قلت ليهو كلام شنوو ي مصعب اتكلم م تحرق روحيي 👋 قال لي انا عاايز اعرسسك .. قلت ليهو شنوو ؟؟ قال لي أعررررسسسك م سمعتي ؟! موافقة ولا لا !؟ قلت ليهو ي مصعب انت عارف ردي شنو ومافي داعي للسؤال يعني 😏👋 .. ضحك وقال لي عاارف بس داير اسمعها منك 😌 قلت ليهو انا ف شنو وانت فشنوو م وقتو خالص كلامك دا .. قال لي وقتووو .. لازم الاسبوع الجاااي دا يكون عرسنا .. قلت ليهو اكيد انت بتهظر.. قال م بهظر ولاا شيي انا جااادي ✋ .. قلت ليهو طيب كيف نسيت انو انا شغالة جامعة وامتحاناتي قربت ؟؟ 😒 قال لي خلاص بعد الامتحانات دي طوالي ح نعرس قلت ليهو تمااام الله يحيينا 😪 .. وفعلا امتحنت واتخرجنا انا وصحباتي سوا واخدت بكلاريوس الشرف ف كلية الهندسة ❤😍 وشلت شهاادتي .. وبعد انتهينا من الجوطة دي رجعنا البييت وشلت صورة ابوي وقلت ليهو يااا ابوي بتك اتخرجت خلااااص 😍 ورفعت راسك زي م وصتك♡ اريتك جمممبي 💔 بس اكيد انت سامعنيي وشايفني وفرحان لي كمان ❤
#جا اليوم الموعود ومصعب جاب سيرة العرس تاني وقلت ليهو تتقدم لي كيف ولي منو وانا م عندي زول تتقدم ليهوو .. ولا بعرف لي عم ولا خاال والشهود ح يكونو منو .. و بكيت ليهو طوالي 💔 قال لي دي ااصلا م مششكلة كان ع الشهود صحباتك واهل صحباااتك مش هم زي اهلك ؟ قلت ليهو اي والله واكتر كمان ♡ قال لي خلااص بس هم اليشهدو عليناا وعرسنا ح يكوون قدام النااس كللهااا .. وعايزك تطلعي لي احلى عرووسة ❤😍 (انا فرررحتاا فرح شدييد وغلبني ارد عليهوو) .. وقلت ليهو تمام اللي فيهو خير ربنا يسوي بي (خجل طبعا)🙈 .. وقلت ليهو طيب اهلك ح يقولو شنوو ؟! قال لي من الناحية دي م تخااافي .. لأني كللمتهم بي كل شي وعارفين اي حاجة عنك 👌 وامي قالت لي نحنا كنا جيراان وعارفين كل حاجة عن آلاء وشكرتك لي كمان 😘 قلت ليهوو قول والله 😱 واااي م بصدق ي مصعب (من الفرح دمعتاا) .. قال لي انبسطي حبيبتي!؟ قلت ليهو اكييد 😍 قال لي ولسه ح ابسطك اكتر 😉👌 .. وقال لي اسي امشي خشي لي صحباتك ووريهم الحصل لأنو انا جاي اسوووقك خلاص وح تبقي حقتي براااي ❤ نزلت من العربية وانا م عارفة اقوول شنووو !! (انبسطا ياااخ) .. وجريت جررري دخلت لي صحباتي ومبسووطة وبنطط .. شيماء وآمنة 😳😳 ي بت جنيتي ؟؟ وبقو يعاينو لي بعض وم فاهمين شي .. قلت ليهم حصل وحصل وحصل 😍💃 .
بقو يصرخو معااي بالفرح وانبسطو لي شدييد😍 .. (بالجد هم صحبات مافي زييهم دايما بتمنو لي الخير وبنبسطو وقت انبسط وبزعلو وقت ازعل زي التقول حاسين بكل حاجة فيني كأننا وااحد) ❤ .. وحكيت ليهم بالحصل وجات ام آمنة ع حس الجوطة والضحك وقالت لينا ف شنو ي بنات قامت امنه قالت ليها صحبتنا ح تبقى عروووس 👏👏 قامت ام امنة زغردت ايوووويوووي 🙈 وانا بقيت بضحك بس .. قام ف اللحظة دي ضرب لي مصعب وقال لي تعالي برا تاني نسيت حااجة .. جريت جري اول م وصلتو اداني قرووش .. وقال لي دي قروش الشيلة اشتري العايزاهو براحتك واداني حق الفستان والكوفيير والحنة 😍 ياخ انا بس بقيت ببكي ليهوو (يعني حاجة م بتتوصف معقول الدنيا دي لسه فيها ناس بخيرها ؟؟!!! .. بالجد ربنا عوضني بي اهل اخوات وراااجل) ❤ .. #المهم قال لي انا حاسي بييك م تقولي شي امشي جوة خلاص الزمن اتأخر ويلا الاقيك بعد اسبووع .. ومشى ع كداا .
دخلت جوة وبقيت بنطط ليهم اكتر من اول 😂 .. قعدو يضحكو وقالو لي ف شنو تاني! وريتهم القرووش وكدا .. قامت شيماء قالت الوضع بقا جااادي يلا نحنا ح نعمل كالأتي .. بكرة انا وخالتو(ام امنه) ح نمشي السوق ونجيب ليك الشيلة وقبل كل دا تضربي لي مصعب بتاعك دا وقولي ليهو اسبووع بسيطة ✋😐 انتي منتظراك ريحة وشيلة وتجهيز لي نفسك وبعدين حجز الفستان والكوفير الحاجات دي كلها دايرة زممن م بكفي اسبوووع ي الوية .. قلت ليها تمام ..ح اكلمو بعدين .. شيماء تاني قالت ح نوزع الشغل كل زول يعمل حاجة .. انا وخالتو دي(ام امنه) وانتي وامنة نمشي بكرة السوق ونجيب الشيلة والريحة بالمرة .. وتاني يوم نمشي نحجز ف الكوفير ونجيب الفستان .. بعداك تقعدي ي آلاء تتحبسي ف البيت وح تقعد معاك امنه.. #يلا شنوو ضربت لي مصعب وقلت ليهو اسبوع بسييطة اديني زي شهر كدا لأنو البرنامج طويل .. قال لي خلااص مافي مشكلة .. #المهم قعدتا التلاتة اسابيع الأولى دي نضافة ف جسمي ورااحة وم بخلوني انزل من السرير (ي رب يجي اليوم الاقيف معاهم زي م وقفو معاي وارد ليهم جميلهم دا♡) .. فاضل الاسبوع الأخيير صحباتي عملو لي حنة حاااجة م تخلص 😍 وكانت بنات بس 👏 احلى حنة والله . #وبقى يوم الليلة دا ينتهي وبكرة العرس😍 ..
يوم العرس سامعة بعد صلاة الجمعة صوت المأذون ف اضاني وانا بسمع ف اسمي اني خلاص بقيت مرتووو 😍 وحلاالوو ❤ بس غمضت عيوني وبسمع وقلت بي جوااي الحمدلله والشكر لله ❤ بعد شوية ضرب لي وقال لي :مبرووك لينا ي مرتي ♡♡ وااي انا يااخ(قلتها بي سري طبعا)👋🌚 قلت ليهو الله يبارك فيك ي راجلي ❤ . جا المساء وانا جهزت خلاص وكلها دقايق ومصعب يجي يسوقني الأستديو #مصعب جا وانا بعاين ليهو ويعاين ليي مسافة وخجلاااانة ياخ🙈 .. مسكني من يدي وركبنا العربية والعربية التانية فيها شيماء وامنه .. وصلنا الأستديو واتصورنا وجرينا ع الصالة الحجزها لينا من قبل شهرر .. والناس تزغرد وتبشر وناس تصور (وانا بي جاي م حاسة بي نفسي وم قادرة اصدق وحاسة بيهو خيال خيال ) ❤ دخلنا جوة ونحنا ماشين ع صوت الموسيقى حقتنا (وصلو العرسان وصلو) .. وقعدنا ف الكوشة وطوالي سرحتا بتذكر ف امي وابوي وقلت ليهم بي سري يا ريتكم لو جمبيي وتشوفو بتكم عرست وتفرحو ليها .. ياااا ريت 💔😭وجات ام امنه تبارك لي انا م صدقتا حضنتها وبكيت قدرتي ف كتفهااا وبكيت مع شيماء وامنه بكى شدييد .. وقلت ليهم انا فاقدة ابووي يا ريت لو كان معاي ي حليلو 😓 وانا ببكي بي حررقة.. (قدر م اقول م ابكي واتصبر م قدرت).. بس الحمدلله ربنا يصبرني 💔 وصحباتي بقو يسكتو فيني اسكتي خلاص ح تخربي المكياج وبطلي وكدا .. سكتا والناس بقت تبارك ليي ❤🙈 .. #وانتهت جووطة العرس وكان احلى يووم 😍.. ومشينا بيتنا وكان بيتي براااي انا وراجلي بسس👏 واسي عندي ولد سميتو ع ابوي وصورة ابوي لحدي اسي محتفظة بيها ومعلقاها ف الحيطة كبييرة وكل م اجي بي جمبها بدعي ليهو .
#فعلا حقيقة مرة اني اكتشف م عندي ام ف الدنيا لأني فقدت كل الحنية فقدت كل الجمال فقدت زولة الجنة تحت اقدامها اقول ليكم شي؟ فقدت اي حاجة انا لأنو الأم دي بالدنيا والله✋ لكن الحمدلله ربنا عوضني بي ناس سمحييين وعوضني بي راااجل وعوضني بي ولد يكبر ويسندني ويطلع راجل زي ابوهوو واربيهو صااح واعملو معنى الإنسانية والرحمة ف خلق الله💪👌 ..
........ الـنـهـايـة .........
