپارت
شا تتوقعو القادم ؟؟؟