الحقيقة المرة

الجزء 04

قبل يوم الخطوبة بي يوم سامعة امي بتقول لي ابوي يعني كيف تعرس للبت الصغيرة قبل الكبيرة كدااا م كويس ..قال ليها ي مرة هووي كل وحدة برزقها و قسمتها ..

وامي طلعت زعلانة وجات الاوضة مكشرة وشها وقالت لي مالك بتعايني لي كدا ؟؟ بجي اقدد ليك عيونك دييل مشيت دخلت الحمام وم سالتها ولمن جيت طالعة برضو سمعت اخواتي بقولو ف شي خطيير لأنو بتكلمو برااحة وقدر م ركزت م عرفتا .. قلتا اكيد بقطعو فييني .. ومشيت شلت التلفون وبقيت بتكلم مع صحبااتي وحكيت ليهو بي الخطووبة ❤ وعزمتهم انو يجو يوم التلاتااء .. ورسلت لي مصعب❤ وبقيت بحكي معاهوو ..

مشيت اشرب لي موية واجي انوم شفت ابوي وااقع ف الارض وماسك قلبو 😨 كوركت وجيت جارية عليهو ابوي ابووي انت كوويس ؟؟ وبقيت بكوورك ياا احمد يااا اميي كلهم جو جارين أحمد شال ابوي ودخلو ف العربية وجرى بيهو المستشفى .. انا لبست أقرب عباية وماشة احصلهم امي قالت لي ستين يمين م تمشي تقعدي هنا بس .. م اشتغلت بي كلامها وجريت المستشفى .. لمن وصلت لقيت احمد خاتي يدو ف راسو وبقول "إنا لله وانا اليه راجعون".. بس خلاص ف لحظتها اغمى عليي ولمن فتحت لقيت روحي برااي ف المستشفى وراسي مصدع شديييد بس نزلت من السرير وطلعت برا لقيت اخوي ومعاهو اعمامي شايلين ابوي ف سرير وانا بعاين ف المنظر دا 💔 غلبني اتحرك وجسمي كلووو اتجمد وبقيت بصررخ لالا ابوووووي يااا ابووي وببكي وقعدتا ف الواطة ابوي الماعندو غيرو مات 😭 ابوي البدلعني وبخاف علي مااات😭💔 ابوي الدايما ساندني واقف معاي 💔 ابوي الرباني وكبرني ودخلني كلية الهندسة ابوي المنتظرني ابقى ليهو مهندسة كبيييرة.. ااااابويي مستحييل يموت ابوي الكان منتظر خطوببتي وح يفرح لي 😭💔 وببكي وبكوووورك إلا جا عمي رفعني وانا بقول ليهو ابووي م مات ي عمووو .. وهو زاتو ببكي معاي وم مصدق .. ووصلني البيت بنفس العربية الشايلين فيها جنازة ابووي💔 وانا بس طول الطريق شغالة بكى ونواح😭 .. اول م وصلنا البيت وبدو ينزلو ف الجنازة ويدخلوها البيت وشافوها اخواتي وامي بقو يكوركوو .. وانا بقيت اكورك معاهم وجريت ع امي احضنها قامت لزتني وقالت لي زحي من وشيي انتي السبب .. انا م فكرت ف دا كلو كنت بس ببكي وم عارفة ابكي كيف زاتو وبي ياتو طريقة كل الحكاية إنو حياتي خلاص ضلمت 💔😓 هو الوحيد الكان بحس بي ويفهمني .. #جا وقت يمشو يدفنو ابوي انا بقيت بكورك واصرخ اكتر من أوول واااي ي ابوووي واااي ماااا تمشششي 😭 جا احمد والدموع ف وشوو قال لي ابوك ماات خلاص (والكلمة دي وقعت ف قلبي زي الصااقعة)💔💔

وهم دورو العربية ومشو وشالو معاهم سعادتيي 😔💔 وكل حاجة حلوة ف حيااتي .. #مر اسبوع وانا بقيت سااكتة بس م بتكلم خالص ولا بكى بقيت م ببكيهوو وجوني صحباتي ف البيت وقالو لي والله م كنا عارفين وشفناك قاطعة خبر والمهم بقو يبكو معاي وانا بس بعاين ليهم .

#بعد مرور 15 يوم ع وفاة أبووي وانا لسه م قادرة اعيش حياتي طبيعية ولا ح اقدرر .. وم كنت بمشي جامعة ولا بطلع من البيت وتلفوني قافل من يوم ابوي مات .. فتحتو ولقيت كمية من الرسايل من مصعب (غير مستلمة) وف الواتس برضو .. رسلت وقلت ليهو مصعب 😓 رد لي بعد ساعة لأنو م كان داخل .. قال لي حبيبتي ويينك انتي.. واتصل لي طوالي معليش انا لحدي اسي م قدرت اعزييك لكن انا لحدي الآن كل ف يوم ف بيتكم بس م بشوفك .. قلت ليهو ااي انا قافلة نفسي ف الاوضة وم فاهمة اي شي 💔 قال لي حاسي بيك انا ♡ .. ربنا يرحمو ويجعلو من اصحاب اليمين .. قلت ليهو امييين ي رب .. وبقى يقول لي دا حال الدنيااا وادعي ليهوو وحاولي انزلي الجامعة وم تهملي دراستك .. قلت ليهو انا تاني م دايرة اي شي من الدنيا دي خلاص قرفت .. قال لي انتي نسيتي انو ابوك عايزك تبقي ليهو مهندسة ؟؟ قلت ليهو م نسيت لكن لو فرحتا افرح كيف من غير ابوي 💔 قال لي انا قااعد وح افرح ليك 😘

#نزلت جامعة وانا نفسياتي تعبانة شديييد بقيت م بضحك مع صحباتي وباقي الشلة زي زمان ..

ومن بعد وفاة ابوي امي بقت اكعب من اول وأخواتي بقو يجرحوني بي لسانهم كل مرة وبحرشو علي احمد 💔😔 ويضرني .. بس انا اتغيرت وموت ابوي دا قواني وتعلمتا كيف اكون قوية من غير ضهر 👌✋ .. #مرت 7 شهوور ومصعب فتح لي موضوع الخطووبة وكلم اهلو وجااين .. والحاجة الخايفة منها اخوواااتي واميي يخربو علي ..

يتبع.....