ابوي جا وقال لينا ف شنوو ماالكم ؟! امي قالت ليهو شوف بتك الراجيهاا تتخرج من الجامعة وتبقى ليك مهندسة وادتو التلفون .. ابوي قرا محادثتي كلهااا مع مصعب وقال لي تعالي بهناك دايرك وانا خااايفة💔 من ابوي (م خايفة انو يشاكلني او يحميني الجامعة.. لا خايفة يفقد ثقتو فيني ودي اكعب حاجة)😔💔 #المهم مشيت معاهو وقعد معاي وقال لي دا منو ي بتي(طبعا انا م بعرف الف ادور وريتو الحقيقة ) .. قلت ليهو دا مصعب ود محمد الحسن الكانو ساكنين جمبنا زمان .. ابوي قال لي وعلاقتك بيهو شنوو ؟ قلت ليهو صحوبية بس .. قال لي يعني مافي حاجة تانية بيناتكم ؟! قلت ليهو لالا .. قال لي تماام هاك التلفون .. ومشى ع كدا وخلاني م فاهمة شي حسيت بيهو زعل من تصرفي لأني م معوداهو انو احكي مع أولاد .. جاتني امي قالت لي عشان عارفة ابوك م بسألك بقيتي تتعلي عليهو .. م اتجادلت معاها ومشيت خليتها قالت لي لمن يجي اخووك👌 .. وفعلا اخوي جا وامي حكت ليهو الحصل كلووو😓 وابوي الساعة ديك طلع الشارع لو في م كان كلمتو لأنو هي قدام ابوي عاملة فيها ملااااك .. #طبعا اخوي لمن عرف جاني طووالي وبقا يكوورك فيني شديييد وكفتني ودقاني بالحزاام وجسمي كلو اتورم😢 وشال تلفوني كسرو بالحيطة 😔💔 وانا بحاول امسك ف يدو عشان م يضربني كتيرر لمن ملخ لي يدي .. وقال لي تاني تعالي قولي دايرة تلفون 👊😡 .. هو الموضوع م كبير للدرجة دي لكن انا مقتنعة تماما انو امي زادت ليهو الكلام وحرشتو علي ..
انا بقيت برجف من الضرب الضربني ليهو اخوي وجسمي كلو بقى يوجعني ويألمني💔 وم نمت كويس بالوجع .. (م وجع الجسم براهو وجع انو امي انا بتها ليه بتعمل فيني كدااا) .. نمت وكالعادة دموعي سايلة 😓 صحيت الصباح بدرييي مع الآذان صليتو وقريت سورة يس وبقيت بدعي كتيير انو ربنا يبعد عني كل شرر ويحنن قلب امي علي .. وبعد خلصت مشيت جهزت ليهم الشاي ولبستا وطالعة الجامعة لأنو محاضرتي 8 قبل اطلع لقيت ابوي داخل البيت كان ف الجامع قلت ليهو كيف اصبحت ي ابوي .. رد لي رد مسيييخ كدا وقال لي الحمدلله .. عرفت انو زعلان لسه من الحصل امبارح .. مشيت ليهو وسلمت عليهو ف راسو وقلت ليهو م تزعل مني ي ابوي وانا بتك زاتها البتثق فيها وم ح تخزلك ف يوم من الايام وح ابقى ليك مهندسة كبييرة زي م انت عايز وح تفتخر بي ان شاء الله طوالي ابوي ابتسم لي وقال لي اي دي بتي البعرفها وشلت منو القروش وطلعت .. وقفت مساافة بعداك لقيت مواصلات وركبت .. وصلت الجامعة لاقيت شيماء وآمنة سلمت عليهم وطوالي دخلنا المحاضرة .. لكن كأني م حضرتها م كنت مركزة خاالص مع الحصل لي وبقيت سرحاااانة وبفكر انو ي ربي كل بنات الناس امهم بتعاملهم كدا ؟ شيماء سالتني بي تحت برااحة كدا .. قالت لي مالك انتي ي الوية م طبيعية الليلة م اتعودنا نشوفك هادية كدا قلت ليها والله تعبااانة حاسة عندي ملاريا .. وانا موعيانة ولا شي ( طبعا انا صاح م قاعدة ابين وجعي لي زول بكون بضحك وبتونس عادي وم بظهر ف وشي اني زعلانة بكتم جواي بس ) #المهم شيماء قالت لي لو م قادرة ممكن نمشي نوصلك البيت قلت ليها لالا مافي داعي بتم باقي اليوم دا برتاح بكرة اصلا م شغالين .. #اها المحاضرة انتهت وطوالي قالو ماشين البيت قلت ليهم مالكم ماشين البيت من اسي الساعة 3 قالو لي هييي دي سنة راابعة ونحنا خرجين م دايرين لعب زي السنة الفاتت .. قلت ليهم هو وينو اللعب اسي؟ عايزين نقعد شوية مع بعض ..( وانا م عايزة امشي البيت عشان امي وأخواتي 💔) قلت ليهم لكن خلاص ي حلوين اارح البيت م مششكلة .. ودعنا بعض وكل وحدة مشت بي اتجاه .. وانا طبعا م مشيت البيت مشيت البحرر وبقيت قااعدة هناك وببكي 😔 .. لحدي الساعة 5 بعداك قمت اتحركتا .. وركبت مواصلاتي ونزلت ف شارع بيتنا وشفت مصعب (بي صراحة لمن اشوف مصعب بحس بي ارتياح كدا .. بحس بيهو ابوي التانيي م عارفة السبب الخوف اطلع اني بحبو) 💔 يلا لمن شفتو سلم علي وقلت ليهو ي مصعب م ينفع اقيف معاك هنا خاالص قال لي خلاص اررح مكان تاني وركبت معاهو ف العربية وقفل القزاز وهو مظلل وبقا يقول لي ي آلاء ف شنو ومن امبارح تاني م دخلتي واتساب والرسالة بتاعت المقطع الصوتي ديك كنتي عايزة تقولي شنوو .. عاينت ليهو كدا وبقيت ببكي م قدرت احكي نهااائي وهو بقى مخلووع 😳 قال لي انتي بتبكي ؟؟ ي آلاء فشنوو احكييييي .. حكيت ليهو الحصل كلووو .. قال لي كلو بي سببي انا وم بعرف شنو وقال لي انا ح امشي لي ابوك واعتزر ليهووو .. قلت ليهو لالا م تمشي الموضوع اتقفل خلاص وم نفتحو من جديد وانا م ناقصة .. قال لي تماام وفتحت باب العربية عايزة انزل قال لي ي آلاء قلت ليهو نعم !! قال لي خلي بالك من نفسك ( بعد الكلمة دي حسيت بي احساس غريب كدا) قلت ليهو وانت كمااان .. ومشيت سريع البيت دخلت الساعة 7 إلا اول م دخلت البيت قلبي بدق لأني إتاخرت وخفت الاقي اخوي ولا امي لكن الحمدلله البيت لقيتو فاضي م عارفاهم مشو وين بس لقيت ابوي ونايم .. مشيت سريع سريع استحميت وصليت واكلتا ابوي صحى سلمت عليهو .. وقلت ليهو ناس البيت وين ؟؟ قال لي مشو عرس بت خالتك .. قلت ليهو جد 😳 قال لي اي وقلت ليهم انتظرو آلاء قالو لي آلاء قالت م ماشة .. ( وهم م بكلموني بي اشي ودايما بطلعو ويتفسحو براهم ) طوالي قلت لي ابوي ايواا ومشيت وم قلت ليهو انو م كلموني عشان م يزعل ..
دخلتا الاوضة .. ابوي كورك لي مشيت ليهو واداني كرتونة قلت ليهو دا شنو قال لي دا تلفوون .. طوالي سألتو قلت ليهو انت عرفتا كيف م عندي تلفون قال لي شفت تلفونك مكسر وعرفتا دا اخوك ومشيت واجهاتو واتكلمت معاهو وشاكلتو وانا جبت ليك التلفون دا .. بس تاني م تعملي عملتك دي ي بتي .. شلتوو بدون اي نقاش قلت ليو حاضر ابوي وماشة كدا قال لي دي الشريحة شلتها ومشيت .. لقيتها مسجلة وفيها رصيد كمان .. نشطتا نت ودخلت الواتساب ورسلت لي صحباتي وصلتو كيف ورسلت لي مصعب وريتو قصة التلفون الجديد وكدا ( مع انو ابوي وصاني بس م قدرتا 😓) ..
#مرت الايام وعلاقتي بي مصعب بقت اكتر من صاحب بقيت بحس بي نفسي انو بحبو ولازم كل يوم اشوفو واسمع صوتو مرات كتير بكتب ف الكيبور بحبك واقول ارسلها ليهو لكن تاني بمسحها بخاف يقول البت خفييفة ولفيفة .. 😂 #صراحة مصعب بقيف معاي ف اي حاجة وعارف اي شي عني وجميع تفاصيل حياتي بالجد بحس بيهو زي ابوي .
#المهم قررنا يوم نطلع فيهو انا ومصعب ياهو طلعنا وكان يوم حلووو😍 ومصعب فجاءة بقى يقول لي كلام كدا م كنت متوقعاهو .
يتبع.....
