انا عندي اخو واحد وهو اكبر البيت واختين وانا الأخت الواسطانية واقعة بين الأخت الكبيرة والصغيرة .. اخواتي ديل دايما بتفقو علي ومدخلني ف مشاكل مع امي وابوي .. لكن ابوي بريدني شديييد وم برضى فيني عكس امي تماما بتشاكلني وتنهرني وم بتعاملني كويس نهااائي 😔 انا م عارفة مشكلتها معاي شنوو وبتفضل اخواتي التانيات اكتر منيي وبتحبهم وتدلعهم بس انا لا 💔 .
يلا اختي الكبيرة دي إتخرجت من الجامعة وقاعدة ف البيت ساي وانا فاضل لي سنة واتخرج واختي الأصغر مني ف تانية جامعة واخوي الكبير شغال محاسب في بنك وأبوي راجل كبير ف السن ونازل معاش من بدري .
#الليلة الأحد وانتهت الإجازة ونزلت سنة جديدة وخلاص بقيت خرييجة بين مبسوطة وزعلانة مبسوطة لأني ح اتفكى من الجامعة المتعبة والقراية ومن ناحية زعلانة اني ح افارق شلتي القضيت معاها 4 سنة💔 وحواماتنا وطلعاتنا ولمتنا ح افقدها شدييد والله .😢
#المهم خلصت برنامج التسجيل ودفعت القروش واستلمت بطاقتي .. وضربت لي صحباتي (آمنة وشيماء) لاقييتهم وكنت متشووقة اشوفهم 😍 ومشتاقة ليهم شديييد وقعدنا وحكينا كتيير وكل وحدة حكت كيف قضت الإجازة حقتها .
وأنا إجازتي كانت كلها عبارة عن بكى وزعل ونفسيات 💔 كلو بي سبب أمي واخواتي وتعاملهم الكعب معاي رغم اني كويسة معاهم شديد وبحترمهم لكن م عارفة السبب شنوو (ح نعرفو قدام إن شاء الله) .. وصراحة خجلت اقول لي صحباتي إنو إجزاتي قضيتها نفسيات 😔 قلت ليهم والله نووم بس مافي اي موضوع😃 ؛ قعدو يضحكو قالو لي ااي بااين من جضومك بقيتي سمينة ومروقة ضحكت وقلت ليهم شكلو الليلة مافي محاضرات ارح البيت شيماء قالت لي اي اصلا اول يوم كدا مافي شي .. #المهم مشينا كلو وحدة مشت ع مواصلاتها ؛ وصلت البيت اول م دخلت أمي جاتني مالك إتأخرتي كدا ي سجم شكلك قعدتي تتصيعي لي ف الجامعة وتطلعي مع صحباتك الماكويسات ديلك .. قلت ليها ي امي والله م مشيت اي مكان سجلت وقعدتا شوية مع صحباتي وجيت طوالي .. قالت لي انتي كذااابة دي كذبتك حقت كل مرة (وانا م حصل كذبت عليها خالص دايما صريحة معاها).. حلفت ليها وم صدقتني برضو .. قمت قلت ليها ي امي انا حلفت ليك و انا م ببرر ليك اكتر .. قالت لي وكمان بتتلأمي معاي ؟ انا خايفة عليك وطوالي ادتني كف وانا بس كضمتا والكلام غلبني قالت لي يلا امشي غيري هدومك وصلي وتعالي اتحشي .. مشيت شلت غياري ودخلت وقفلت باب الحمام وبقيت ببكي وببكي لمن جاتني حمى وصدااع جات اختي دقت باب الحمام قالت لي امرقي خلاص ي حيوانة انتي راجينك بالأكل .. قلت ليها اكلو م تنتظروني قالت لي يوم متين بننتظرنك نحنا كان م ابوي قال ننتستناك .. قلت ليها كويس وسكتا .. بقيت بحاول انشف ف دموعي وم قادرة تقيف نهاائي .. #يلا غيرتا وجيت قعدتا ابوي قال لي مالا عيونك دي حمرا كدا ؟ قلت ليهو مافي حاجة .. طبعا م بقدر اقول ليهو دي امي ادتني كف عشان م اعمل مشاكل وخصوصا انو م برضى فيني .. قال لي خلاص اكلي وامشي نومي شكلك عيانة .. قلت ليهو كوويس .. م قدرت اكل زي الناس قمت طوالي .. ومشيت دخلت جوة الاوضة رقدتا وقبلتا ع الحيطة زعلانة والعبرة خانقانيي و بفكر ف انو دا م سبب مقنع امي تديني كف ؟؟ .. لحدي م شالتني نومة والدموع ف وشي 💔 نمت لي زي ساعة كدا وتلفوني تحت المخدة ضرب وصحاني من النوم لمن عاينت لقيتو رقم غريب م رديت تااااني ضرب .. قما رديت قلت الوو .. قال لي تهاني كيفك (صوت ولد) قلت ليهو معليش انا م تهاني قال لي منوو ؟ قلت ليهو انت داير تهاني و دا م رقمها وقفلت الخط ورقدتا اواصل نومي .. رجع لي بي رسالة قال لي انا عارفك م تهاني انتي آلاء بس حبيت اسمع صوتك .. بعد صحيت من النوم شلت التلفون وشفت الساعة لقيت المغرب فاضل ليهو عشرة دقايق ويأذن قمت لقيت الرسالة وفتحتها واستغربت لكن م جاني فضول اعرف دا منو ! .
قمتا كدا سامعة امي بتنادي فيني ي قشرا تعالي مشيت ليها قالت لي جنك نووم انتي كدا ماالك امشي غسلي العدة الراجااك ديك 👊😒 مشيت بدون م اقول اي شي اثناء م انا بغسل ف العدة سامعة اخواتي بضحكو ويقرقرو برة ومعاهم امي وسامعة اسمي ف نص الكلام عرفتهم بقطعو فيني كالعادة بس م اشتغلت بيهم .. غسلت العدة ولبست توبي ماشة اجيب رصيد من الدكان عشان انشط نت دخلت الدكان كدا لقيت فيهو مصعب ود جيرانا .. هو كان صحبي شدييد زمان بس اتفارقنا واخبارنا انقطعت لأنو رحلو من بيتهم .. لمن شفتو قلت ليهو مصعب ؟(بي اندهاااش) قلت ليهو كيفك قال لي الحمد لله وانتي؟ قلت ليهو تمام والله .. وشلت الرصيد وطلعت طوالي .. مشيت البيت طلعت التوب وشلت التلفون عشان انزل الرصيد لقيت رسالة من النفس الرقم الدقا لي قبيل القال (لي تهاني كيفك) .. مكتوب فيها كنت متمني من زمان اسمع صوتك واشوفك وفعلا امنيتي اتحققت .. بقيت افكر دا منو ي ربي .. ف النهاية اكتشفت انو دا مصعب زاااتو .. نشط نت ولقيتو مرسل لي ف الواتس برضو .. (سلام) قلت ليهو وعليكم السلام؛ مصعب؟؟ رسل لي اي مصعب ومعاها ضحكة .. قال لي وين من زمان انتي .. قلت ليهو انا قااعدة لكن انت الافتريت رحلتو وم سالت عني تاني .. قال لي حقك عليي #واها الونسة جرت وحكى لي حاجات كتيرة عنوو وحصل معاهو شنو ف الفترة الماشفنا بعض فيها دي وانا كمان حكيت ليهووو .. جات امي بتنادي فيني اثناء م انا بسجل ليهو ف مقطع صوتي وصوتها ظهر ف الكلام وقامت اترسلت قبل م اعمل ليها إلغاء وامي ختفت التلفون مني وقالت لي اربعة وعشرين ساعة ماسكة التلفون قومي تعالي طلعي السراير والمراتب دي فرشيها برة ف الحوش .. ف اثناء الحوار حق امي جات رسالة من مصعب(مشتاق ليك والله) وامي فتحتها وقرتها وقالت لي دا شنو وبقت تكورك ونادت ابوي وقالت لي انتظري اخوك لمن يجي بعديين ..
واخوي صعب شديد ممكن يحميني اشيل تلفون تاني . 😓💔
يتبع.....
