مصعب بقى يقول لي انا خايف اخسرك .. ي آلاء انا بحبك وانا عايزك وم بهظر ودايرك لي قدام عايزك تبقي مرتي وام اولادي ❤ .. انا ف اللحظة دي م عرفت اعمل شنوو اتفاجأت لأنو فجاءة قال لي الكلام دا من دون اي سابق وساكتة ساااي وبعد مساااافة قلت ليهو انا م عارفة اقول شنوو؟!!!! .. قال لي م تقولي شيي انا حاسي بييك وعارفك بتحبييني زي م بحبك . انا سكتا وعيوني دمعوو من الفرح م قايلة هو كمان بحبني 🙈 .. المهم رجعنا ووصلني لحدي بداية شارع بيتنا ومشى وانا دخلت البيت .
خلصت حاجاتي ومشيت فتحت تلفوني ولقيت كمية من الرسايل من مصعب ❤ وكلها عبارة عن اني م مصدق انك ف حياتي وم تخليني اووعك ..وم عندي غيرك كلام من النوع دا ..طوالي وقفتا ف نص السرير وبقيت بنطط ومبسوطة 😂 .. رسلت ليهو القرد الخجلان داك وخلاص قال لي بس كدا؟؟ قلت ليهو اي ويلا اقطع وشك ماشة اصلي و مسحت الرسايل اول بي اول قبل م امي تجيني فجاءة زي المرة الفاتت .
الايام جرت وتعلقت بي مصعب اكتر وبقى كل شي بالنسبة لي .. فجاءة قال لي ي آلاء انا جاي البيت واخطبك من ابووك عدييل انا م عايز علاقتنا دي تبقى كدا عايزها بالحلال وان شاء الله ابوك يدق سدرو ويقولو علي بالطلااق تعقدوو 💪 (كبر ف نظري اكتر لمن قال كدا) بس انا نطتا عيووني كبااااار والكلام دخل الحوش 😳👌😨 قلت ليهو طيب .. قال لي خلاص الجمعة القدامنا دي انا بجي .. بقيت بعد ف الايام وبالدقايق والساعات .. لحدي م الجمعة جاات ❤😍 والساعة 5 بالظبط مصعب دقا الباب فتح ليهو اخووي .. (بس الحاجة الكويسة انو اخوي م عارف انو دا مصعب الشاكلني فيهو وكسر التلفون بي سببو) ..#اها دخل وفضلهو وامي شغالة تقول شكلو دا مصعب ود منى واخواتي يقولو عاينو ليهو بقى سمح كييف😨 وشايل مفتاح عربية ف يدوو شكلو عندو عربية ورووق..😍 وانا بس اعاين ليهم سااي اتغظتا منهم و اصلي م قلت ليهم جاي عشان يخطبتي بس ساااكتة وح امثل اني م عارفة حاجة قدامهم . ✋
#يلا مصعب فات وكنت بفكر ي ربي حصل شنووو ؟!!.. وانا بس شغالة اقول يااا رب يا رب 👐 .. جا ابوي وطوالي ساقني من جمب اخواتي وامي وقال لي تعالي داايرك مشيت معاهو .. قال لي دا مصعب ود محمد الحسن الكنتي بتتكلمي معاهو ؟ قلت ليهو اي ياهو .. قال لي تماام .. قلت ليهو قال ليك شنوو ؟! قال لي قال داايرك ع سنة الله ورسولو .. قلت ليهو وانت رايك شنو ي ابوي ؟ قال لي الولد كوويس وما شاء الله عليهو مؤدب ومحترم و راجال جاك بالباب عدييل وانا م عندي مانع ✋ .. فرحتا فررح طبعا 😍 بالجد انبسط شدييييد وقلت ليهو احمد اخوي قال شنو ؟ قال لي احمد م عندوو م عندو مانع مادام انا موافق .. وقال يوم التلاتاء ح يجيب اهلو ويعمل خطوبة رسمية وكدا .. قلت ليهو تمام ومشيت ولقيت مصعب بضرب رديت الوو قال لي حبيبتي ( ولمن قال لي حبيبتي يااخ احساااس مباالغة 😍❤) قلت ليهو عيوون حبيبتك انا م مصدقة والله وعيوني بدمع من الفرح قال لي ولسه ح تفرحي اكتر واكتر .. وانا ح اعوضك عن كل العذاب العشتي ف حياتك بس انتظري نكون ف بيتنا .. قلت ليهو الله يخلييك لي ، قال لي ويخليك لي حبيبتي انا ❤ وقفلنا الخط .
#بهناك ابوي كلم امي واخواتي والغيرة كتلتهم .. وبي سبب غيرتهم دي ح يعملو لي مشاكل كتيرة💔
يتبع.....
